Matsayo 24
24
Yesu yaboola akokhukwisibwa khweihekalu
(Mk. 13.1-2; Lk. 21.5-6)
1Mana Yesu narula muhekalu, nachaaka okhutsia; abeechibe nabo nibeetsa ewa yali okhumumanyia amoombakho keihekalu. 2Naye nakalusia nabasunjila ari Shimuluutsi ebindu bino biosi? Emuboolela toto mbu shililitong'aho lichina elala hekulu khulindi, eliralisukunwa hasi ta.
Eminyakhano nende obusandibwi
(Mk. 13.3-13; Lk. 21.7-19)
3Nolwa yali niyeekhaale khushikulu shiEmitseituni abeechi nibeetsa mabiswi nibamureeba bari Okhuboolelekhwo, amakhuwa ako kaliikhola liina? Kata neshilolelo shiina eshilimanyia okhwitsakhwo nende eshihesi shieshise shino?
4Naye Yesu nakalusia nababoolela ari Mwirecheshe, omundu yesi aleshe okhumushiamia. 5Okhuba abanji bakheetsenje muliira lianje, nibaboola bari Nisie Kristo; nibabashiamia bario abanji. 6Ne mulahulilanga khukobusoolo nende amakhuwa kamahe; mwirecheshe muleshe okhuhenda; okhuba ako kakhoyile okhwikhola; ne obumaliilishi nibushili. 7Okhuba lihanga lilabuushila khwihanga lindi, khandi oburuchi khuburuchi bundi; khandi inzala nende okhurenga khweshialo bilabaho eyi nende eyi. 8Ne ako kosi nokhuchaaka butswa khweinumwa. 9Mana balamukhobana mumatinyu, nibamwira; ne mulakiywa namahanga kosi khulwa eliira lianje. 10Mana abanji baleesichirala, nibakhobana abeene nabeene, nende okhukiyana. 11Khandi abanabii bobubeeyi abanji balabuushilamwo, nibashiamia abanji. 12Ne khulwa okhumeetekha khwobumayaanu, obuheeli bwabanji bulanyira. 13Nebutswa owifwila okhuula khushihesi, omwenoyo alahonibwa. 14Ne injiili yino yobwami yileelwatswa mubialo biosi, yibe oburumbusi khumahanga kosi; kho mana eshihesi shiliula.
Akamasila amakali
(Mk. 13.14-23; Lk. 21.20-24)
15Kho olwa mulola Eshisinyo Shiobwonooneshi owa omunabii Danieli yasungakhwo nasinjiile habundu hatakatifu (ousooma ayililisie bulayi) 16mana abali mubuYahudi beelushile mubikulu; 17noyo ouba nali hekulu khushilama shieinzuye aleshe okhwikha mbu ayinie ebindu ebiba nibili munzuye; 18kata ouba nali mumukunda arakalukha ingo okhubukula inguboye ta. 19Woowe khubaliba nibabeleeshe nende khubaliba nibanuuninjia mundaalo etsio! 20Musaayenje mbu okhwilukha khweenywe khuleshe okhwikhola murootso, kata khusabato yosi ta; 21shichila habwenaho kalabaho amasila amakali akashili okhubaho kata okhurula khukhuchaaka khweshialo okhuula bulaano tawe, kata shikalibakhwoho ta. 22Tsindaalo etsio tsilabula okhukhalakua, khane shiyakhahonile omundu kata mulala ta; nebutswa khulwa abalobole tsindaalo etsio tsiitsa okhukhalakwa.
23Mundaalo etsio omundu naba namusunjila ari Lole, Kristo ngwowuno; kata mbu Ngwowulia; murafuchiilila ta; 24shichila balibuukha abaKristo bobubeeyi, nabanabii bobubeeyi, nibalolosia ebilolelo ebikali nende akamakana, khulwa okhukosia kata abalobole, nikaba nikanyalikha. 25Lole, emubooleele khale. 26Kho nibaba nibamusunjila bari Lole, ali mushitsiimi; murarula tawe; bari Lole, ali munzu mukari; murafuchiilila ta. 27Shichila shinga oluhenu olwa lurulanga ebukwe, nilulolekha kata okhuula mumbo, nolwa okhwitsa khwOmwana wOmundu khuliba.
28Ewa omulambo kuli, eyo niyo ewa tsingosia tsikhung'aanilanga.
Okhwitsa khwOmwana womundu
(Mk. 13.24-37; Lk. 21.25-28)
29Ne habwenaho, inyuma wamasila akomundaalo tsienetsio, omubasu kulikwa eshiilima, kata omwesi shikuliakhakhwo ta, tsinyininyini natsio tsiliakukha okhurula mwikulu, ebietsingufu ebiomwikulu nibitechesibwa. 30Mana eshilolelo shililolekha eshiOmwana wOmundu mwikulu; mana tsimbia tsiosi tsiabomushialo tsiliikhuula, ne balilola Omwana wOmundu niyeetsa mumaleesi akomwikulu nende obunyali noluyali olunji. 31Ne aliruma abamalaikabe nende omwoyo omukhongo kwolwika, nabo balikhung'aasia abalobolebe okhurula ahemiyeka chiosi chine, okhurula khundulo welikulu eundi okhuula eundi.
Eliechesio liomukhuyu
(Mk. 13.28-31; Lk. 21.29-33)
32Kho bulaano mweche oluchelo khumukhuyu; mbu olwa lisaka liakwo libeetsanga liakhakalukha libisi nilisebukha, habwenaho mumanyanga mbu tsindaalo tsiomubasu omunji tsili ahambi; 33neenyu mwesi olwa mulola amakhuwa kano kosi, mumanye murio mbu ali ahambi, kata hamuliango bwene. 34Emuboolela toto, mbu olwibulo luno shilulihwaho ta okhuula olwa kano kosi kaliba nikamalile okhuusibwa. 35Likulu nende eshibala bilihwaho; ne amasungo kanje shikalihwaho ta.
Abulaho oumanyilekhwo inyanga kata isaa ta.
(Mk. 13.32-37; Lk. 17.26-30,34-36)
36Ne inyanga yene kata isaa, abulaho oumanyilekhwo, kata abamalaika abomwikulu ta, kata Omwana, habula Samwana yenyene. 37Ne shinga tsindaalo tsiaNoa olwa tsiali, nolwa okhwitsa khwOmwana wOmundu khulaba khurio. 38Shichila shinga olwa bali nibaliitsanga nende okhunywa, nibateeshinjia nende okhuteeshibwa, mundaalo etsio Omuyembo nikurashiabaho ta, okhuula khunyanga eyo olwa Noa yeenjila musafina, 39nibaramanya ta okhuula olwa Omuyembo kwoola nikubakholomosia bosi, nolwa okhwitsa khwOmwana wOmundu khulaba khurio. 40Habwenafio babili balaba nibali mumukunda; mulala abukulwa, oundi nalekhwa. 41Babili balaba nibasieetsanga khuluchina; mulala abukulwa, oundi nalekhwa.
42Kho mubeetsenje meeso, shichila shimumanyile neinyanga shi eya Omwami weenywe anyala okhwitsilakhwo ta. 43Ne mumanye likhuwa lino, mbu khane omusaatsa omwenengo niyakhamanyile eshise shiene eshia omwibi ali okhwitsilamwo, khane yakhabeelenje meeso, narafuchiilila inzuye okhuyabwa ta. 44Kho mana nineenywe mwesi murio, mwirecheshe; shichila khusaa eya murapaarakhwo ta, Omwana wOmundu yeetsa okhwitsa.
Omusumba omwisiikwa, nende ourali omwisiikwa ta.
(Lk. 12.41-48)
45Kho yakhaba wina omusumba omwisiikwa omuchesi, owa omwamiwe yamwemeeshe hekulu khubakholibe, mbu abakabilenje ebiliibwa khushise eshikhoyeele? 46Noweikhabi omusumba oyo, owa omwamiwe aleetsa nanyoola nakholanga ario. 47Emuboolela toto mbu alimwemekha hekulu khubiosi ebia ali ninabio. 48Ne omusumba omubii oyo naba naboola mumwoyokwe ari Omwami wanje ashindile; 49mana nachaaka okhuupa abasumba bashie, nalia nanywa halala nende abameesi; 50omwami womusumba oyo aleetsela khunyanga eya arapaarangakhwo ta, khandi khusaa eya aramanya ta, 51namukhalasia hakari ebitonye bibili, namukabila omukabokwe halala nabakaatii; ebweneyo khulabayo okhulila nokhulumaasia ameeno.
Attualmente Selezionati:
Matsayo 24: OUV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975
Matsayo 24
24
Yesu yaboola akokhukwisibwa khweihekalu
(Mk. 13.1-2; Lk. 21.5-6)
1Mana Yesu narula muhekalu, nachaaka okhutsia; abeechibe nabo nibeetsa ewa yali okhumumanyia amoombakho keihekalu. 2Naye nakalusia nabasunjila ari Shimuluutsi ebindu bino biosi? Emuboolela toto mbu shililitong'aho lichina elala hekulu khulindi, eliralisukunwa hasi ta.
Eminyakhano nende obusandibwi
(Mk. 13.3-13; Lk. 21.7-19)
3Nolwa yali niyeekhaale khushikulu shiEmitseituni abeechi nibeetsa mabiswi nibamureeba bari Okhuboolelekhwo, amakhuwa ako kaliikhola liina? Kata neshilolelo shiina eshilimanyia okhwitsakhwo nende eshihesi shieshise shino?
4Naye Yesu nakalusia nababoolela ari Mwirecheshe, omundu yesi aleshe okhumushiamia. 5Okhuba abanji bakheetsenje muliira lianje, nibaboola bari Nisie Kristo; nibabashiamia bario abanji. 6Ne mulahulilanga khukobusoolo nende amakhuwa kamahe; mwirecheshe muleshe okhuhenda; okhuba ako kakhoyile okhwikhola; ne obumaliilishi nibushili. 7Okhuba lihanga lilabuushila khwihanga lindi, khandi oburuchi khuburuchi bundi; khandi inzala nende okhurenga khweshialo bilabaho eyi nende eyi. 8Ne ako kosi nokhuchaaka butswa khweinumwa. 9Mana balamukhobana mumatinyu, nibamwira; ne mulakiywa namahanga kosi khulwa eliira lianje. 10Mana abanji baleesichirala, nibakhobana abeene nabeene, nende okhukiyana. 11Khandi abanabii bobubeeyi abanji balabuushilamwo, nibashiamia abanji. 12Ne khulwa okhumeetekha khwobumayaanu, obuheeli bwabanji bulanyira. 13Nebutswa owifwila okhuula khushihesi, omwenoyo alahonibwa. 14Ne injiili yino yobwami yileelwatswa mubialo biosi, yibe oburumbusi khumahanga kosi; kho mana eshihesi shiliula.
Akamasila amakali
(Mk. 13.14-23; Lk. 21.20-24)
15Kho olwa mulola Eshisinyo Shiobwonooneshi owa omunabii Danieli yasungakhwo nasinjiile habundu hatakatifu (ousooma ayililisie bulayi) 16mana abali mubuYahudi beelushile mubikulu; 17noyo ouba nali hekulu khushilama shieinzuye aleshe okhwikha mbu ayinie ebindu ebiba nibili munzuye; 18kata ouba nali mumukunda arakalukha ingo okhubukula inguboye ta. 19Woowe khubaliba nibabeleeshe nende khubaliba nibanuuninjia mundaalo etsio! 20Musaayenje mbu okhwilukha khweenywe khuleshe okhwikhola murootso, kata khusabato yosi ta; 21shichila habwenaho kalabaho amasila amakali akashili okhubaho kata okhurula khukhuchaaka khweshialo okhuula bulaano tawe, kata shikalibakhwoho ta. 22Tsindaalo etsio tsilabula okhukhalakua, khane shiyakhahonile omundu kata mulala ta; nebutswa khulwa abalobole tsindaalo etsio tsiitsa okhukhalakwa.
23Mundaalo etsio omundu naba namusunjila ari Lole, Kristo ngwowuno; kata mbu Ngwowulia; murafuchiilila ta; 24shichila balibuukha abaKristo bobubeeyi, nabanabii bobubeeyi, nibalolosia ebilolelo ebikali nende akamakana, khulwa okhukosia kata abalobole, nikaba nikanyalikha. 25Lole, emubooleele khale. 26Kho nibaba nibamusunjila bari Lole, ali mushitsiimi; murarula tawe; bari Lole, ali munzu mukari; murafuchiilila ta. 27Shichila shinga oluhenu olwa lurulanga ebukwe, nilulolekha kata okhuula mumbo, nolwa okhwitsa khwOmwana wOmundu khuliba.
28Ewa omulambo kuli, eyo niyo ewa tsingosia tsikhung'aanilanga.
Okhwitsa khwOmwana womundu
(Mk. 13.24-37; Lk. 21.25-28)
29Ne habwenaho, inyuma wamasila akomundaalo tsienetsio, omubasu kulikwa eshiilima, kata omwesi shikuliakhakhwo ta, tsinyininyini natsio tsiliakukha okhurula mwikulu, ebietsingufu ebiomwikulu nibitechesibwa. 30Mana eshilolelo shililolekha eshiOmwana wOmundu mwikulu; mana tsimbia tsiosi tsiabomushialo tsiliikhuula, ne balilola Omwana wOmundu niyeetsa mumaleesi akomwikulu nende obunyali noluyali olunji. 31Ne aliruma abamalaikabe nende omwoyo omukhongo kwolwika, nabo balikhung'aasia abalobolebe okhurula ahemiyeka chiosi chine, okhurula khundulo welikulu eundi okhuula eundi.
Eliechesio liomukhuyu
(Mk. 13.28-31; Lk. 21.29-33)
32Kho bulaano mweche oluchelo khumukhuyu; mbu olwa lisaka liakwo libeetsanga liakhakalukha libisi nilisebukha, habwenaho mumanyanga mbu tsindaalo tsiomubasu omunji tsili ahambi; 33neenyu mwesi olwa mulola amakhuwa kano kosi, mumanye murio mbu ali ahambi, kata hamuliango bwene. 34Emuboolela toto, mbu olwibulo luno shilulihwaho ta okhuula olwa kano kosi kaliba nikamalile okhuusibwa. 35Likulu nende eshibala bilihwaho; ne amasungo kanje shikalihwaho ta.
Abulaho oumanyilekhwo inyanga kata isaa ta.
(Mk. 13.32-37; Lk. 17.26-30,34-36)
36Ne inyanga yene kata isaa, abulaho oumanyilekhwo, kata abamalaika abomwikulu ta, kata Omwana, habula Samwana yenyene. 37Ne shinga tsindaalo tsiaNoa olwa tsiali, nolwa okhwitsa khwOmwana wOmundu khulaba khurio. 38Shichila shinga olwa bali nibaliitsanga nende okhunywa, nibateeshinjia nende okhuteeshibwa, mundaalo etsio Omuyembo nikurashiabaho ta, okhuula khunyanga eyo olwa Noa yeenjila musafina, 39nibaramanya ta okhuula olwa Omuyembo kwoola nikubakholomosia bosi, nolwa okhwitsa khwOmwana wOmundu khulaba khurio. 40Habwenafio babili balaba nibali mumukunda; mulala abukulwa, oundi nalekhwa. 41Babili balaba nibasieetsanga khuluchina; mulala abukulwa, oundi nalekhwa.
42Kho mubeetsenje meeso, shichila shimumanyile neinyanga shi eya Omwami weenywe anyala okhwitsilakhwo ta. 43Ne mumanye likhuwa lino, mbu khane omusaatsa omwenengo niyakhamanyile eshise shiene eshia omwibi ali okhwitsilamwo, khane yakhabeelenje meeso, narafuchiilila inzuye okhuyabwa ta. 44Kho mana nineenywe mwesi murio, mwirecheshe; shichila khusaa eya murapaarakhwo ta, Omwana wOmundu yeetsa okhwitsa.
Omusumba omwisiikwa, nende ourali omwisiikwa ta.
(Lk. 12.41-48)
45Kho yakhaba wina omusumba omwisiikwa omuchesi, owa omwamiwe yamwemeeshe hekulu khubakholibe, mbu abakabilenje ebiliibwa khushise eshikhoyeele? 46Noweikhabi omusumba oyo, owa omwamiwe aleetsa nanyoola nakholanga ario. 47Emuboolela toto mbu alimwemekha hekulu khubiosi ebia ali ninabio. 48Ne omusumba omubii oyo naba naboola mumwoyokwe ari Omwami wanje ashindile; 49mana nachaaka okhuupa abasumba bashie, nalia nanywa halala nende abameesi; 50omwami womusumba oyo aleetsela khunyanga eya arapaarangakhwo ta, khandi khusaa eya aramanya ta, 51namukhalasia hakari ebitonye bibili, namukabila omukabokwe halala nabakaatii; ebweneyo khulabayo okhulila nokhulumaasia ameeno.
Attualmente Selezionati:
:
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975