Zakaria 2
2
Libisulo liomundu owali nomukoye okwokhuchela
1Mana ndachinguula tsimoni, nindola, mbu omundu ngwoyo, nali nomukoye okwokhuchela mumukhono. 2Nireeba mbu Okhatsia he? Niyangalusia mbu Enzia okhuchela Yerusalemu, okhulola obuchiikha bwalio noburambi bwalio shinga olwa buli. 3Mana malaika owali nasungana ninasi narula, malaika undi naye narula okhumwakaanila, 4namubiila mbu Tsia tsimbilo, oboolele omusooliili uno ori Yerusalemu lilamenywamwo shinga amataala akabula tsingoba, khulwa obunji bwabandu bamwo, nobwemiruko. 5OMWAMI aboola mbu Okhuba isie ndalalibeela olukoba Iwomulilo okhulifumbila; khandi ndalaba isie oluyali oluli hakari mulio.
Abaare balangwa
6Koo! Yilushe murule mushialo shienotsi, nilwo olwa OMWAMI aboola; okhuba ndamusalaasiye ehale shinga emiyeka chine chiosi echielikulu; niIwo olwa OMWAMI aboola. 7Koo! Iwe Sayuni, wihonokoshe, iwe oumenya nomukhaana waBabeli. 8Okhuba kano niko aka OMWAMI omwene mahe aboola, oyo owa oluyalilwe lwaruma khumahanga akamuyaaya; okhuba oumutiilakhwo atiila khundolelo yene yeimoniye; 9mbu Lola, enjinga omukhono kwanje ikulu wabwe, nabo balakwa eshiyaayo shiabandu ababakhalabanila; mana mulamanya mbu OMWAMI omwene mahe niye ourumile. 10Yimba niwikhoya, iwe omukhaana waSayuni; okhuba lola, enzitsanga; ne ndalamenya hakariwo; nilwo olwa OMWAMI aboola. 11Amahanga amanji kaleeyunga khuMWAMI khunduukho eyo, nikaba abandu banje; nasi ndalamenya hakariwo, nawe olamanya shinga olwa ali OMWAMI omwene mahe owaruma khwiwe; 12ne OMWAMI alalia Yuda, shibe omukabokwe mushialo eshitakatifu; ne alalobola Yerusalemu khandi. 13Inywe abandu bosi pe, holeele imbeli w; okhuba ubuushile okhurula mushimenyoshie eshitakatifu.
Attualmente Selezionati:
Zakaria 2: OUV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975