San Juan 15の有名な聖句

シェア

“Ya lhech yivaatsha ya lhtatsuqu'esh, lhan'e avaatsheelh pa c'at'oyshelh. Papu ca mônlhatajayitshi, pa yamônlhaashi yitsha, lhech jayu lhavaatsha ti taay jayu jum; pa nôque lhjunash sasjop pa ca asnatshelh avaatsheelh ca ya ama lhôn.

At'eshelh ca amônlhaaelhyitshi, lhech yijunashelh'ash yamônlhaelh'atshi. Sasjop ca nitaay lhavaatsha pa lht'oycha lhaôs ti tayesh lhpa lhtatsuc. Pa lhech ajunashelh vitsha tanca nicaajelh'am pava ayelh ca aytajelhyitshi.

“Ca eetajeshelh ca amônlhatajeelhyitshi, ca niantovaclutajaeshelhch'e cava qu'eyjatsjaneshelh'in, pa aalhshelhyi pa'na pa lhjunash pa lhenelh, pa chinajutelh'ay jayu.

Avaatsheelh naavoelhyishi; vooy yivaatsha javoelh'ayshi, c'ayôjeeshelh'a shita ca acloja pava ca ayeeshelh, jô'tajesh ti ya aj ca nitay pava lhech ayelh. Pa nôque lhjunash jaspa nijutelh'ay jayu ja Tata ca etôntajelhjop ca yey ca aalhtajelhey.

Ampapu ca na'sheshc'oya na lhech pa uj lhencheyash ti ve'lha ti yijutem pa lhamônlhajayash papi lhc'utsfas.

Lhavaatsha yit'ovôsch'e java yit'oy nintô'lha pava lhay; lhan'e yitsha java yit'oy tô'lha pava lhay ti yisclanch'esha'ne, yit'ovôs'apee shta jaspa ya'shesh jayu jum ca nitaay.

Nôque yich'e' na yiyôjijat: Anenelhsha'ne pap'elh, nan yijunashelh'ash avaatsheelh ti qu'enelh.*xz*

Chiyôclôjesh jayu ja Tata ca aclojtaja pava ayelh, ca lhech ajunashtajeelh ca yijô'tajeelh ca atônôclitajeshelh ti qu'eyjatsjanjaselh.

“Yivaatsha ya yijô' ti ya ôtjayetayuqu'esh, vooy ja Tata vatcôvjiyanjavat lhavoesh yitsha.*xy*

Vooy yitsha japi ninteesh ca mônlhayitshi pa chicacha'yesh jayu jan lhanfanash java ôtjayetacuy lht'oy ti vafch'esha'ne, pa chint'ôqu'e pa chiyu'jamsha'ne pa itôj pa yichesh.

“Cavôque jayeetshelh'a, jaspa yielh'atshi na yishamitjayash, nôque ajunasheelh anamjatelhch'een pa ashamitjayashelh.

Ca anc'ashamtajeshelh cava yiyôjijates, pa lhôveelhshi jayu na yencheyashelh'ash, nan yijunashesh tsiqu'ishamesh cava lhayôjijates ja Tata jô'tajesh ti jôveelhshi ca lhencheyashyish.

Lhech côque c'ayôjeeshelh'a: Ca anenelhsha'ne pap'elh.

Ca atanuelhch'e lhôn napi yiey na cotsjaat, pa jaspa nenelh jayu nan lhjunashesh napi yitsôt'ajesh. Taj ti c'anjôcleshelhey napi lhech napi yiey na cotsjaat, pa lhe'naa ca nacônitshielh, lhayaash ti nintsôt'ajelh'ash.*xa*