लूका 17の有名な聖句

シェア

तहाँ ईसु हेनी थरेय कहनी तेडा, “अम इंञ थरेम बिसवास तेडा, हेनातेम चिकन यना रिमकोःते चलोःमी।”

अगर दिन भर रे सात छेव अपे राः बिरूध रेय पापे रेदो, सातो छेव अपे थरे मेजकोः तेय कहनियूँ, ‘इंञ पाप केड हेना वरिंञ पसतोः तना’ मेनतेय कहनिय रेदो हेंय सातो छेव पे माफियू।”

हेंकू मेंडे रे मियाँहोड़ चिकन यनाञूँ मेनाः पपाड़ी केनते, अच्छाते भगवान बडेयवा तींग तेय मिड़ाः एना। अवुर हेंय ईसु कटा दुबी रे उकड़ुम केनतेय धन्यावाद वडिया। नेय होड़ सामरी देस रेनिय दोहो एना।

हेनाते इंञ अपे सँवचेती तेपे दोहोन लगाडिंञ कहनी यडा, कनय भाई पापे रेदो हेंय दबेट केय तेपे समझो वियू, अवुर हेंय पाप वरिय पसतोः रेदो माफिय पे।

तहाँ ईसु होंबोर तेडा, “दसो झन मेने पे सुद्ध गना किदो, फेर हेंकू नव झन करे कुआ?

परभु कहनी तेडा, “अपे राः बिसवास सरसों दना मेनमोट दोहोन रेदो, ‘तुड दुबी पटुः कोःते समुन्धर रे सेनकोःते जड़ी चुवेरुऊ’ मेनते पे कहनी वा रेदो, हेना अपे राः टेबोः अँजोम तेड मेनू।”

कनय हो नआँ दुनियाँ राः जीवन बंचोवे मेनतेय पसींदेआ, हेंय अनेज राः जीव एरोय बंचो तेडा, अवुर कनय हो ईञाः चलते ते जीवितिय गँवों रेदो हेंय राः जीव बंचोआ।

फेर ईसु चेला कुतय थरेय कहनी तेडा, “नआँ दुनिया रे होड़कू भगवान वरी अलग कू लगड पाप राः परिक्छा मेज सकोआ। लेकिन पाप रे लोलोजोराय हेंय अखीर दुख रेय पड़ोआ! जे होड़ नेकू होड होडिंञकू मेंडे कनय मियाँहोड़ मेनिय एर पापू, हेंय होटोः तुरे जनता चकी तोलकेते, समुन्धर रे अटड़ गोत्तेयू, हेना हेंय लगड भला गिआ।

इंञ होड़ होपोन फेरिंञ मिड़ाः मेजुः रे, दुनियाँ रेनकू होड़कू थरे, नूह राः जबाना रे होया एना, हेन घयते होयाआ। नूह जहाज रे अनायीनिय रकब मेन दिन होड़कू जोमुः चरोःकू अवुर बर बियाहुः दोहो एनकू, तहाँ दाः भरो तिलतेड कुआ, अवुर कू बिलो यनु।