Mariko 2
2
Yesu yahonia owelikara
(Mat. 9.1-8; Lk. 5.17)
1Olwa yeenjila khandi muKaperinaumu olunyuma lwetsindaalo tsindiiti, kahuliilikha mbu ali mungo. 2Mana abanji nibakhung'aanaho, okhuula haranyoolekha aheeyanjile ta, kata hamuliango; nayenabeelwatsilaLikhuwa. 3Mana abandu nibeetsa nibamuleerela omundu owakwa likara, bane khubo nibamuchinjile. 4Olwa bakhaywa okhuula ewa yali khulwa obunji bwabandu, bafwimbula eshilama aha Yesu yali, ne olwa bali nibamalile okhwikulaho, beesiamwo licheela elia owelikara yali nakonilekhwo. 5Yesu, olwa yalola obusuubili bwabwe, yasunjila owelikara ari Mwana wanje, wakhamala okhuleshelwa ebionoonobio. 6Ne abandi khubahandiichi bali nibeekhaalemwo, nibakanakania mumioyo chiabwe, bari 7Omundu uno aboola ario mbushiina? Yeechelasia nende Nyasaye. Niwina ounyala okhuleshela abandu ebionoono, narali Nyasaye yenyene? 8Mana Yesu yalola mumwoyokwe shinga olwa bali nibakanakaninjia bario mumioyo chiabwe, nabasunjila ari Mukanakaninjia amakhuwa kano mumioyo chieenywe mbushiina? 9Eliangu lili heena, okhusunjila owelikara mbu Olesheelwe ebionoonobio, nohomba okhuboola mbu Buukha, wituushe licheelalio, ochende? 10Ne mbu kho mumanye shinga Omwana wOmundu olwa ali nobunyali mushialo okhuleshela abandu ebionoono--nasunjila owelikara ari 11Ekhubiila mbu Buukha, wituushe licheelalio, otsie ingowo. 12Yabuukha; mana yeetuukha licheela elo narula imbeli wabwe bosi; kho bosi nibang'ang'aala, nibamwitsoomia Nyasaye, nibasunga bari Khurashialolakhwo likhuwa elifwana shinga elo ta.
Okhulangwa khwaLawi
(Mat. 9.9-13; Lk. 5.27-32)
13Kho yarula khandi natsia khulukuku lweinyanza. Omukanda kwosi nakwo nikutsia ewa yali, naye nabeechesia. 14Nolwa yali nabiranga yalola Lawi waAlufayo niyeekhaale aha basololelanga obushuru, namubiila ari Unondekhwo. Naye nasinjila, namulondakhwo. 15Olundi yali niyeekhaale khubiliibwa munzu yaLawi, abasololi bobushuru abanji nende aboonooni nibeekhaaleyo halala nende Yesu nende abeechibe, shichila bali abanji abamulondakhwo. 16Khandi abahandiichi babaFarisayo nabo, olwa bamulola naliitsanga nende abasololi bobushuru nende aboonooni halala, bareeba abeechibe bari Mbushiina naliitsanga halala nende aboonooni nende abasololi bobushuru? 17Yesu olwa yahulila, yabasunjila ari Shibali abalamu abakhoyeele omusilishi ta, habula abalwale. Shindayeetsile okhulanga abalunjishi ta, habula aboonooni.
Lireebo eliokhuhonga inzala
(Mat. 9.14-17; Lk. 5.33-39)
18Ne abeechi baYohana nende abaFarisayo bali nibahonjile inzala. Abandu nibeetsa nibamureeba bari Mbushiina abeechi baYohana nababaFarisayo nibahonganga inzala, abobo nibarahonga ta? 19Yesu nakalusia mbu Abeshiselelo banyala okhuhonga inzala, omwene shiselelo olwa ashili ninabo? Tawe, olwa omwene shiselelo ashili ninabo shibanyala okhuhonga inzala ta. 20Nebutswa tsindaalo tsiakhoole olwa omwene shiselelo yakhabe nabayiniibwekhwo; kho balihonga inzala khunyanga eyo. 21Abulaho ounaba eshilabi shieingubo imbia khungubo ikhulu ta; okhuba eshilabi eshiikalaho shiakharandula ingubo ikhulu, imbia niyirula khukhulu, omuluhu okwo nikwimeeta. 22Kata abulaho outsukhanga idivai indoro mubisiikolo biamaseelo ebikhulu ta; okhuba idivai yakharulaka ebisiikolo, idivai nende ebisiikolo biosi nibisasikha; ne idivai indoro yitsukhungwa mubisiikolo biamaseelo ebiyia.
Abeechi bakhuunuula ingano khuSabato
(Mat. 12.1-8; Lk. 6.1-5)
23Olundi khunyanga yaSabato yali nabira mundalo tsieingano, ne abeechibe olwa bachendanga bachaaka okhukhuunuula ingano. 24AbaFarisayo nibamusunjila bari Lola! Mbushiina nibakhola akali omusilo okhukhola khunyanga yaSabato? 25Naye nakalusia ari Shimwasoomakhwo aka Daudi yakhola, olwa yali mumatinyu, nali inzala halala naba yali ninabo? 26Mbu yeenjila munzu yaNyasaye, olwa Abiatsari yali nali omukuhani omukhulundu, nalia Emikaate chiOkhubaho, echili omusilo omundu yesi okhuchiliakhwo, habula abakuhani bonyene, nabaheelesiakhwo aba yali ninabo? 27Nababoolela ari Sabato yareebwaho khulwa abandu, ne shibali abandu abareebwaho khulwa Sabato ta. 28Kho Omwana womundu niye Omwami kata waSabato.
Attualmente Selezionati:
Mariko 2: OUV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975