MATHAI 7の有名な聖句

シェア

“Ngen un, tuachi`n piakin na om ding uhi; zong un, tuachi`n na mu ding uhi; kiu-un, tuachi`n hon in na om ding uhi.

Kuapeuh a ngen taphot in a ngah ua, kuapeuh azong taphot in amu ua; tualeh kuapeuh akiu taphot honsakin a om ding uhi.

“Tuajiakin Ka thugen ja a ajui mite pen, mipil suangpi tung a innlam mite tawh kateh ding hi.

“Tuajiakin sil bangkim mi`n na tung ua bawl ding a na deih bang uh, amauh tungah zong bawl un: tuapen da`n bangtak leh Jawlneite thu mawng ahi.

Ajiak hinna a paina kong a kawchi`k a, alampi zong aneu hi. Tualeh amute zong tawmnou khat ahi uhi.

“Kong kawchi`k ah lut un, manthaina lutna kong a jaia, tualeh a lampi zong alian hi, hihlam a pai mi atam hi.

Ahihleh nou migiloute`n bawn, na tate uh kiang a silhoih piak nadan natheih uleh, na Pa uh van a om in a kiang a ngente kiangah silhoih piak nadan theisiam zawsem lou ding maw!

“Thu khen kei un, tuahileh thu khen in na omkei ding uhi, thukhenna nabawl bangbang in nang zong thu khensak in na om ding; tualeh tehna nazak bangbang in na kiang ah teh in na om ding hi.

“Hinanleh kuapeuh hih ka thugen ja a, juiloute pen, mimaw sehnel tung a innlam tetawh kateh kak ding hi.

Tualeh, bangding a, nangma mit a om singtun ngaihtuahlou a na sanggampa mit a om ninthem mu nahia? Ahihkeileh bang chi`n na sanggampa kiang ah, ‘Namit a nintang pen hung lakkhiatsak ning na chithei dia,’ Tualeh en in, nangma mit ah singtun om hilou maw?

“Jawlnei takloute a pan pilvang un; belam vun silh in na kiang uah ahung paijel ua, hinanleh asunggil uah ngia duhgawl bang ahi uhi. Amauhte pen agah in akithei ding uhi. Mi`n lingbawk a pan grepgah a loungai uh maw, Ahihkeileh pakkung a pan thei a loungai uh maw?

Tuachimah bangin singkung hoihte agah zong ahoih a, hinanleh singkung siate agah zong asia hi.

Singkung hoih in gahhoihlou a suangngai kei a, singkung hoihlou in zong gahhoih a suangngai kei hi.

Singkung gahhoih suanglou jousiah aphuk ua, meilak ah apai uhi.