Ebikhole 21
21
Paulo yatsia eYerusalemu
1Ne olwa khwali nikhukabukhaane ninabo, nikhuli muliaro nikhutsiitsanga, khwatsia eKosi khunjila inunji; mana mukamba nikhuula eRodo, nokhurula yaho okhuula ePatara; 2nikhunyoola eliaro eliitsa okhwambukha okhutsia eFoinike, nikhuniina, nikhuchaaka okhutsia. 3Ne olwa khwalola Kipiro, khwashilekha khumukhono mukhasi, nikhutsia eSiria, nikhwikha eTiro; okhuba ebweneyo eliaro liali nilili okhuruula emisiiko. 4Nikhumalile okhunyoola abeechi, khwamenyayo tsindaalo musaafu; nabo nibaboolela Paulo khulwa obunyali bwaRoho mbu araseena eshilenje eYerusalemu tawe. 5Ne olwa tsindaalo etsio tsiali nitsihweele, khwarulayo nikhutsiililila khuluchendo Iweefwe; nabo bosi, halala nabakhasi babwe nende abaana, nibakhukooba okhuula olwa khwali nikhurulile mwitaala; nikhusikama khulukuku, nikhusaaya, 6nikhuseebulana; ifwe nikhuniina muliaro, nabo nibakalukha ingo.
7Ne olwa khwali nikhumalile oluchendo okhurula eTiro, khwoola eTolomai; nikhushiesia abaana beefwe, nikhwikhalayo inyanga ndala. 8Mana mukamba nikhurulayo, nikhuula eKaisaria; nikhwinjila munzu yaFilipo, omwilwatsi weinjiili, mulala khubeenabo musaafu, nikhumenyakhwo ewuwe.
9Ne omundu oyo yali nabaanabe abakhaana bane abali abashisila, abalakulanga. 10Ne olwa khwashindayo tsindaalo tsinyinji, omunabii undi oulangwa mbu Agabo yakholomokha narula ebuYahudi; 11niyeetsa ewa khwali, nabukula omushiipi kwaPaulo, niyeeboha ebilenje nende amakhono, nasunga mbu Kano niko aka Roho Omutakatifu aboola; mbu Nindio abaYahudi abali eYerusalemu baiimuboha omwene omushiipi kuno, nibamuhaana mumakhono kAbamahanga. 12Ne olwa khwahulila amakhuwa ako, if we nende abebweneyo, fwesi, nikhumusaaya mbu aleshe okhutikulukha okhutsia eYerusaiemu. 13Mana Paulo nakalusia, mbu Mubeele murie nimulila nimwira omwoyo kwanje? Okhuba shindirecheeshe khulwa okhubohwa khwonyene ta, habula nende okhufwila eYerusalemu khulwa eliira liOmwami Yesu. 14Ne olwa yakhaya okhunichi-isibwa khwalekha, nikhusunga mbu Aka Omwami yeenya kakholeshe.
15Nolunyuma lwetsindaalo etsio khweekhwania nikhutikulukha okhutsia eYerusalemu. 16Ne abandi abokhubeechi beKaisaria nibalondana nineefwe, nibakhuyila enanzu waMunasoni oweKipiro, omwechi wakhale, ewa khwali nikhuli okhumenyakhwo.
Paulo yeenjila ewaYakobo
17Ne olwa khwali nikhuulile eYerusalemu, abaana beefwe bakhwinjisia nobusangaali. 18Mana mukamba Paulo yeenjila nineefwe ewaYakobo; abakofu bosi nibabayo. 19Ne olwa yali nabashiesiye, yabatoonyela, elala elala, khumakhuwa aka Nyasaye yali nakholile muBamahanga khulwa obukhalabanibwe. 20Nabo olwa bakahulilakhwo, nibamwitsoomia Nyasaye; nibamusunjila bari Mwana weelwe, oluutsi shinga abaYahudi abasuubila olwa bali ebikhumila nebikhumila; ne bosi nabalumilifu mumalako; 21ne babooleelwe khwiwe, mbu wechesinjia abaYahudi bosi abamenyanga muBamahanga okhumulekha Musa, nobakaania oburasheba abaana babwe kata okhulonda khubiima tawe. 22Kho nakhukhole khurie? Shibalachweya okhuhulila mbu witsile ta. 23Kho okhole likhuwa lino elia khukhuboolela; mbu khuli nende abasaatsa bane abeetsubile eshiitsubo; 24obabukule, wisiiye ninabo halala, nobarunjila emirungo chiabwe, mbu mana beebeche emirwe; mana bosi nabamanye mbu obwatoto buhumaho mumakhuwa ako aka baboolelwa khwiwe; habula mbu iwe omwene wichendelesinjia habwene, nolonda akamalako. 25Ne khumakhuwa kAbamahanga a'oasuubila, khwahandiika obukhalachi bweefwe, mbu basile ebindu biemisango ebimaliilwe ebifwanani, nende amalasile, nende ebimichilwe, nende obuheyi. 26Kho Paulo yabukula abasaatsa abo, mana mukamba niyeesiiya ninabo, niyeenjila muhekalu, namanyia aketsindaalo tsiokhusiiyikha olwa tsiakhaba nitsihweele, okhuula olwa eshihaanwa shiakhaba nishihaaniilwe buli mulala khubo. Paulo yahambzva nali muHekalu 27Ne olwa tsindaalo etsio musaafu tsiali nitsili ahambi okhuhwa, abaYahudi abarula ebuAsia, olwa bamulola nali muhekalu, bakoyaasia omukanda kwosi, nibamukwakhwo, 28nibalanjilisia, bari Inywe abasaatsa baIsiraeli, mukhukhoonye; uno niye omundu tsana owechesinjia abandu bosi, buli hosi, nafukula abandu, nende amalako, nende habundu hano; khandi waleerile kata abaYunani muhekalu, niyoonoonia habundu hano ahatakatifu. 29Shichila bali nibamuluutsi mwitookho nali nende Turofimo, omuEfeso, owa bakaala mbu Paulo yali namuleerile muhekalu.
30Abelitookho liosi nibatetekhana, abandu nibeelushila halala; nibamukwakhwo Paulo, nibamukhwesa nibamurusia muhekalu; mana emiliango nichiikalwa. 31Ne olwa bali nibakhaabanga shinga olwa bakhamwira, omuseesia omukhulundu welihe liabasikari elo yakhupilwa omunwa, mbu Yerusalemu yosi yikoyaanile. 32Kho habwene nahabwene yabukula abasikari nende abaseesia, nabakholomoshela tsimbilo; nabo olwa balola omuseesia omukhulundu nabasikari, nibalekha okhumukhupaka Paulo. 33Mana omuseesia omukhulundu nasita ahambi, namuhamba, nalaka mbu abohwe neminyololo chibili, nareebelesia mbu niye wina, khandi mbu akholile shiina? 34Abandi abomumukanda nibayochela nibaboola amakhuwa yaka, nabandi yaka; ne olwa yakhaywa okhumanya obwatoto bwamakhuwa khulwa indiri eyo, yalachilisia mbu ayilwe munzu yobulindi. 35Ne olwa Paulo yoola khumaniinilo, nikaba mbu yachingwa nende abasikari khulwa amahababa komukanda; 36okhuba obunji bwabandu balonda inyuma, nibalanjilisia bari Murusieho.
Paulo yeelwatsa niyeeteetsa
37Ne olwa Paulo yali nali okhwinjisibwa munzu yobulindi, yasunjila omuseesia omukhulundu ari Nochama, ekhuboolelekhwo likhuwa. Naye nasunga ari Khane wamanya oluYunani? 38Shioli iwe omuMisiri oyo owa ekulo wabuusia induli niyeemlila abasaatsa abo ebikhumila bine abalangwa mbu Abeeri, mbu batsie mushitsiimi? 39Naye Paulo nasunga mbu Isie endi omuYahudi, weTaruso ebuKilikia, omundu womwitookho elirali lituutu ta; chama umbeesie omunwa esunganekhwo nende abandu bano. 40Ne olwa yali namuheele omunwa, Paulo yasinjila khumaniinilo, nasimila abandu omukhono; ne olwa bali nibaholeeleele elala, yasunganila ninabo muluYahudi.
Attualmente Selezionati:
Ebikhole 21: OUV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975