मत्ती 16の有名な聖句

シェア

तैबै यीशुऐ आपणै च़ेले बै बोलू, “अगर कोई मूँ पिछ़ै ऐणा चाहा सा ता सौ आपणा सैभ किछ़ छ़ौड़ला होर आपणै दु:ख सौहणै री तैंईंयैं त्यार रौहला।

हांऊँ बोला सा कि तू पतरस सा, ज़ुणी रा मतलब सा ‘पाथर’ तुसा तेसा मण्डली री मनियाद होंणा, ज़ुण मूँ बनाणी। नरका न रौहणु आल़ी आत्मा री शक्ति बी मुँभै तेइबै बनाणै न नैंई रोकी सकदी।

मूँ तौभै स्वर्ग राज्य री कुँज़ी देणी: ज़ो किछ़ तू एसा धौरती पैंधै बोनला तेई स्वर्गा न बोनिणा होर ज़ो तू एसा धौरती पैंधै खोलला तेई स्वर्गा न खोलिणा।”

ज़ुण आपणै प्राण बच़ाणा च़ाहला, तेई ते नाश केरनै पर ज़ुण मेरी तैंईंयैं आपणै प्राण देला तेई ते बच़ाणै।

अगर कोई मांहणु दुनिया न सैभ किछ़ हासिल केरा सा, ज़ो सौ चाहा ती होर फिरी आपणै प्राणा बै नाश केरा सा ता तेथा रा कि फायदा? किबैकि कोई भी मांहणु आपणै प्राणा रै बदलै हमेशा री ज़िन्दगी नी पाई सकदा।

यीशुऐ तिन्हां बै बोलू, “होर तुसै कि बोला सी कि हांऊँ कुण सा?” शमौन पतरसै बोलू, “तू ज़िन्दै परमेश्वरा रा बेटा मसीह सा।”

यीशुऐ तेइबै बोलू, “योनै रै बेटै शमौन! तू धन्य सा; किबैकि कोई भी मांहणुऐ तुसाबै ऐ नी दसु एथा रै बजाय, कि ऐ मेरा बापू ती ज़ो स्वर्गा न रौहा सा ज़ो तुसाबै ऐ दसा सा।