Tutu Xuva 9の有名な聖句

シェア

Vitin ña juuni kùu yi ora ndichin, ìyo yi ña ja'i ma tiñu ña tāchi ma Tatái yu'u ña jà'i. Vati cha vàchi ma ora chanikuaa, ta ma ora ikan nï'iin ga ñivi, na küa jatiñu.

Ma ora juuni yanga ìyoi ma ñuñivi i'ya, yu'u kùi takua kùu ma ñu'ú, ña jàtuun ñuñivi ―kàti Jesuu.

Tajan ma ndra jàkua'a chi'in ra, te'en chīkatu'un ndra nuu ra: ―Matru, ¿ta naja kāku kuaá ma ra'ya? ¿A cha'a' kuati ma ndian kùu tatá ra kùu yi, a cha'a kuati juuni maa ra kùu yi? ―kàti ndra. Tajan Jesuu te'en nāka'an ra chi'in ndra: ―Na yöve cha'a' kuati maa ra kùu yi, ta ni yöve cha'a' kuati ma ndian kùu tatá ra kùu yi. Takan kāku ra, ti chi'in rakan kùuni ma Racha'nu Ndioo jana'a ra ma ndatu ra, ikan na nde'e ma ñivi, ña kùu ja'a ra yi.

Ta Jesuu te'en nāka'an ra: ―Ma tiñu vàchi ja'a yu'u ma ñuñivi i'ya, kùu yi ña vàchi jakutuni̱ kuati ma ñivi. Ta vàchi ja'i ña nande'e ma ndian kuaá. Ta vàchi ja'i ña na ndokuaá ma ndian chànini na ña ñivi ndichin nde'e kùu na. Ndiakan ni ndakuu na takua ma ndian kuaá.