Matsayo 23
23
Yesu yafukula Abahandiichi nabaFarisayo
(Mk. 12.38-40; Lk. 11.37-54; 20.45-47)
1Mana Yesu yaboolela abemikanda halala nende abeechibe, 2ari Abahandiichi nende abaFarisayo beekhalanga khushifumbi shiaMusa. 3Niko akachila, amakhuwa kosi aka bamubiila, mukakhole nimukalinda; nebutswa muralonda ebikhole biabwe okhubikhola ta; shichila baboolanga, ne shibakhola ta. 4Nitoto, babohanga emisiiko emisiro, nibachira khumabeka kabandu; ne abeene shibateema okhuchisitiakhwo kata nende olwala tawe. 5Ne ebikhole biabwe biosi babikholanga mbu balolwe nabandu; okhuba babambusinjia tsiriisi tsiabwe, nibakaliyinjia amayebeyo akokhubiifwalo biabwe, 6nibaheela obwikhalo obukhulundu mumasabo, nebifumbi ebiambeli mutsisinagogi, 7nokhushiesibwa muluyia, nokhulangungwa nende abandu mbu Rabi.
8Ne inywe muleshenje okhulangwa mbu Rabi; Okhuba omwechesia weenywe nimulala, nineenywe mwesi muli abeebule. 9Khandi muralanganga omundu yesi mbu seenywe mushialo ta; shichila Seenywe nimulala, ouli mwikulu. 10Kata muralangungwa mbu abeebaali tawe; shichila omwibaali weenywe nimulala, niye Kristo omwenoyo. 11Ne ouli omukhongo mwinywe alaba omukhalabani weenywe. 12Khandi omundu yesi owiyemekha omwene alatiitiyibwa nowitiitiyia omwene aleemekhwa.
13Woowe, inywe abahandiichi nende abaFarisayo, abeekaatii! Shichila mwikalilanga abandu obwami bwomwikulu; okhuba inywe shi mwinjilanga abeene ta, kata abeenabo abeenjilanga shimubafuchiilila okhwiniilamwo tawe.
[14Woowe, inywe abahandiichi nende abaFarisayo, abeekaatii! Shichila muliitsanga tsinzu tsiabakhasi abalekhwa, olwa musabanga nimuboola amakhuwa amarambi khulwa obwikaati; ko akachila eshiina shilimufwila eshikhongo.]
15Woowe, inywe abahandiichi nende abaFarisayo, abeekaatii! Shichila mulambuulanga inyanza nende eshialo khulwa okhukalukhasia omundu mulala; ne olwa aba niyeekalukhasiye ario, mumukholanga abe omwana waGehena okhushila inywe khandi khabili.
16Woowe, inywe abeemilisi ababofu, ababooIanga mbu Omundu yesi niyeetsuba khuhekalu, eshiitsuboshie nibutswa; ne omundu yesi niyeetsuba khutsahaabu yeihekalu, kho aba yeeboyile. 17Abasilu inywe, khandi ababofu; mbu eshishila nishiina, itsahaabu yene, nohomba ihekalu eyichila itsahaabu yiba indakatifu? 18Khandi, mbu Omundu yesi niyeetsuba khushimalilo shiemisango, eshiitsuboshie nibutswa; ne omundu yesi niyeetsuba khushihaanwa eshili khushio, kho aba yeeboyile. 19Ababofu inywe; mbu eshishila nishiina, eshihaanwa shiene, nohomba eshimalilo shiemisango eshichila eshihaanwa shiba eshitakatifu? 20Kho owitsuba khushimalilo shiemisango, yeetsubanga khushio khandi khubiosi ebilikhwo. 21Ne oyo owitsuba khuhekalu yeetsubanga khuyo khandi khumwenoyo oumenyangamwo. 22Nowitsuba khwikulu, yeetsubanga khushifumbi shiaNyasaye, khandi khumwenoyo owikhalanga khushio.
23Woowe, inywe abahandiichi nende abaFarisayo, abeekaatii! Shichiia mwahulanga eshitonye shielikhumi shiakhuminanaa, nende khubinzari, nende khuchiira, nimuchweya okhuusia amakhuwa amakhongo akomumalako, mbu obukhalachi bwatoto, nende tsimbabasi, nende obwisiikwa, niko aka mwali nimukhoyeele okhukhola, oburalekha okhukhola akeene kalia ta. 24Abeemilisi ababofu inywe, abeelulangamwo isuna, nimumila mgamia!
25Woowe, inywe abahandiichi nende abaFarisayo, abeekaatii! Shichila mulabinjia eshikombe nende eshikaye emukongo wabio, ne mukari bibeetsanga biitsuulemwo obunuuli nende obureelinda ta. 26Iwe omuFarisayo omubofu, ranjilila olabie eshikombe nende eshikaye mukari wabio, mbu mana emukongo wabio bilabe birio.
27Woowe, inywe abahandiichi nende abaFarisayo, abeekaatii! Shichila mufwana shinga ebilirdwa ebihoomilwe lilongo, ebilolekha elwanyi shinga ebing'oonefu, ne mukari mubeetsanga nimwitsuulemwo amakumba kabandu abafwa nende eshifwabwi shiosi. 28Nineenywe mwesi murio, elwanyi muloleshelanga abandu mbu muli abalunjishi, ne mukari mubeetsanga nimwitsuulemwo obukaatii nende obumayaanu.
29Woowe, inywe abahandiichi nende abaFarisayo, abeekaatii! Shichila muumbakhanga ebilindwa biabanabii, nimung'oona ebilindwa biabalunjishi, 30nimuboola muri, Khane nikhwakhabeeleho mundaalo tsiabakuuka, khane shikhwakhasanjilaane ninabo okhwebeenia amatsayi kabalakusi ta. 31Kho murio mwirumbulilanga abeene akobuloli, mbu muli abaana ba abo abeera abanabii. 32Kho mana mwitsusie eshichelo shiabakuuka beenywe.
33Inywe tsinzokha, inywe abaana bameeni, muleehonokokha murie mushiina shiaGehena? 34Niko akachila, lola, emurumila abanabii, nende abachesi, nende abahandiichi; abandi khubo mulabeera, nimubabamba; nabandi khubo mulabarootsela mutsisinagogi tsieenywe nimubeelusia okhurula mwitaala lindi okhuula mulindi; 35mbu mana eshiina shiamabanga kabalunjishi bosi akeebeena khushialo shibe khwinywe, okhurula khumabanga komulunjishi Abeli, okhuula khumabanga kaZakaria waBarakhia, owa mweera hakari weihekalu nende eshimalilo shiemisango. 36Emuboolela toto mbu amakhuwa ako kosi kaliikhola khubolwibulo luno.
Yesu yeekhuulila Yerusalemu
(Lk. 13.34-35)
37E Yerusalemu, Yerusalemu, iwe owiranga abanabii nobalasa namachina abo aba orumilwa! Nakhandi akhanji nimbeelenje ninzenya okhukhung'aasia abaanabo halala, shinga inyafusi olwa yikhung'aasia ebiminywi biayo mumbaha tsiayo; ne shimwafuchiilila ta! 38Lole, inzu yeenywe yimulesheelwe niyili likunda. 39Shichila emusunjila mbu okhurula olwa leelo shimulindolakhwo khandi ta, okhuula olwa muliboola mbu Owitsa muliira liOmwami yeetsoomibwe.
Attualmente Selezionati:
Matsayo 23: OUV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975
Matsayo 23
23
Yesu yafukula Abahandiichi nabaFarisayo
(Mk. 12.38-40; Lk. 11.37-54; 20.45-47)
1Mana Yesu yaboolela abemikanda halala nende abeechibe, 2ari Abahandiichi nende abaFarisayo beekhalanga khushifumbi shiaMusa. 3Niko akachila, amakhuwa kosi aka bamubiila, mukakhole nimukalinda; nebutswa muralonda ebikhole biabwe okhubikhola ta; shichila baboolanga, ne shibakhola ta. 4Nitoto, babohanga emisiiko emisiro, nibachira khumabeka kabandu; ne abeene shibateema okhuchisitiakhwo kata nende olwala tawe. 5Ne ebikhole biabwe biosi babikholanga mbu balolwe nabandu; okhuba babambusinjia tsiriisi tsiabwe, nibakaliyinjia amayebeyo akokhubiifwalo biabwe, 6nibaheela obwikhalo obukhulundu mumasabo, nebifumbi ebiambeli mutsisinagogi, 7nokhushiesibwa muluyia, nokhulangungwa nende abandu mbu Rabi.
8Ne inywe muleshenje okhulangwa mbu Rabi; Okhuba omwechesia weenywe nimulala, nineenywe mwesi muli abeebule. 9Khandi muralanganga omundu yesi mbu seenywe mushialo ta; shichila Seenywe nimulala, ouli mwikulu. 10Kata muralangungwa mbu abeebaali tawe; shichila omwibaali weenywe nimulala, niye Kristo omwenoyo. 11Ne ouli omukhongo mwinywe alaba omukhalabani weenywe. 12Khandi omundu yesi owiyemekha omwene alatiitiyibwa nowitiitiyia omwene aleemekhwa.
13Woowe, inywe abahandiichi nende abaFarisayo, abeekaatii! Shichila mwikalilanga abandu obwami bwomwikulu; okhuba inywe shi mwinjilanga abeene ta, kata abeenabo abeenjilanga shimubafuchiilila okhwiniilamwo tawe.
[14Woowe, inywe abahandiichi nende abaFarisayo, abeekaatii! Shichila muliitsanga tsinzu tsiabakhasi abalekhwa, olwa musabanga nimuboola amakhuwa amarambi khulwa obwikaati; ko akachila eshiina shilimufwila eshikhongo.]
15Woowe, inywe abahandiichi nende abaFarisayo, abeekaatii! Shichila mulambuulanga inyanza nende eshialo khulwa okhukalukhasia omundu mulala; ne olwa aba niyeekalukhasiye ario, mumukholanga abe omwana waGehena okhushila inywe khandi khabili.
16Woowe, inywe abeemilisi ababofu, ababooIanga mbu Omundu yesi niyeetsuba khuhekalu, eshiitsuboshie nibutswa; ne omundu yesi niyeetsuba khutsahaabu yeihekalu, kho aba yeeboyile. 17Abasilu inywe, khandi ababofu; mbu eshishila nishiina, itsahaabu yene, nohomba ihekalu eyichila itsahaabu yiba indakatifu? 18Khandi, mbu Omundu yesi niyeetsuba khushimalilo shiemisango, eshiitsuboshie nibutswa; ne omundu yesi niyeetsuba khushihaanwa eshili khushio, kho aba yeeboyile. 19Ababofu inywe; mbu eshishila nishiina, eshihaanwa shiene, nohomba eshimalilo shiemisango eshichila eshihaanwa shiba eshitakatifu? 20Kho owitsuba khushimalilo shiemisango, yeetsubanga khushio khandi khubiosi ebilikhwo. 21Ne oyo owitsuba khuhekalu yeetsubanga khuyo khandi khumwenoyo oumenyangamwo. 22Nowitsuba khwikulu, yeetsubanga khushifumbi shiaNyasaye, khandi khumwenoyo owikhalanga khushio.
23Woowe, inywe abahandiichi nende abaFarisayo, abeekaatii! Shichiia mwahulanga eshitonye shielikhumi shiakhuminanaa, nende khubinzari, nende khuchiira, nimuchweya okhuusia amakhuwa amakhongo akomumalako, mbu obukhalachi bwatoto, nende tsimbabasi, nende obwisiikwa, niko aka mwali nimukhoyeele okhukhola, oburalekha okhukhola akeene kalia ta. 24Abeemilisi ababofu inywe, abeelulangamwo isuna, nimumila mgamia!
25Woowe, inywe abahandiichi nende abaFarisayo, abeekaatii! Shichila mulabinjia eshikombe nende eshikaye emukongo wabio, ne mukari bibeetsanga biitsuulemwo obunuuli nende obureelinda ta. 26Iwe omuFarisayo omubofu, ranjilila olabie eshikombe nende eshikaye mukari wabio, mbu mana emukongo wabio bilabe birio.
27Woowe, inywe abahandiichi nende abaFarisayo, abeekaatii! Shichila mufwana shinga ebilirdwa ebihoomilwe lilongo, ebilolekha elwanyi shinga ebing'oonefu, ne mukari mubeetsanga nimwitsuulemwo amakumba kabandu abafwa nende eshifwabwi shiosi. 28Nineenywe mwesi murio, elwanyi muloleshelanga abandu mbu muli abalunjishi, ne mukari mubeetsanga nimwitsuulemwo obukaatii nende obumayaanu.
29Woowe, inywe abahandiichi nende abaFarisayo, abeekaatii! Shichila muumbakhanga ebilindwa biabanabii, nimung'oona ebilindwa biabalunjishi, 30nimuboola muri, Khane nikhwakhabeeleho mundaalo tsiabakuuka, khane shikhwakhasanjilaane ninabo okhwebeenia amatsayi kabalakusi ta. 31Kho murio mwirumbulilanga abeene akobuloli, mbu muli abaana ba abo abeera abanabii. 32Kho mana mwitsusie eshichelo shiabakuuka beenywe.
33Inywe tsinzokha, inywe abaana bameeni, muleehonokokha murie mushiina shiaGehena? 34Niko akachila, lola, emurumila abanabii, nende abachesi, nende abahandiichi; abandi khubo mulabeera, nimubabamba; nabandi khubo mulabarootsela mutsisinagogi tsieenywe nimubeelusia okhurula mwitaala lindi okhuula mulindi; 35mbu mana eshiina shiamabanga kabalunjishi bosi akeebeena khushialo shibe khwinywe, okhurula khumabanga komulunjishi Abeli, okhuula khumabanga kaZakaria waBarakhia, owa mweera hakari weihekalu nende eshimalilo shiemisango. 36Emuboolela toto mbu amakhuwa ako kosi kaliikhola khubolwibulo luno.
Yesu yeekhuulila Yerusalemu
(Lk. 13.34-35)
37E Yerusalemu, Yerusalemu, iwe owiranga abanabii nobalasa namachina abo aba orumilwa! Nakhandi akhanji nimbeelenje ninzenya okhukhung'aasia abaanabo halala, shinga inyafusi olwa yikhung'aasia ebiminywi biayo mumbaha tsiayo; ne shimwafuchiilila ta! 38Lole, inzu yeenywe yimulesheelwe niyili likunda. 39Shichila emusunjila mbu okhurula olwa leelo shimulindolakhwo khandi ta, okhuula olwa muliboola mbu Owitsa muliira liOmwami yeetsoomibwe.
Attualmente Selezionati:
:
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975