Mphattuwelo 1の有名な聖句

シェア

Vano Nluku aheera: Nimpanke ntthu oolattana ni hi ni ookhala toko hi. Uyo alamulele ihopa cothene co mpahari, inuni cothene co wirimu ni inama cothene cuulupale co mwiilaponi, ni inama cothene cikani cineepurula vathi. Nluku ahompattusa ntthu oonlattana nawe, oolattana ni Nluku ahompattusa; nlopwana ni nthiyana phaapattusilyawe.

Nluku ahaarerihaca, ni aheerelaca: Ntotholane ni muncereranyee! Ncare ni mmwaryeele ilapo yothene! Nlamulele ihopa cothene co mpahari, inuni cothene co wirimu ni inama cothene cineetta vathi.

Wupaceroni Nluku hopattusa irimu ni itthaya.

Ilapo yaari yoohi nnanna ni yoohi itthu. Ipiphi yahokhuneela ipahari ni Nnepa wa Nluku wanaweettakaca waculu maasi.

Ni Nluku aheera: Ukhale waarya, ni uhokhala waarya.

Phimaana Nluku hoona wiira citthu cothene cipankilyawe, ciri coorera venci cinene. Waheela n'usa; nno naari nihuku nonasiita.

Nluku ahoona wiira waarya uri woorera, phimaana ahokawaniha waarya ni ipiphi.

Nluku aheera tho: Kinawuvaha miri cothene cowiima cimenle ilapo yothene ni cinvaha ipyo, ni miri cothene cinvaha mihokorokho ni inuku. Cennyo cinkokhala coolya cinyu.

Nluku aheehana waarya nwe uthana, ni ipiphi ile aheehana uhiyu. Waheela n'usa; nno naari nihuku noopacera.

Wahoolo Nluku aheera tho: Iriyari yo maasi nikhale nlaka ninhala ukawaniha maasi wawaya wawaya.

Ni kinawuvahani matakhuru othene wiira akhale iyolya enyu mpaka ciicammo inama cothene cirina ukumi: inama cothene cuulupale co mwiilaponi, ni inuni cothene co wirimu ni inama cothene cineettakaca ilapo yo vathi. Ni commo waheerannyaa.

Nluku aheera: Cikhale imwaleelo wirimu wiira cikawanihe uthana ni uhiyu, wiira cikhale cennyo nthoonyero wo'kati, mahuku ni myakha

Vano Nluku aheera: Itthaya yothene ikhuneeliye ni itakhwa, maphumpulu ni miri cimmaha mihokorokho ni ipyo co khula nnanna. Ni commo waheerannyaa.

Vano Nluku ahopanka nlaka ni ahokawanihaca maasi yaari vathi ni ale yaari ucuulu. Ni commo waheerannyaa.

Itthaya yahomela itakhwa yaarina maphumpulu o khula nnanna. Ni miri cowiima caavaha inuku co khula nnanna. Nluku ahoona wiira waari woorera.

Nluku ahopanka imwaleelo piili cuulupale; imwaleelo yuulupale iyo wiira ilamulele uthana ni yankani iyo wiira ilamulele uhiyu. Ciicammo ahopanka itthoottwa cinci.

Vaavale Nluku aheera: Maasi ari vathi waya irimu, athukumane nipuro nimoca, ikhale itthaya yowuuma. Ni commo waheerannyaa. Mphantte wo wuuma Nluku aheehana itthaya, ni nthukumano wo maasi aheehana ipahari. Ni Nluku ahoona wiira waari woorera.

Vano Nluku ahoreriha eeraka: Ntotholane ni muncereranyee! Ncare mmaasini o mpahari! Ni inuni citotholane vathi va!

Ni vaavale Nluku aheera: Watthayani cikhale inama cikumi co khula nnanna; nhuwo ni inama contakhwani ni masene o mwiilaponi, o khula nnanna. Ni commo waheerannyaa.

Ciicammo Nluku aheera: Mmaasini mmo akhale makhoto o'nama coomumula, ni iriyariru irimu ni itthaya avaave asaanuni.

Nluku ahopanka masene o khula nnanna, nhuwo wo khula nnanna, ni inama cineepurula co mwiilaponi co khula nnanna. Ni Nluku ahoona wiira waari woorera.