Jɔɔŋ 14の有名な聖句

シェア

Mɩ sɩɩ mʋ ŋɩɩ, ma jaŋ hɔŋ arɩ fɩɛlɩŋ. Mɩ tɩtɩa fɩɛlɩŋ nɛ mɩ joŋoo pɩma, ʋ bɩ naga fɩɛl-la dʋnɩa nɩaa sɩɩ pa nɛ. Má sɩ́ leŋe dɩ ma tʋɔbɩɩnaa vʋgʋmɛ, a bɩra sɩ́ leŋe dɩ fawʋllʋŋ ma kɛmma.

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Ŋɩɩ nɛ Yesu bʋl, “Má sɩ́ leŋe dɩ ma tʋɔŋ vʋgʋmɛ. Má laa Wɩa dii, a laa mɩ ma dii.

Ama mɩ Nyɩmma jaŋ leŋ dɩ ʋ Dɩŋ-zɔmʋŋ kʋ tuu a hɛ ma lɛ mɩ yɩrɩŋ lɛ. Ʋ jaŋ pɛ ma lɛ a wuo dagɛma wɩɩkala, a leŋ dɩ ma liisi wɩalɩŋ kala mɩ sɩ bʋla pɩma.

Nɩɩ-la kala sɩ nɩɩ mɩ niiŋ wɩaa aa toba, ʋ tɩɩna nɛ chomi. Mɩ Nyɩmma ma saa jaŋ cho nɩɩ-la sɩ chomi. Mɩ ma jaŋ cho tɩɩna a kɛŋ mɩ tɩtɩa kaa dagʋ.”

Dɩ ma nɩɩ ŋaa ŋɩɩ, mɩ jaŋ sʋl mɩ Nyɩmma dɩ ʋ joŋ ʋ Dɩŋ-zɔmʋŋ pɩma, dɩ ʋ pɩpɛ ma lɛ. Ʋ jaŋ hɛ ma teeŋ a kaa mʋ wuu. Ʋ jaŋ dɩdagɛma wʋtɩtɩɩ. Dʋnɩa nɩaa bɩ ʋ jɩŋ. Ba bɩ jaŋ wuo naʋ, ŋɩɩ nɛ tɩɩ ʋ bɩ jaŋ wuo hɛ ba lɛ. Ama ma-na jɩmʋ nɛ. Ʋ hɛ ma teeŋ nɛ. Ʋ saa jaŋ hɛ ma lɛ.

Kʋŋ na-kala ma sɩ pɩɛsa chɩchɛ mɩ yɩrɩŋ lɛ, mɩ jaŋ joŋo pɩma. Mɩ jaŋ ŋaa ŋɩɩ dɩ nɩaa wuo to mɩ lɛ a leŋ dɩ mɩ Nyɩmma yɩrɩŋ yɩrɛ. Dɩ ma nɩɩ chɛ kʋŋkala mɩ yɩrɩŋ lɛ, mɩ jaŋ ŋaa pɩma.”

Ŋɩɩ nɛ Yesu bɩra bʋl, “Dɩ ma nɛ chomi, ma jaŋ tuto mɩ niiŋ wɩaa.

Mɩ Nyɩmma jaŋ lɛ dɩɩsɩŋ yʋga a hɛ nɩmɛ. Dɩ ŋɩɩ fa dee, mɩ bɩ jaŋ bʋla pɩma arɩ mɩ jaŋ mʋ wasɛ leriŋ a bil ma lɛ.

Dɩ mɩ nɛ mʋa a wasɛ lee-la bil ma lɛ dɛrɛ, mɩ jaŋ bɩra kɔ a kɛmma kaa mʋ mɩ teeŋ, dɩ la kala hɛ dɩ-bala.

Ŋɩɩ nɛ Tɔmas bʋla pʋ, “La Tɩɩna, la bɩ jɩŋ lee-la ŋ sɩɩ mʋ, ɛɛ nɛ la jaŋ wuo ŋaa jɩŋ ʋ wombiiŋ?”