Matsayo 25
25
Oluchelo lwabakhaana ekhumi
1Haho obwami obwomwikulu bulifwana shinga abakhaana ekhumi ababukula tsitaha tsiabwe nibarula okhwakaanila omukhwi. 2Baraano khubo bali abasilu, ne baraano bali abachesi. 3Okhuba abasilu babukula tsitaha tsiabwe, ne shibabukula amafura ta; 4ne abachesi babukula amafura mubimuka biabwe halala nende tsitaha. 5Ne olwa omukhwi yali nashindile okhwitsa, bosi barenjeetsa nibakona tsindoolo. 6Ne mushilo hakari olukhu niluchinga, luri Omukhwi ngwoyo! Chende mutsie okhumwakaanila. 7Mana abakhaana abo bosi nibabuukha, nibakasia tsitaha tsiabwe. 8Abasilu nibasunjila abachesi bari Mukhuhekhwo khumafura keenywe; shichila tsitaha tsieefwe tsienyanga okhusima. 9Ne abachesi nibakalusia bari Haundi shikakhakhuhela if we nineenywe ta; neshilayi mutsie khubakusinjia, mwikulile abeene. 10Ne olwa bali nibashitsia bario okhukula, omukhwi niyoola; nabo abali nibeekasiye beenjila ninaye halala mushiselelo; omuliango nikwikalwa. 11Olunyumakhwo abakhaana bandi abo nabo niboola, nibaboola bari Omwami, Omwami, okhwikulile. 12Naye nakalusia, nasunga mbu Emuboolela toto mbu shimumanyile ta. 13Kho mubeetsenje meeso, shichila shimumanyile inyanga kata isaa tawe.
Oluchelo Iwetsitalanda
14Shichila kali shingana omundu owali niyeenya okhutsia mushialo shindi nalanga abasumbabe, nabaleshela emianduchie. 15Oundi, yamuleshela tsitalanda tsiraano, oundi tsibili, oundi ndala; buli mundu obunyalibwe shinga olwa bwali; mana nachaaka oluchendolwe. 16Habwenaho owali naheelwe tsitalanda tsiraano yatsia natsikholela inganga, nanyoola tsitalanda tsindi tsiraano. 17Khandi owali naheelwe tsibili yesi ario, nanyoola inganga yetsindi tsibili. 18Ne oyo owali naheelwe ndala yatsia nayaba hasi, nabisa amapeesa komwamiwe. 19Haho olunyuma lwetsindaalo tsinyinji omwami wabasumba abo niyeetsa, nabasia ninabo ebindu. 20Oyo owali niyanyoola tsitalanda tsiraano etsio niyeetsa netsitalanda tsindi tsiraano, naboola mbu Omwami, wambeelesia tsitalanda tsiraano; lola enyoolile inganga yetsitalanda tsindi tsiraano. 21Omwamiwe namusunjila ari Orio, iwe omusumba omulayi omwisiikwa; wabeelenje omwisiikwa khubindu ebituutu, ndalakhwemekha khubindu ebinji; winjile mubusangaali bwomwamiwo. 22Naye yesi owali niyanyoola tsitalanda tsibili niyeetsa, naboola mbu Omwami, wambeelesia tsitalanda tsibili; lola, enyoolile inganga yetsitalanda tsindi tsibili. 23Omwamiwe namusunjila ari Orio, iwe omusumba omulayi omwisiikwa; wabeelenje omwisiikwa khubindu ebituutu, ndalakhwemekha khubindu ebinji; winjile mubusangaali bwomwamiwo. 24Naye yesi owali niyanyoola italanda ndala niyeetsa, naboola mbu Omwami, ndakhumanya shinga olwa oli omutinyu; ocheselanga ewa oraraachila ta, nokhung'aasia ewa orabakalila ta; 25mana niria, ninzia ninjibisa italandayo mwiloba; lola, eshili eshishio shieshio. 26Ne omwamiwe yakalusia, namusunjila ari Omusumba omumayaanu omukara iwe wamanya shinga olwa enjeselanga ewa ndararaaka ta, nikhung'aasia ewa ndarabakala tawe; 27wali nokhoyile okhuyila amapeesa kanje mubobukhala, mana ninzitsile ndakhanyoolile akanje halala nende injelesio. 28Kho mumurusiekhwo italanda eyo, mumuheelesie oyo ouli nende tsitalanda ekhumi. 29Okhuba buli mundu ouli nende ebindu alaheebwa ebindi, mana alaba ninabio ebinji ne oyo oubula ebindu, kata eshieneshio eshia ali ninashio shilamurusibwakhwo. 30Ne omusumba oyo ourakaasa ta, mumusukune mushiilima shuelwanyi; eyo khulabayo okhulila nokhulumaasia ameeno.
Okhwahukhasibwa khwabamahanga
31Ne olwa Omwana wOmundu aliitsa muluyalilwe, halala nende abamalaika bosi, habwenaho aliikhala khushifumbi shioluyalilwe; 32abamahanga kosi nabo balikhung'aasibwa imbeliwe; naye alibaahukhasia, shinga omwayi olwa yaahukhasinjia amakondi nende tsimbusi; 33mana alira amakondi khumukhonokwe musaatsa, netsimbusi khumukhono mukhasi. 34Mana Omuruchi alibasunjila abali khumukhono musaatsa ari Mwitse, inywe abaheebwa ikhabi nende Papa, mulie obwami obwamwakasilibwa okhurula khumusuule; 35shichila ndali inzala, nimumbeelesia eshiliibwa; ndali nobuloho, nimumbeelesia eshiokhunywa; ndali omucheni, nimunzinjisia; 36ndali eshihechenye, nimufwala ebiifwalo; ndalwala, nimungoonya; ndali mumbohe, nimunzitsilayo. 37Mana abalunjishi abo balimukalusiamwo, nibareeba bari Omwami, khwakhulola liina noli inzala, nikhukhuheelesia ebiokhulia? Kata obuloho nibukhulia, nikhukhuheelesia eshiokhunywa? 38Kata khwakhulola liina noli omucheni, nikhukhwinjisia? Kata noli eshihechenye, nikhukhufwala? 39Khandi khwakhulola liina nolwala, kata noli mumbohe, nikhukhwitsilayo? 40Kho Omuruchi alikalusia, nabasunjila ari Emuboolela toto, mbu shinga olwa mwakholela oundi yesi owokhubaana beefwe bano, kata ouli omutuutu okhushila, mwakholela isie. 41Mana alibasunjila abali khumukhono mukhasi nabo ari Mu'rulekhwo, inywe abeenjila mushilaamo shiobubii; mutsie mumulilo kwobumeli okwakasilibwa Setani nende abamalaikabe; 42shichila ndali inzala, nimurambeelesia eshiliibwa ta; ndali nobuloho nimurambeelesia eshiokhunywa ta; 43ndali omucheni, nimuranzinjisia ta; eshihechenye, nimurafwalakhwo ta; ndalwala, kata ndali mumbohe, nimurangoonya ta. 44Mana nabo balimukalusia, nibareeba bari Omwami, khwakhulola liina noli inzala, kata noli nobuloho, kata noli omucheni kata eshihechenye, kata nolwala, kata noli mumbohe nikhurakhukhalabanila ta? 45Naye alibakalusiamwo, nabasunjila ari Emuboolela toto, mbu shinga olwa mwachweya okhukholela oundi yesi owokhubano abatuutu, mwachweya murio okhukholela isie. 46Bano balarula batsie mukhukuumwa khwobumeli; ne abalunjishi mubulamu bwobumeli.
Attualmente Selezionati:
Matsayo 25: OUV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975
Matsayo 25
25
Oluchelo lwabakhaana ekhumi
1Haho obwami obwomwikulu bulifwana shinga abakhaana ekhumi ababukula tsitaha tsiabwe nibarula okhwakaanila omukhwi. 2Baraano khubo bali abasilu, ne baraano bali abachesi. 3Okhuba abasilu babukula tsitaha tsiabwe, ne shibabukula amafura ta; 4ne abachesi babukula amafura mubimuka biabwe halala nende tsitaha. 5Ne olwa omukhwi yali nashindile okhwitsa, bosi barenjeetsa nibakona tsindoolo. 6Ne mushilo hakari olukhu niluchinga, luri Omukhwi ngwoyo! Chende mutsie okhumwakaanila. 7Mana abakhaana abo bosi nibabuukha, nibakasia tsitaha tsiabwe. 8Abasilu nibasunjila abachesi bari Mukhuhekhwo khumafura keenywe; shichila tsitaha tsieefwe tsienyanga okhusima. 9Ne abachesi nibakalusia bari Haundi shikakhakhuhela if we nineenywe ta; neshilayi mutsie khubakusinjia, mwikulile abeene. 10Ne olwa bali nibashitsia bario okhukula, omukhwi niyoola; nabo abali nibeekasiye beenjila ninaye halala mushiselelo; omuliango nikwikalwa. 11Olunyumakhwo abakhaana bandi abo nabo niboola, nibaboola bari Omwami, Omwami, okhwikulile. 12Naye nakalusia, nasunga mbu Emuboolela toto mbu shimumanyile ta. 13Kho mubeetsenje meeso, shichila shimumanyile inyanga kata isaa tawe.
Oluchelo Iwetsitalanda
14Shichila kali shingana omundu owali niyeenya okhutsia mushialo shindi nalanga abasumbabe, nabaleshela emianduchie. 15Oundi, yamuleshela tsitalanda tsiraano, oundi tsibili, oundi ndala; buli mundu obunyalibwe shinga olwa bwali; mana nachaaka oluchendolwe. 16Habwenaho owali naheelwe tsitalanda tsiraano yatsia natsikholela inganga, nanyoola tsitalanda tsindi tsiraano. 17Khandi owali naheelwe tsibili yesi ario, nanyoola inganga yetsindi tsibili. 18Ne oyo owali naheelwe ndala yatsia nayaba hasi, nabisa amapeesa komwamiwe. 19Haho olunyuma lwetsindaalo tsinyinji omwami wabasumba abo niyeetsa, nabasia ninabo ebindu. 20Oyo owali niyanyoola tsitalanda tsiraano etsio niyeetsa netsitalanda tsindi tsiraano, naboola mbu Omwami, wambeelesia tsitalanda tsiraano; lola enyoolile inganga yetsitalanda tsindi tsiraano. 21Omwamiwe namusunjila ari Orio, iwe omusumba omulayi omwisiikwa; wabeelenje omwisiikwa khubindu ebituutu, ndalakhwemekha khubindu ebinji; winjile mubusangaali bwomwamiwo. 22Naye yesi owali niyanyoola tsitalanda tsibili niyeetsa, naboola mbu Omwami, wambeelesia tsitalanda tsibili; lola, enyoolile inganga yetsitalanda tsindi tsibili. 23Omwamiwe namusunjila ari Orio, iwe omusumba omulayi omwisiikwa; wabeelenje omwisiikwa khubindu ebituutu, ndalakhwemekha khubindu ebinji; winjile mubusangaali bwomwamiwo. 24Naye yesi owali niyanyoola italanda ndala niyeetsa, naboola mbu Omwami, ndakhumanya shinga olwa oli omutinyu; ocheselanga ewa oraraachila ta, nokhung'aasia ewa orabakalila ta; 25mana niria, ninzia ninjibisa italandayo mwiloba; lola, eshili eshishio shieshio. 26Ne omwamiwe yakalusia, namusunjila ari Omusumba omumayaanu omukara iwe wamanya shinga olwa enjeselanga ewa ndararaaka ta, nikhung'aasia ewa ndarabakala tawe; 27wali nokhoyile okhuyila amapeesa kanje mubobukhala, mana ninzitsile ndakhanyoolile akanje halala nende injelesio. 28Kho mumurusiekhwo italanda eyo, mumuheelesie oyo ouli nende tsitalanda ekhumi. 29Okhuba buli mundu ouli nende ebindu alaheebwa ebindi, mana alaba ninabio ebinji ne oyo oubula ebindu, kata eshieneshio eshia ali ninashio shilamurusibwakhwo. 30Ne omusumba oyo ourakaasa ta, mumusukune mushiilima shuelwanyi; eyo khulabayo okhulila nokhulumaasia ameeno.
Okhwahukhasibwa khwabamahanga
31Ne olwa Omwana wOmundu aliitsa muluyalilwe, halala nende abamalaika bosi, habwenaho aliikhala khushifumbi shioluyalilwe; 32abamahanga kosi nabo balikhung'aasibwa imbeliwe; naye alibaahukhasia, shinga omwayi olwa yaahukhasinjia amakondi nende tsimbusi; 33mana alira amakondi khumukhonokwe musaatsa, netsimbusi khumukhono mukhasi. 34Mana Omuruchi alibasunjila abali khumukhono musaatsa ari Mwitse, inywe abaheebwa ikhabi nende Papa, mulie obwami obwamwakasilibwa okhurula khumusuule; 35shichila ndali inzala, nimumbeelesia eshiliibwa; ndali nobuloho, nimumbeelesia eshiokhunywa; ndali omucheni, nimunzinjisia; 36ndali eshihechenye, nimufwala ebiifwalo; ndalwala, nimungoonya; ndali mumbohe, nimunzitsilayo. 37Mana abalunjishi abo balimukalusiamwo, nibareeba bari Omwami, khwakhulola liina noli inzala, nikhukhuheelesia ebiokhulia? Kata obuloho nibukhulia, nikhukhuheelesia eshiokhunywa? 38Kata khwakhulola liina noli omucheni, nikhukhwinjisia? Kata noli eshihechenye, nikhukhufwala? 39Khandi khwakhulola liina nolwala, kata noli mumbohe, nikhukhwitsilayo? 40Kho Omuruchi alikalusia, nabasunjila ari Emuboolela toto, mbu shinga olwa mwakholela oundi yesi owokhubaana beefwe bano, kata ouli omutuutu okhushila, mwakholela isie. 41Mana alibasunjila abali khumukhono mukhasi nabo ari Mu'rulekhwo, inywe abeenjila mushilaamo shiobubii; mutsie mumulilo kwobumeli okwakasilibwa Setani nende abamalaikabe; 42shichila ndali inzala, nimurambeelesia eshiliibwa ta; ndali nobuloho nimurambeelesia eshiokhunywa ta; 43ndali omucheni, nimuranzinjisia ta; eshihechenye, nimurafwalakhwo ta; ndalwala, kata ndali mumbohe, nimurangoonya ta. 44Mana nabo balimukalusia, nibareeba bari Omwami, khwakhulola liina noli inzala, kata noli nobuloho, kata noli omucheni kata eshihechenye, kata nolwala, kata noli mumbohe nikhurakhukhalabanila ta? 45Naye alibakalusiamwo, nabasunjila ari Emuboolela toto, mbu shinga olwa mwachweya okhukholela oundi yesi owokhubano abatuutu, mwachweya murio okhukholela isie. 46Bano balarula batsie mukhukuumwa khwobumeli; ne abalunjishi mubulamu bwobumeli.
Attualmente Selezionati:
:
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975