JOHAN 19の有名な聖句

シェア

Tuachi`n Jesu`n uain thuk adawn zoh in, “Zoh ahita!” achi a. Tuachi`n alu akun a, a Kha akhahta hi.

Hih nungin Jesu`n sil bangkim tuin zohsiang ahita chih thei in Pasian Laisiangthou thu a tangtun na dingin, “Ka dang atak,” achi a.

Tuajiakin Jesu in anu leh a nungjui a itpa akiang a ding amuh in anu kiang ah, “Numei, en-in na tapa,” achi hi. Tuachi`n nungjuipa kiangah, “En in nanu,” achi a. Hua a kipan in tua nungjuipa`n a inn ah apuita hi.

Hinanleh Jesu kiang ahung phak un ana sikhinta chih ahung mu ua, akeng ahihtansak kei uhi. Hinanleh galkapte lak a khat in teipi-in anak adawt a, tuachi`n sisan leh tui ahung pawtkhia hi.

Ajiak Pasian Laisiangthou ah: “Aguh khat zong suktan ahi kei ding,” chih a tangtun theihna dingin, hih silte a hung omta hi. Tualeh Pasian Laisiangthou dang in, “Amau`n adawtpa uh a en ding uh,” achi hi.

Tualeh aman a kross kipuak in “Luguh mun,” kichi (Hebrai ham in “Golgotha” kichi) mun ah apai a.

Tualeh galkapte`n linglukhu a phan ua, a lutung ah a khusak ua, puan sandup asilhsak uhi.