NASEPTE 16
16
Timothi in Paul leh Sila ajui
1Tuachi`n amah Derbe leh Listra khua a hungtung a, tualeh ngaiin, huasan ah Timothi kichi nungjui khat aom a. Amahpen gingtu Juda numei kuahiam tapa ahi a, hinanleh apa Grikmi ahi. 2Amah pen Listra leh Ikonium khua a om gingtute`n agen phat mahmah uh ahi. 3Paul in amah tonpih dingin adeih a, tualeh apaipih a hualak a Juda omte jiakin atep atansak a, amau`n apa Grikmi ahi chih atheih jiak un. 4Tualeh khuapite tawn a apaikawm un amau`n Jerusalem khua a om sawltakte leh upaten juihding a anamdet uh thupuknate akiang uah apiakhia uhi. 5Tuachi`n saptuamte ginna ah adetta ua, niteng in apung deuh deuhta uhi.
Troas a Paul mangmuhna
6Tualeh, amau`n Phrigia gam leh Galatia gam atotsuak zoh un Khasiangthou in Asia gam a thugen akham a. 7Misia gam kiang atun un, Bithinia gam ah lut atum ua, hinanleh Khasiangthou in aphal kei hi. 8Tuachi`n Misia gam akhen ua Troas khua ah apaita uhi. 9Tualeh janlai in Paul in mangmu bangin Mesidonia gam a mikhat dingin, “Mesidonia gam ah hung galkai inla, hung panpih in!” chia genin amu a. 10Tualeh Paul in mangmu bang a sil amuh zoh in Mesidonia gam a pai ka sawmpai ua, akiang ua tangthupha gen dingin Pasian in ahung sap ahi chih chiantak in kathei uhi.
Philippi khua a Lidia pianthakna
11Tuachi`n Troas khua a pat gunkuang in kapai ua, tangtakin Samothrakia ah kapai ua, ajingin Neapoli ah kapai jel uhi. 12Tualeh hua khua a pat Philippi khua ah kapai ua, huapen Mesidonia gam a khua poimoh pen khat ahi a, Rom khua a mipemte khua ahi. Hua khua ah ni tamdeuh katam uhi. 13Tualeh khawlni in khuapi pualam ah luipang ah thumna mun hi a ka gintatna mun uah kapai ua, ka tou ua, numei hung paikhawmte kiang ah thu ka gen ua. 14Tualeh numei khat amin Lidia, puan sandup juak Thiatira khua a om Pasian biami in ka thu uh aja a, Paul thugen juiding in Pasian in a lungtang ahonsak a. 15Tualeh amah leh a innkuanten baptisma atanzoh un, “Toupa a gin-om a nungseh uleh, ka inn ah hungpai unla hungtung un,” chi`n ahung ngen a. Tuachi`n ahung khouhtang teitei ta hi.
Philippi a koltanna
16Tualeh hichi ahung hi a, thumna mun a ka pailai un, sila nungak kuahiam dawi aisan siam khat in ahung kituah pih a. Aman a aisan jiakin apute sum tamtak amuhsak jel hi. 17Hihnu`n Paul leh kei ahung jui a, kikou in, “Hih mite hundamna lampi hunghilhte ahi! Tungnung pen Pasian silate ahi uh!” achi a. 18Tualeh hichi`n ni sawttak abawl a, tuachi`n Paul a lunghimoh a, akihei a dawi kiang ah, “Jesu Krist min in asung a kipat pawt thu kungpia ahi!” achi a. Tualeh amah hualaitak in apawtpai hi. 19Hinanleh, apute`n asum muhna uh abei chih atheihtak un, Paul leh Sila aman ua, mipilak a lamkaite mai ah akailut uh a. 20Tualeh thukhentute kiang ah apaipih ua, “Hihte Judami ahi ua, ka khua uh ahah sukbuai mahmah uhi. 21Tualeh ei Rommi in ilak leh izop sianglou dante juihsak ahung sawm uhi,” achi ua. 22Tuachi`n mipite amauh vuading in ahung kisa ua.
Tualeh thukhentute`n apuan uh a bohkeksak ua, chiang a jepding in thu apia uhi. 23Tualeh tamveipi ajep zoh un thong ah akhum ua, avengtu kiang ah bittak a veng dingin thu apia a. 24Huachitak a thu apiak jiak un aman tanna inn sungnungjaw ah akhum a akengte uah sikkol a bulhsak hi.
25Hinanleh jankhang laiin Paul leh Sila in thumna anei ua, Pasian kiang ah phatna la asa ua, tualeh midangte in angaikhia uhi. 26Thakhat in jin thupitak ahung kiling a, tuachi`n thong khuambulte akiling jak a, tualeh kongkhak jousiah aki hawng a, kol kibulh jousiah akiphel siangta hi. 27Tuachi`n thong vengtu ihmu ahung halh a, tualeh thong kot kihong amuh in thong a tangte taimangta uh asa a, a namsau adok a akithah sawmta hi. 28Hinanleh Paul aw ngaihtakin akikou a, “Bangmah kilawh ken ka un un hiah ka om uhi!” achi hi.
29Tuachi`n avengtu in mei tangin ajong a, atawmlut a, kithing kawm a hungpaiin, Paul leh Sila kiang ah a khupbokta hi. 30Tualeh amauh ahung paikhiatpih a, “Siate, hutdam a ka om nangin bang ka bawl diam?” achi a. 31Tuachi`n amau`n, “Toupa Jesu gingta in, tuachi`n hundamin na om ding nang leh na innkuante tawh,” achi ua. 32Tuachi`n amau`n akiang leh a inn a om jousiahte kiang ah Toupa thu a genta uhi. 33Tualeh aman amauh tuajan in, huahun laitak mahmah in apaipih a, ajepna maliamte asilsiang sak a, tualeh amah leh a innkuante jousiahin baptisma atang paingal uhi. 34Tualeh amauh a innsung ah apaipih a, amai uah an alui a, Pasian agintat jiak un a innkuante utawh akipak uhi.
35Tualeh nisuah in, thukhentute`n, “Hua mite khah in,” chi`n mimantute asawl ua.
36Tualeh thong vengtu in Paul kiang ah huathu ahilh a, “Thukhentute`n nou khah ding in mi ahungsawl uhi. Tuajiakin, tu in pawt unla, khamuang takin pai un,” achi a.
37Hinanleh Paul in akiang uah, “Rommite ka hi ngal ua, kasiam na uh leh kasiam louhna uh theilou in vantang mitmuh in a hungsat ua, thong ah ahung khum ua! Tualeh tu in aguk a hung hawlkhiat sawm uh ahi uh maw? Hithei ngailou di! Amauh mahmah hungpai uh henla, hung puidok uhen,” achi hi.
38Tualeh mi mantute`n hua thu thukhentute kiang ah ahilh ua, tualeh Rommite ahi uh chih ajaktak un, alau mahmah ta ua. 39Tuachi`n amauh ahung paikhiatpih ua, ajawl ua, apaikhiat pih ua, khuapi pualam a paimang dingin a ngen uhi. 40Tualeh amauh thong a pat apawt ua, Lidia inn ah alut ua, unaute amuhtak un a hanthawn ua, a pawtta uhi.
Thangkhal NT - Thukhun Thak
Copyright © 2014 by The Bible Society of India
Used by permission. All rights reserved worldwide.