Matayo 7の有名な聖句

シェア

Felaka, limɔ bitofomo ino; lukaka limɔ ino koosha eyetoluk’ino; titaka limɔ bome kolioelomo ino.

Eoka boto la boto oyatofela, inde kɔɔlɔ; oyatoluka, inde koosha; end’inde oyatotita, wao koliolomo.

Eokao oyatooka baoi-ba bami, inde kokɔcha bao, atokweelomo la boto wa wɛlï wotaenyela loasɔ loa liswi lia ndakɔ yande nda batälɛ

Eokao ebisolɛmb’ino mbo bato bakeelek’ino, keelak’imɔ ko iyo ongoma, eoka Bikela la Baoi ba Batɔndɔli bengani nde ko la lioi-li.

Kongo ko shomome shende siwamwanu la imbomboka shende la bokamu esitɔkɛ ko nda liwawi, la bato bende bamyɔ ebatoosha shao.

Ɔtɔkɔ hɔu nda bome ewamwanu, eoka bome bofalu la mboka efolali bitɔkɛ ko nda lɔsɛɛsɛlɔ, bende to wike ebatɔɔtɔkɔ nda wao.

Eokao, eyambo ino, bato abe oluwi ndofaefa bana banu bafi balau, nde simbi to Sango wanu oyayali nda Use, efaka yeka ilau ende ebasofel’Inde.

Ofëke bato se lifela, mbo aɛ angɛnɛ otafomo se. Eoka ko la liataki elisoatak’aɛ loasɔ; aɛ angɛnɛ koatakomo imɔ la liao; la ikweelo esitokweel’ino la basi, ino bokweelomoko imɔ la shao.

Boto oyatooka baoi-ba bami, nde atikɔchɛ bao, inde kokweelomo la boto w’ebebe oyaswäkä ndakɔ yande nda nyɛlɛ yoke

Monito ototichaka lofututi elole nda liso lia wina nde angolembeela bokangela ebole nda liso liaɛ angɛnɛ? ¿Monito otoonga la wina laɛ mbo— Machaka’mi isokoleke lofututi nda liso liaɛ, ani aɛ angɛnɛ ole oko la bokangela nda liso liaɛ angɛnɛ?

Taenyelaka la wɛlï eoka ya batɔndɔli ebati la momongo ebatoya end’ino la wɛnɛlɔ wa bɛkɔkɔ nde wewe bende atiteni kwa ngɔi ya luno. Botolembeel’iyo ko la tuma twau. ¿Bato kotwa toyayöliki nda toyangiakau? ¿Kolukä sau nda toilaila?

Ko ongoma, isandu silau sitota tuma tolau; nde isandu esisɔɔlɔ angota tuma tolau.

Isandu silau siitokɔkɔlɔ ota tuma tobe la isandu esisɔɔlɔ angokɔkɔlɔ ota tuma tolau.

Isandu l’isandu esiitota tuma tolau, shao sitotindomo kokumbolomo nda bösä.