Zakaria 11
11
1Iwe Lebanoni, yikula emiliangochio,
mbu omulilo kusambe emisiitachio!
2Iwe omutaraakwe, khupa tsimbungu, okhuba omusiita kukwile,
okhuba emisaala chioluyali chionooneeshe!
Inywe emiruba chieBashani, khupe tsimbungu,
okhuba omutsuru omubohanu kukwisiibwe!
3Amayoosi ketsimbungu tsiabaayi ngako,
okhuba oluyali lwabwe lwonooneeshe!
Amayoosi kokhuhoola khwetsitalanyi tsimbuukha,
okhuba ebitsakha bieYorodani bionooneeshe!
Abaayi ababula obukhoonyi
4Kano niko aka OMWAMI Nyasaye wanje yaboola; mbu Yayanga ebiayo ebili okhusinzwa. 5Ababikulanga babiiranga, nibarakuumwakhwo ta; ababikusia baboola mbu OMWAMI yeetsoomibwe! Endi omuyinda. Ne kata abaayi babio shibabitiililwa eshisa ta. 6Okhuba shindalabatiililwa eshisa abamenya mushialo shino khandi ta, OMWAMI aboola; nebutswa lole, enzitsa okhuhaana buli mundu mumukhono kwowashie, nomumukhono kwomuruchiwe; balatubanjila eshialo, kata shindalabahonia mumakhono kabwe ta.
7Kho ninzaya ebiayo ebiali okhusinzwa khulwa abo abakulaasinjia ebiayo. Nimbuleula tsi-ndabushi tsibili; ndala ndachilanga mbu Obukoosia, eyindi ninjilanga mbu Obulala; kho ninzaya ebiayo. 8Mumwesi mulala ndaakamia abaayi bataru abali nibaliho. Ne bachoonyia omwoyo kwanje, nasi ndasinya emioyo chiabio. 9Mana nisunga mbu Shindalamwayanga ta; eshiitsa okhufwa, shifwe; eshiitsa okhwakama, shiakame; nabio ebiba nibitong'ile, bilie buli shilala omubili kweshiashie. 10Nimbukula indabushi yanje mbu Obukoosia, ninjifunaka, nifunaka endio indakano eya ndalakana netsimbia tsiabandu. 11Kho yafunakwa inyanga eyo; ne niIwo olwa abakulaasii bebiayo abanenganga ba-manya mbu nelikhuwa liOMWAMI. 12Nimbasunjila mbu Nimuba nimuluutsi mbu nobulayi, mumbeelesie omushaara kwanje; nebutswa nimuraluutsi murio ta, leshe kabe. Kho nibanjelelakhwo omushaara kwanje, mbu tsifeetsa amakhumi kataru. 13OMWAMI niyamboolela mbu Tsifuube mwibiishilo, etsiobukusi obwo bweshiami obwa ndarungwa ninabo. Nimbukula tsifeetsa tsana amakhumi kataru, ninzifuuba mwibiishilo, munzu yOMWAMI. 14Mana nifunaka indabushi yanje eyindi, mbu Obulala, nifunaka endio obwibule obwaliho hakari waYuda naIsiraeli.
15OMWAMI niyasunjila mbu Bukula khandi ebimanulwa biomwayi omuyingwa. 16Okhuba lola, endi okhubuusia mushialo shino omwayi undi ourateeba likhuwa khumakondi akaba nikakorile, kata okhukhaaba akasalaanile, kata okhuhonia akafiniishe; kata shialaayanga akali amalamba ta; nebutswa omwene alaliitsanga inyama ya ako akali amaneefu, nakhuula kata tsimbakayu tsiako.
17Woowe khumwayi oyo oubula obukaasu,
nalekha ebiayo!
Olukanga lukhupe omukhonokwe,
neimoniye isaatsa!
omukhonokwe kunyelele elala,
imoniye isaatsa nayo yimalihe ti!
Attualmente Selezionati:
Zakaria 11: OUV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975