Mataio 7の有名な聖句

シェア

Za nagini uratoꞌidene, Badiꞌa mazao umidoꞌi, ꞌougine ziniꞌuma. Za nagini vaḡoꞌidene, Badiꞌa mazao umidoꞌi, ꞌougine hidiꞌuma. Badiꞌaꞌa danazoga uratine, ibihetao toketokeroꞌi, ꞌougine ibiheta vavaoziniꞌuma.

Iniuꞌa umidine haꞌuma, iniuꞌa vaḡine hidiꞌuma ebu iniuꞌa toketokerine ibiheta vavaohaꞌuma.

Eḡe ḡoere egadu haḡaeꞌeteꞌe vazeḡaꞌe huhuzaḡa. Aniꞌe vatava rana neḡa ogoraroteꞌe vazeḡa heuḡa.

Eꞌanoꞌo vazeꞌa zae mazao haḡai manoḡa haḡaeꞌeteꞌe uratoꞌidene, zae zuni zeḡe mazao haḡai manoḡa haḡaoꞌi. ꞌAdiꞌe Mose goro ḡoeꞌa zu peroveta azaḡaniꞌa ihoziroteꞌe ḡoeꞌa raꞌohe.

U ḡabone tuḡutuḡu diuḡeꞌeteꞌe ibiḡa ibihetaḡaꞌe kokosiḡa zu eꞌe ibiḡano onamogaꞌe riḡa, eꞌanoꞌo eꞌe ibiḡano diuḡeꞌeteꞌe azaḡaꞌe tahiḡa.

Ibiheta kokosiḡano diuḡoꞌi. Mazaḡa runeo diuḡiteꞌe ibiḡa ibihetaḡaꞌe rafaḡa zu boro, eꞌanoꞌo eꞌe ibiḡano diuḡeꞌeteꞌe azaḡaꞌe ḡehaḡa.

Zaꞌe sauꞌa azaḡa rehano, ḡau manomano ubudeze zenoga urateꞌohe. Eꞌe teige, zae Moze, adureo radiuꞌetaꞌaꞌe, ane mazao umideꞌeteꞌe azaḡa hube hune ḡau manoḡa ziniꞌuma.

Badiꞌaꞌa zaꞌe sauꞌa azaḡa rae mene ziꞌeteꞌe uratine, vaze mazao sauꞌa azaḡa rae ago zoꞌi. Mazaḡa zaeꞌa ḡau ꞌahoga moneo vaze mazao sauꞌa rae reine, eꞌe moneo Badiꞌaꞌa zuni zaꞌe sauꞌa reꞌuma. Zaꞌa vaze mazao nagini haḡaine, Badiꞌaꞌa zae mazao ꞌouge haḡaiꞌuma.

U eḡe ḡoere egadu mene haḡaeꞌeteꞌe vazeḡaꞌe hahizaḡa. Aniꞌe niꞌuri rana neḡa ogoraroteꞌe vazeḡa heuḡa.

Ḡaꞌe nabugo ubumao beꞌa dinunuḡa ḡianeꞌohe. Rehano nougadu ḡae ubumao beꞌa gado ireḡa mene ḡianeꞌohe? Ḡae ubumaḡo beꞌa gado ireḡa ꞌeꞌe rehano, ḡaꞌe negoḡo mazao ꞌahige raꞌohe, raenaꞌa, 'Negohe, ubumaḡo beꞌa dinunu eꞌe mae vaḡinihi.'

Ḡuriro peroveta azaḡa ḡianoꞌi. Ze mamoe naminamiḡa teige onaiꞌuma, rehano zeḡe zamaꞌe butu ḡuniḡa vihovihoḡa heuḡa. Ireꞌe maḡa horonadu nagi ireḡa ederiꞌuma. Vaini maḡaꞌe ire renogaꞌonoꞌo mene iniꞌohe zu figi maḡaꞌe ḡunu renogaꞌonoꞌo mene iniꞌohe.

Eꞌe teige, ire manoḡa niduꞌaꞌe maḡa manoḡa iniꞌohe, u ire sauꞌaꞌe maḡa sauꞌa iniꞌohe.

Ire manoḡaꞌe maḡa sauꞌa mene iniꞌohe, u ire sauꞌaꞌe maḡa manoḡa mene iniꞌohe.

Maḡa manoḡa mene iniꞌeteꞌe ireḡa niduꞌaꞌe udi modeꞌohe ebu ire rogao hufi haoneꞌohe.