Lukat 17の有名な聖句

シェア

Yinuk, Yetut nen aap nogo yoge logonet, “Kiniki noba panggombunuk, abet nombakendak paga obeelom agandak me, mi'na'nuk kame nak o,” yinuk, nappereegerak.

Ndi, aap ambi nen ne ambi paga ne 7 maluk eeppinagage logomenggerik, iniki koombunuk, An maluk eeppinagagirak o, yinuk, eekerak ndak-ndak ne 7 paga yokkira wage kenok, kit nen ne 7 paga aret omaluk mi eerogo mbo pogo logonu o,” yinuk, yoragagerak.

Inawin obeelom age mbareegi, it nogo ambi awin obeelom agaarak nogo kage nagagerik, yungguninuk, iyok paga wage logonet, oone nggwok paga Ala endage wogoppit wagagerak. Ala endage wogoppit Yetut abu'me tebe yi wage nagagerik, ale'nggen nen, “Wa!” mban yoreegerak. Aap ti, o Tamariya mendek aret o.

Togop me, kiniki tum wakkologo logonip o. Kit kinore ambi maluk eeke kenok, aruk wariyak o. Aruk wappunuk, maluk eekerak nogo iniki koombunuk, mbo pege kenok, at omaluk ti, mi eerogo mbo pogo logomunggup o.

Aap nogo Yetut, “Wa!” mban yoge mbareegi, at Yetut nen, “Aap ineebe 10 obeelom agaarak nogo lek a? Ineebe 9 nogo nggeeme naga o?

Yogo mbareegwa, at ninogoba Yetut nen it yorage logonet, “Kit kiniki noba panggombunuk, abet nombakwi nogo mbuuluk kulok anggen pogom kinikime logonetak en, eyo kilu nggwok yi, Kalom kinggo'nok yi inikime ya'nari nage keyaagin o, yogwi kiinok, ya'nari nage aret ka'netak o,” yinuk, yoragagerak.

Kit kineebe kinili yikkolamonggotak kenok, kobak aret arumunggup o. Ndi, kineebe wondet agago patumonggotak kenok, kinili aago aret logomunggup o.

Yorage nagagerik, Yetut nen at oone waganggwi nogo yorage logonet, “Kit maluk eerubagip nduk, kinikime mambinagi woramenggerak kwe, at kinikime mambinagi wage nogo perak, abuwa o. Aap ambi nen elege-aabologwe yi, maluk eeruwak nduk, inikime manabi wagaatak paga maluk eekwi iinok, yugum nggwok gandum yigika waganogo aap ti, enggaanok me, keele yilinogo yi yenggenak laut inikime mbo mambuurak op o.

Aap Nu wonage kagak, eerit nugu nogogwaarak nogo pogom, an aap aret nda'nagagirak woroorak eyom paga it aakumi togop aret eerit nugu logogun o. It aakumi nen mbi nunggwi, amburu nunggwi, aap nen kumi kologwe, kumi nen aap kologwe, eerit nugwi iigak, aap Nu yiiro wurik me unggwage mbareegi, yi yenggenit lagangge logonet, it ineebe abok aret niyo ndonggoninabeegerak nogo o.