Yone 14の有名な聖句

シェア

Ndi nushila ditalala, ndi nuha ditalala dianyi; tshiena nuhadi bu mudi ba ha buloba banuhadi. Mitshima yenu kaizakadi, kaitshinyi.

Yesu wakamuambila ne, Meme udi bianyi nshila ne bulelela ne muoyo; kakuena muntu udi ulua kudi Tatu, kai muanze kulua kundi diambedi.

Mitshima yenu kaizakadi; nuitabushe Nzambi, nungitabushe meme kabidi.

Kadi Musambi, Nyuma Muimpe mene, watumabo kudi Tatu mu dina dianyi, yeye neanuyishe malu onso, neanuvuluishe mei onso anakunuambila.

Udi ne mikenshi yanyi, udi uyenza, ngudi munsue; Tatu wanyi neasue wansua, meme nemusue kabidi, nendimueneshe kudiye.

Nendombe Tatu, yeye neanuhe Musambi mukuabo, ikale nʼenu tshiendelele, Nyuma wa bulelela mene udi ba ha buloba kabai bamanye mua kuangata, bua bobo kabena bamumona, kabena bamumanye; nuenu nudi bamumanye bua yeye utu wikala nʼenu, neikale munda muenu.

Nengenze malu onso anualomba mu dina dianyi, bua Tatu atumbishibue bua Muana. Binualomba bualu buonso mu dina dianyi, nembuenze.

Binuansua, nenuenze mikenshi yanyi.

Mu nsubu wa Tatu wanyi mudi miaba ya bungi ya kuikala; bu bualu ebu kabui bulelela, nakadi kunuambila; nenye kunulongoluela muaba.

Binaya ne binanulongoluela muaba, nempingane kabidi, nenuangate kundi meme muine, bua kundi ngikala, nuenu nenuikaleku kabidi.

Toma wakamukonka ne, Mukelenge, katuena bamanye kuwaya, tudi bamanye nshila kudi kunyi?