Chɔɔn 15の有名な聖句

シェア

“Mɔ̍ bo ɔ̀ nu̍ tlo-dɛ̍ᵻá tu̍, mɔ̀ɔ̍ bo ùh nu̍ ɛ̍ bu̍hᵻ. Nyɔ̍ ɔ̀ nɛ-a dě ǐn ja̍a̍-ɛ, nɛ̀ ǐn nɛ dě ɔ̍ ja̍a̍ ke. Nɛ̀ ɔ̍-ɔ bo ɔ̀ mu̍ buǒᵻ dɔu tlo. Pò mɔ̀ sà ǐn sɔ̍nᵻ i̍-ɛ, nɛ̀ mɔ̀ se̍ dɛ̍ nu̍-ɛ bɛ̌ɛ mu̍.

Mɔ̀ nɛ dě ǐn ja̍a̍, nɛ̀ ǎn mu̍ dě mɔ̀ ja̍a̍ nɛ. Ka pò bu̍hᵻ se̍ tu̍ i̍ tbaɛ, nɛ̀ i̍h se̍-a tlo-ɛ bɛ̌ɛ-ɛ, kǎ ɛ̍ nu̍ nɛ-ɛ ke, pò mɔ̀ se̍ dě ǐn ja̍a̍ nɛ-ɛ, nɛ̀ mɔ̀ se̍ tlo-ɛ bɛ̌ɛ mu̍.

Pò mɔ̀ nɛ dě ǐn ja̍a̍ iě ǎn wlu̍ iě dě mɔ̀ ja̍a̍ nɛ ke-ɛ, nɛ̀ dɛ̍-o-dɛ̍ mɔ̀-a pɔ̀n-aɛ, mɔ̀ jbǎ ɛ̍, nɛ̀ mɔ̀-a mu̍ ɛ̍ jě.

Mɔ̀ se̍ ǐn chèɛ̀ tba̍, mɔ̍ bo ɔ̀ tba̍ mɔ̀ chèɛ̀ iě ǐn dbo̍ mɔ̀ mɔ̀ iě buǒᵻ ìh se̍-a jii̍ nyni la̍ kɔn-ɛ po̍. Nɛ̀ pò mɔ̀ jbǎ-ɛ Baa dɛ̍ dǒ ǎn nynɛ̌ kɛ̍n-ɛ, nɛ̀ ɔ̍ mu̍ ɛ̍ mɔ̀ nyǐ.

Nyɔ̍ ɔ̀ sà-a ɔ̍ feɛ kwlǎ dǒ ɔ̍ jbɛɛ nyɔ̍ we̍-ɛ, nɛ̀ jbɛɛ dɛɛ se̍ wɔ̍n ku̍ ɛ̍ se̍ ɔ̍ naɛ sìì.

Bu̍h jɛ nɛ-a dǒ ǐn pùn ɛ̀-ɛ tlo-aɛ, nɛ̀ ɔ̍ chɛ̍n ɛ̍ doǒ. Jɛ jɛ tlo-aɛ, nɛ̀ ɔ̍ gbɛ̀n dǒ ɛ̍ we̍ i̍, wɛ̀ ɛ̍ iě dɛ̍ dɔu tlo.

Ɛ̀ la bo ɛ̀ nu̍ ǎn telě, ka ǐn nu̍-a mɔ̀-ɔ jbɛɛ-ɛ, kǎ mɔ̀ iě we̍ jbɛɛ nu̍ ke.

Mɔ̀-a buǒᵻ dɔu tlo-ɛ bo ɛ̀ bɛ̌-ɛ ǐn Baa-a nynɛ̌ i̍. Ɛ̍ bo ɛ̀ flɔn-ɛ ɛ̍ we̍i̍ ka mɔ̀ nu̍-a ǎn kòà-ɛ.

“Mɔ̍ bo ɔ̀ nu̍ tlo-dɛ̍ᵻá tu̍ chɛ̀ɛ̌chɛ̀, wɛ̀ ǐn Baa nu̍ ɛ̍ gbàɛ̍gbà de̍e̍ i̍ sìì nyɔ̍.

Nyɔ̍-o-nyɔ̍ ɔ̀ se̍-a dě ǐn ja̍a̍ nɛ-ɛ, nɛ̀ ɔ̍ mu̍ de̍ po̍-eɛ ɔ̍ iě klǎn ka tu̍ bu̍hᵻɛ́. Nɛ̀ u̍h-a dǔ i̍h-i, iě u̍h-a tù i̍h jlǐh, wɛ̀ i̍h-a si̍n.

“Ǐn sèàɛ̍ mɔ̀ ìh la wlùh wɛ̀ ǎn nmɔ-ɛ iě dě mɔ̀ ja̍a̍ nɛ, wɛ̀ mɔ̀-a nmɔ-ɛ iě kwlǎ wɛ̀.

Pò mɔ̀ ja-o ǎn telě i̍ tè-ɛ, nɛ̀ mɔ̀-a mu̍ dě ǎn jbɛɛ di̍i̍ sie ɛ̀ kɔn ba̍ ǎn tè-ao ǐn Baa-a telě i̍ wɛ̀ ǐn nɛ-a dě ɔ̍ jbɛɛ di̍i̍-ɛ.

Ɛ̀ la bo ɛ̀ nu̍ telě ǐn siee mɔ̀, ɛ̍ nu̍ mɔ̀ jbɛɛ we̍.

Pò mɔ̀ kɔn dǒ kmɔ̌ we̍ de-ɛ, nɛ̀ kmɔ̌-a mu̍ mɔ̀-ɔ jbɛɛ de ka ɛ̍ chɛ̀-a nyɔ̍-ɛ. Jɛ mɔ̀ se̍ dǒ kmɔ̌ we̍ kɔn dɛ. Ǎn mɔ̀ chèɛ̀ tba̍-a sà mɔ̀ dě kmɔ̌ di̍i̍ wɛ̀. Ɛ̍ kɔn tìh kmɔ̌ faɛn mɔ̀.