MATIUS 7の有名な聖句

シェア

”Mololemun dara, dorowanalum. Elemun dara, eiriwanalum. Pika glorum-glorum alamun dara, pika baknesil.

Anasa mololemeija nimi nidyaʾ ara, dorowanamak, elemeija nimi nidyaʾ ara, eiriwanamak. Dara, pika glorum-glorum alameija nimi nidyaʾ ara, siksamba pika baknesil.

”Wei anasa, nimi nadya yuba keboka pe unulumak nim era, sikda geremsengnya e pe girik dubuk sam somoknya benesoʾ ak ulumak.

”Ugunja yok nim edya nuk pe unuweisinok senelelum sok, ugunja yok nim ek pe unulululum. Musa bedya unuwanalum an yub eb, nidyaʾ ununumnaʾ lelemek nang edya unulululum aboka lebsik yuba damok nong ara an,” hyok.

Nim embengaʾ nenelesil pik era, nimi weknaʾ ak dogob nongaʾ ulumlakanya, ban pik eneba mekaʾ me ulumla. Anya nim ara mek ok eiyiboka weklemak,” hyok.

”Uka delesil e pik eb ban pik eb dara, sabaʾ nauba adya, nimi nauba ara pik enyek an balamakaʾ anasa, ugunda dogob nong pikek ab uboka wekel yalalulum.

Ugun malya unaʾ nim enyek babya, ugunaʾ mab ak ara, hyak perobaʾ anyek keeboka eleklelum. Anasa ugunja neyung imik heikek ululanya bera wanok! Alak anyek elegeisilom aboka mololemak nim era alda perobaʾ anyek eleganesil.”

”Ugumbabya Imik Neyung adya eimik yana leleweisilyek anasa, ugunda yok nim ek yana lelenaʾ ara mem. Ugunda hekaʾ huboka yok nim ek yana lelelelum sok, Imik Neyung anaba ugumbabya unu yana lelewanasil. Ugunja yok nim ek sunuwoka unululum sok, Imik Neyung anaba ugumbabya unu sunuwoka unuwanasil.

Bok, heknedya nadyaʾ ban yub en keboka, pe ununggululanya bera, nimi ben hnon dongdanganaʾ adya, alja e salyaʾ mek weneng eilib somoknya benesoʾ ak ulumla.

Anja senenggom gal hyabdobaʾ heng ek ulunggelaʾ ara eibdanggonggom, yok nim edya mek heng soloknaʾ enesa hekasa anyek kemelelam do? Anja nauba gal siknaʾ ulunggel anasa, an kabo nang ek, Hem o, anja heng soloknaʾ dobnenggen, alalamaʾ ara, hekasa do?

”Sene sondaʾ anasa nunda ununumnaʾ lelemab nang aboka leldalamak nang ek ugunda keeboka ulululum. Sik nong ak dara, yu bei gam anasoʾ ak ulumakjok, ugunuk an domba hogunga beiyi yalamak. Ugunda sikda anaso ulumak senenaʾ ara, sikja ununaʾ ak anyeb eibnelum. Sabalaʾ gal adya dara, anggur dok gom, yok den gal doka hnon, moub eleganggunumso.

Pe mesaʾ bleblamla gal ak ab perob gal doka moulumla. Anya, malya uboka eka lerelamla gal ak ab malya galdoka moulumla.

Pe mesaʾ bleblamla gal edya dara, malya galdoka moubnenggunumso, onoʾ eka leremna gal edya dara, perob galdoka moubnenggunumso.

Perob galdoka mounggulumla gala nidyaʾ ara, weboka uka dalamak.