ลู​กา 3の有名な聖句

シェア

หฒวัง เมี่ยน เจี๋ย ววม เญย เล์ย เญย เฒี่ยง โห่, เย​ซู หย่า เจี๋ย ววม เญย เล์ย. ต๋อย นิ่น เต๋า เก๋า วั้ว หฒั่น, ลู่ง ฆอย หมี่ อ๊ะ. สีง ลี่ง เหฌี่ย ต้าย, หญู่ง เฒ้ย ฮนั้ง นอม เหนาะ โฆ นอ, เยียม นิ่น เญย ซิน. หย่า ม่าย เฉีย เยียม กู้ หงว่าย ลู่ง ก๊อง, “เม่ย เซ เยีย เญย ตอน- ฮนั้ม. เยีย หฒะเก้ง อะเฮน้ย ไห่ เม่ย.”

โย​ฮัน ฯฒฯ ก๊อง บั๋ว หฒวัง เมี่ยน, “เยีย หล่ง ววม เถง เม่ย บัว เจี๋ย เล์ย. แอ๋ง ม่าย เต้า อ๋อย ต้าย. นิ่น ม่าย หลี่ง ม่าย ชะ เก้า โฮล เจี๋ย เยีย. เยีย เลี่ยม ไม้ ผุย เถง นิ่น ไจ๊ เฮ่ ฮลาง. นิ่น หย่า อ๋อย หล่ง สีง ลี่ง เหธา โต์ว เถง เม่ย บัว เจี๋ย เล์ย.

เม่ย บัว โหฒว สี่ อ๋อย หฒุ ปุน ธีง เม่ย บัว หฒะเก้ง ก๊อย เฮญี้ยว กวั่ง ฒุ์ย. หย่า ไม้ ตู๋ง เยียม เฮญี้ยว ฮนั้ม, ‘เยีย บัว ม่าย อับ​ลา​ฮัม โหฒว เยีย บัว เญย อง-ถาย.’ เยีย บั๋ว เม่ย บัว, ทิน-ฮู่ง ฒู้ง ไฮ่ เฒาะ น้าย เต๋ย หละเปย๊ย โหฒว เป๋น อับ​ลา​ฮัม เญย เฒ้ย-ฟุน.

อี้ หฒั่น เบ่น เหฒียง โป๊ว, ฒู้ง อัน เจี๊ยน เดี๋ยง-กอน. หาย ติ้ว เดี๋ยง เฒี่ยง เปี๊ยว ไม้ คู้, อ๋อย หฒุ ก๋อย กวั่ง ปั๊ว โต์ว มี่ง.”

น้าย เซ ฮนั้ง โต่ว หว่า เมี่ยน, อิ​สะ​ยา, เฟี้ย เจี๊ยน นิ่น เญย โซว ก๊อง, “ม่าย ล่าน เมี่ยน เยียม เต่ย-ปูง-ฮวาง เห่ว เจี๊ยน ก๊อง, ‘อ๋อย หฒุ หลิ่ว เล์ย เฒี้ยว เญย เจ๊า. นิ่น เญย เจ๊า อ๋อย หฒุ คอย หฒะ เญย. นอมๆ ฮ์อง อ๋อย หฒุ ติ้น ปวั๊ง, บง-ฮลัง บง-ไอ๊ อ๋อย หฒุ โหฒว แป้ง. เจ๊า เงา เจ๊า ฌ้วด อ๋อย หฒุ ก๊อย หฒะ, เจ๊า ไม้ ย่วน อ๋อย หฒุ โหฒว ย่วน. ลู่ง เดี๊ย เมี่ยน อ๋อย ตุ๊ ปวัด ทิน-ฮู่ง เญย เหฌียว เอน.’”