Mt 7の有名な聖句

シェア

Dimande, e to pou gagne, rode e to pou trouve, tape e laport pou ouver pou twa.

Parski tou dimoun ki dimande pou resevwar, seki rode pou trouve, e laport pou ouver pou seki tape.

Koumsamem, tou dimoun ki ekout saki mo fek dir e met li anpratik, li parey enn zom ki finn ranz so lakaz lor fondasion solid.

Alor tou seki zot anvi ki lezot fer pou zot, fer parey pou lezot osi, samem lansegnman lalwa ek bann profet.

Parski laport etrwat ek sime lavi li dir, e tigit dimoun pran sa sime la.

Pas par laport etrwat, parski laport lanfer li bien larz e sime perdision li fasil. Finn ena boukou ki prefer sa sime la.

Move kouma zot move, zot kone kouma donn bon kado zot zanfan, alor ki kantite bon kiksoz anplis zot Papa ki dan lesiel pou donn zot kan zot dimann li.

“Pa ziz lezot e Bondie pa pou ziz zot. Parski Bondie pou ziz zot parey kouma zot ziz lezot e mezir ki zot servi pou lezot, samem li pou servi pou zot.

E tou dimoun ki ekout mo parol e pa met li anpratik, zot pou parey enn fou ki konstrir so lakaz lor disab.

Ki manier to trouv lapay ki dan lizie to frer, me poto ki dan to lizie to pa remarke. Kouma to kapav dir ar to frer, les mo retir lapay ki dan to lizie me poto ki dan pou twa, to pa trouve?

Fer atansion bann fos profet ki vini kouma bann mouton me ki anverite zot bann loulou feros. Zot pou rekonet li par so fri. To pa rekolte rezin oubien fig lor pie pikan.

Tou zarb ki bon raport bon fri, zarb ki pa bon raport move fri.

Enn zarb bon pa kapav prodwir move fri, ni enn zarb malad bann bon fri.

Tou bann zarb ki pa donn bon fri, pou koupe e zet dan dife.