JOHN 10の有名な聖句

シェア

Ani'įįhii adínóo'į́į́ł áádóó ni'doołtsił índa í'doołdįįł t'éiyá yiniyé nádááh, nidi shí t'éí shidibé iiná bee dahólǫ́ǫ dooleeł, áádóó łą́ągo bee dahólǫ́ǫ dooleeł biniyé níyá.

Shí yá'át'éehgo dibé yaa áhályáanii nishłį́. Yá'át'éehgo dibé yaa áhályáanii éí t'áá bí dibé yich'ą́ą́h niná'ádiit'aah.

Jó, shidibé shiinéé' deidiits'a', áádóó béédahasingo shikéé' nidaakai

índa iiná doo ninít'i'ii baa hidish'aah, áko ts'ídá doo ádadoodįįł da, doo nidi ła'da shílák'eedóó haidiyoołhą́łí da.

Shí ch'é'étiin nishłį́; t'áá háiida shí shee yah ííyáhígíí yisdádooltééł, áádóó yah anádááh índa ch'ínádáahgo hootsojį' anáhádáah dooleeł.

Shí yá'át'éehgo dibé yaa áhályáanii nishłį́, shíhígíí béédahasin áádóó shíhígíí shéédahósin.

ShiTaa' t'áá ałtso biláahgo ayóó ájít'éii, éí dibé shaazhnínilígíí doo ła' shiTaa' bílák'eedóó haidiyoołhą́ąłgo yíneel'ání da. Shí índa shiTaa' t'ááłá'í niidlį́.

T'áá aTaa' shééhósin áádóó aTaa' bééhasinígi át'éego, áko t'áá shí she'iina' dibé bich'ą́ą́h ninádinish'aah.

Éí diné doo ła' shighaidoolyéeł da, nidi t'áá shíniik'eh ninádinish'aah. Bee óhólnííh shee hólǫ́ǫgo ninádinish'aah, áádóó bee óhólnííh shee hólǫ́ǫgo náádideeshdlééł; díí bi'deeshłíiłgo shiTaa' bibik'eh ó'oo'níiłii át'é.

Áko Jesus ánááhodoo'niid, T'áá aaníí, t'áá aaníígóó ánihidishní, Shí dibé bich'é'étiin nishłį́.

Ákondi adeenáago naalnishii éí doo na'niłkaadii nilį́į da, éí dibé doo t'áá bí bilį́į́'góó biniinaa mą'iitsoh éí dibé yich'į' yilwołgo yiyiiłtséehgo, dibé t'áá ákǫ́ǫgo dah díníichééh, áko mą'iitsoh éí dibé ła' yił nehedił áádóó ła' baa taojah.

T'áá aaníí, t'áá aaníígóó ánihidishní, T'áá háiida dibé bighan bich'é'étiindę́ę́' doo yah anádáhígíí, nidi t'áá háádę́ę'da yitis ná'nahígíí, t'áá éí ani'įįhii áádóó agha'ii'níiłii nilį́