Oknayene Ibo 10
10
Noa Gawama Kagno Paugwa
1Ana nigl kamun podo sugwa ikra dudu kodugwa igne, yagl suota Siem ya Ham ya Jafet ikra ere mogl, yagl gak tau kiglkwa. Ye kagno ya gawanoma kagno magigl i paugwa.
Jafet Gawama
2Ana Jafet we, ye yagl gak tau kuglkwa, ye kagno Gomer ya Magok ya Madai ya Javan ya Tubal ya Mesek ya Tiras. 3Te, Gomer we, ye yagl gak tau kuglkwa, ye kagno Askenas ya Rifat ya Togarma. 4Te, Javan we, ye ama yagl gak suo kuglkwa, ye kagno Elisa ya Tarsis. Te, Javan gawama tau Saiprus yoba meglko, tau Dodan yoba meglkwa. 5Javan gawama ede pere pere pi, yugobuno pere pere i nogugl edigwa. Tau mudi nigl bina meglko, tau dumo kebra nigle suna yemara meglko, erikwa. Ye ede pere pere pi, yugobuno pere pere ikra i nogugl ede moglsre, ye ama dumo makan pere pere ikra kipai moglsre, ka pere pere digwa.
Ham Gawama
6Ana Ham we, ye yagl gak tau kuglkwa, ye kagno Kus ya Isip ya Libia ya Kenan. 7Te, Kus we, ye yagl gak tau kuglkwa, ye kagno Seba ya Havila ya Sapta ya Rama ya Sapteka. Te, Rama we, ye yagl gak suo kuglkwa, ye kagno Seba ya Dedan we dugwa.
8Ana Kus ye yagl gak ta ama kuglkwa, kagie Nimrot we dugwa. Nimrot ere mogl, yobuglo podo ersre, u yoba kade moglkwa. 9Yoba kade moglsre, ye ama taragl are dimede ere sidre, erukwa. Yegl eruko, Yawe pre kan erukwa. Yegl pre okuo yoba yegl ta erikwa i di teigwa, Ene Nimrot taragl are dimede ere sumere singo, Yawe pre kan erume digwa. 10Nimrot yoba kade king moglsre, komono kana taun podo 4-pela sugl moglkwa, Babel ya Erek ya Akat ya Kalne we digwa. Taun 4-pela i, dumo kade Babilonia suna yeigwa. 11-12Ye taun 4-pela i sugl moglsre, okuo ede dumo kade Asiria we dimara pi, dumo kade suna i taun 4-pela ere kegwa. Taun 4-pela i, Ninive ya Rehobotir ya Kala ya Resen we digwa. Dumo Resen i we, Ninive ya taun podo Kala we dimara suna yogwa.
13Ana Ham wam Isip we, ye gawama tau Lidia yoba meglko, tau Anam yoba meglko, tau Lehap yoba meglko, tau Naptu yoba meglkwa. 14Te, tau Patrus yoba meglko, tau Kaslu yoba meglko, tau Krit yoba meglkwa. Te, Kaslu yoba i we, ye gawama tau Filistia yoba meglkwa.
15Ana Ham wam ta, Kenan we, ye yagl gak komono kuglkwa, kagie Sidon we dugwa. Te, Kenan wam tau gawama i, tau Hit yoba meglko, 16tau Jebus yoba meglko, tau Amor yoba meglko, tau Girgas yoba meglkwa. 17Te, tau Hivi yoba meglko, tau Arka yoba meglko, tau Sini yoba meglkwa. 18Te, tau Arvat yoba meglko, tau Semar yoba meglko, tau Hamat yoba meglkwa. Kenan gawama i, yugobuno pere pere mogl, ede dumo pere pere pi meglko, yoba okuo mudu Kenan yoba we digwa. 19Ana Kenan yoba makano we, Numa taun Saidon we dimara yedre, yei ede pi taun ta Gerar we dimara Numa edugwa. Gerar i, taun ta Gasa yomara magigl yogwa. Ana Gerar Numa edidre, ede u koglo pi, Numa ikne taun tau Sodom ya Gomora ya Atma ya Seboim we dimara Numa edugwa. Taun 4-pela i, dumo ta Lasa we dimara magigl yeigwa. 20Ana i Ham gawama kagno paugwa. Ye yugobuno pere pere meglmere mere, ka pere pere didre, dumo pere pere pi moglsre, yoba pere pere meglkwa.
Siem Gawama
21Ana Noa wam Siem we, ye yagl gak tau kuglkwa. Siem ye Jafet agigle komono moglsre, Eber yoba kowano awano moglkwa. 22Ye yagl gak kuglkwa, ye kagno Elam ya Asur ya Arpaksat ya Lidia ya Aram. 23Te, Aram we, ye yagl gak tau kuglkwa, ye kagno Us ya Hul ya Geter ya Mas. 24Te, Arpaksat we, ye yagl gak ta kuglkwa, kagie Sela. Te, Sela we, ye yagl gak ta kuglkwa, kagie Eber. 25Te, Eber we, ye yagl gak suo kuglkwa, ye kagno Pelek ya Joktan. Pelek moglkwa igne, yoba maginagle meglkwa ye yubu si, ede dumo pere pere eigwa pre kagie Pelek we digwa. 26Te, Joktan we, ye yagl gak tau kuglkwa, kagno Almodat ya Selep ya Hasarmavet ya Jera 27ya Hadoram ya Usal ya Dikla 28ya Obal ya Abimael ya Seba 29ya Ofir ya Havila ya Jobap. Yagl gak i, mudu Joktan wama meglkwa. 30Ana yagl i makano i we, dumo makan Mesa we dimara yei ede pi dumo makan Sefar we dimara ogwa. Dumo makan Sefar we dimara i, muglo mere paigo, ade umara kra yogwa. 31Ana i Siem gawama kagno paugwa. Ye yugobuno pere pere meglmere mere, ka pere pere didre, dumo pere pere pi moglsre, yoba pere pere meglkwa.
32Ana i Noa gawama kagno paugwa. Ye yugobuno pere pere ya yoba pere pere meglmere mere kagno paugwa. Nigl kamun podo sugwa ikra dudugwa igne, Noa gawama i ede dumo makan pere pere pi moglsre, yoba pere pere meglkwa.
Attualmente Selezionati:
Oknayene Ibo 10: KB
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Copyright 2015 New Tribes Mission