GENESIS 27の有名な聖句

シェア

Tichuan, Pathianin vân daifîm leh lei ṭhatna leh, Buh tam tak leh uain tam tak pe che rawh se. Hnam hrang hrangten i rawng bâwl sela, Chi hrang hrangten chibai bûk che rawh se. I unaute chungah lalah awm langin, I nû faten chibai bûk che rawh se. Anchhe lawhtu apiang che chu ânchhe lawhin awm sela, Malsâwmtu apiang che chu malsâwmin awm rawh se,” a ti a.

Tin, ani chuan, “A hmingah Jakoba an vuah dik hle lo vem ni? Hei vawi hnih mi lan tâk hi; ka fa tîr nihna chu mi lâksak a; tin, ngai teh, tûnah hian ka malsâwmna mi lâksak leh tâk hi,” a ti a. Tin, amah vêkin, “Malsâwmna mi la zuahsak lâwm ni?” a ti a.

Tin, a pa Isaaka chuan a chhâng a, a hnênah, “Ngai teh, i awmna tûr chu lei ṭhatna hlatah leh, Chung lam ata vân daifîm hlatah a ni a awm dâwn ni; I khandaihin a ni i nun dâwn ni, I nau rawng pawh i bâwl dâwn a ni; Tin, heti hi a ni ang a, i tâl chhuah hunah chuan A nghâwngkawl chu i nghâwng ata i thing thla tawh ang,” a ti a.

Tin, Esauva chuan a pa hnênah, “Ka pa, malsâwmna pakhat chauh em ni i neih? Aw ka pa, kei hi, kei pawh hi mal mi sâwm ve lul rawh,” a ti a. Tin, Esauva chu ring takin a ṭap ta a.