Malaki 4
4
Induukho yOMWAMI eyili okhwitsa
1Okhuba lole, induukho yiitsanga, niyiyiile shinga amayika; nabo abeechinjimisii bosi, nende bosi abakholanga tsimbii, balakwa olububa; induukho eyo eyiitsanga yilabasamba kutu, niyirabaleshela kata omusi kata olusaka ta; nilwo olwa OMWAMI, omwene mahe, aboola. 2Habula khwinywe abariitsanga eliira lianje, eliuba liobulunjishi lilamufwindila, nobuhonia mumbaha tsialio; mana mularula nimutsala shinga ebimoosi ebirula mushitioli. 3Mulaseenela ababii hasi; okhuba balaba likoshe hasi webilenje bieenywe khunduukho eya ndalakhola kano; nilwo olwa OMWAMI omwene mahe aboola.
4Mwitsulile amalako kaMusa omusumba wanje, eya ndamulachila muHorebu khulwa Isiraeli yosi, mbuakalachilisibwa nakobukhalachi. 5Lole, ndalamurumila Eliya omunabii, induukho eyo yOMWAMI, ikhongo neyamariisia, niyirashioola ta. 6Alashiukhasilia abaana emioyo chiabasaabwe, nashiukhasilia abasaabwe emioyo chiabaana; mbu endeshe okhwitsa okhukuuma eshialo nishilaka eshilaka munwa.
Attualmente Selezionati:
Malaki 4: OUV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975