YOHANES 1の有名な聖句

シェア

Arawe pia lai taumata apan manarimmatti Tou wuṛṛu mangngimanna si Tou; i mangitou nionggol᷊annu taṛṛino maola'a ana'u Ruata

Su paarorone, tantal᷊anna runia taambe niriaddi, Ṛengetanna udde piate. Ṛengetanna udde su sambau ringannu Ruata wuṛṛu Ṛengetanna udde uasul᷊ungngu Ruata.

Semakka udde lullansiangnga sulal᷊ummu ararandumma, wuṛṛu ararandumma tawe maapadumma si Tou.

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

Sarangkanambone niola'a sulal᷊ummi Tou, wuṛṛu wuassu al᷊awo'u apan piate, tawe saran sambau apan inola'a tawedi Tou. Ṛengetanna udde punnu wiakka, wuṛṛu wiakka udde mannemakka taumata.

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

Ṛengetanna piate su runia, runia niola'a sulal᷊ummi Tou, arawe runia tawe maaillal᷊a si Tou. I Tou nirumanta su wanua-Ne sassane, arawe pabbawala-Ge maddiri manarimmatti Tou.

Semakka tutune apan mannemakka anambon taumata, nirumanta su runia.

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.