WƖAA DƖ-SUOMUŊ 10
10
Nowa doho nɩaa
1Nowa hambolibiisiŋ Sɛm, Ham arɩ Jafɛf doho nɩaa nɛ ŋ-la. Lɩɩ-bal-la sɩ dii dʋnɩa harɩŋ lɛ, ba ma lʋl biiriŋ nɛ.
2Jafɛf ma hambolibiisiŋ nɛ fa ŋaa:
Goma, Magɔg, Madaɩ, Javaŋ, Tubal, Mɛsɛk arɩ Tɩras.
3Goma ma hambolibiisiŋ nɛ fa ŋaa:
Asɩkɛnas, Rɩfaf arɩ Togaama.
4Javaŋ ma hambolibiisiŋ nɛ fa ŋaa:
Ɛlɩsa, Taasɩs, Kɩtɩm arɩ Rodanim. 5Doho deeŋ nɩaa nɛ hɔŋ mʋgʋ-balɩŋ niiŋ a pɩsa hɔŋ taŋ taŋ. Tasɩ-la nɛ kʋ ŋaa tinteyee, tintee kala arɩ ʋ yikoro.
6Ham ma hambolibiisiŋ nɛ ŋ-la:
Kus, Mizirem, Puti arɩ Kɛnaŋ.
7Kus ma hambolibiisiŋ nɛ fa ŋaa:
Sɛba, Havɩla, Sabɩta, Raama arɩ Sabɩtɛka.
Raama ma hambolibiisiŋ nɛ: Sɛɛba arɩ Dɛdaŋ.
8Kus nɛ lʋl Nɩmɩrɔd, ʋ sii waa a ŋaa laalɩyuori-duo dʋnɩa lɛ. 9Ʋ fa ŋaa nambagɩl-duo nɛ La TƖƖNA doluŋ lɛ. A lɩɩ ŋɩɩ harɩŋ, dɩ nʋʋ nɛ bagɩlɛ woruŋ, ba yie kɛnʋ mɩmagɩsɛ Nɩmɩrɔd a bʋl ʋ nagɛ Nɩmɩrɔd. 10Ʋ kuoruŋ gentisiŋ nɛ fa ŋaa Babɩlɔŋ, Ɛrɛk, Akad arɩ Kalɩnɛ sɩ hɛ Babɩlɔŋ tinteeŋ lɛ. 11A lɩɩ nɩmɛ ʋ mʋ Asiiria tinteeŋ a saa Nɩnɩvɛ a pɛ Rehobɔf-Ɛɛ, Kala 12arɩ Resiŋ. Resiŋ fa hɛ Nɩnɩvɛ arɩ tabal-la ba sɩɩ yɩrɛ Kala pɛgɛ nɛ.
13Mizirem doho nɩaa nɛ ŋ-la:
Lud tɩŋŋaa, Anam tɩŋŋaa, Lɛhab tɩŋŋaa, Nafituhi tɩŋŋaa, 14Pafurusi tɩŋŋaa, Kasilu tɩŋŋaa arɩ Kafɩtɔ tɩŋŋaa. Fɩlɩsɩtɩa tɩŋŋaa lɩɩ nɩaa deemba tʋɔŋ nɛ.
15Kɛnaŋ nɛ lʋl Sɩdɔŋ, ʋ bii-hɩaŋ, Hiti tɩŋŋaa, 16Jebus tɩŋŋaa, Amɔrɩ tɩŋŋaa, Gɩgasɩ tɩŋŋaa, 17Hivi tɩŋŋaa, Akɩ tɩŋŋaa, Sini tɩŋŋaa, 18Avad tɩŋŋaa, Zɛma tɩŋŋaa, arɩ Hama tɩŋŋaa.
Harɩŋ nɛ Kɛnaŋ doho nɩaa pɩsɛ. 19Kɛnaŋ doho nɩaa tinteeŋ niiŋ nɛ: a chɩŋ Sɩdɔŋ lɛ a kaa mʋ Gɛra, a mʋ yi Gaza a to Sodom arɩ Gomora, Adɩma arɩ Zeboyim a kaa mʋ yi Lasa.
20Ham hambolibiisiŋ nɛ ŋɩɩ, ba sɩ gɔllɔ hɔŋ hɔŋ ba tasɩŋ lɛ, tasɩ-la nɛ kʋ ŋaa tinteyee, tintee kala arɩ ʋ yikoro.
21Jafɛf malɩma Sɛm ma lʋl biiriŋ nɛ. Sɛm nɛ ŋaa Ɛba hambolibiisiŋ naabalɩma.
22Sɛm hambolibiisiŋ nɛ:
Ɛlam, Asu, Afaza, Lud arɩ Aram.
23Aram ma hambolibiisiŋ nɛ:
Yus, Hul, Gɛda arɩ Mɛsɛk.
24Afaza nɛ lʋl Sɛla,
ʋ ma sii lʋl Ɛbɛ.
25Ɛbɛ ma lʋl hambolibiisiŋ balɩa nɛ,
dɔŋɔ yɩrɩŋ nɛ Pɛlɛg. Bʋa-la lɛ ba sɩ lʋl Pɛlɛg nɛ dʋnɩa nɩaa suomo pɔrɛ dɔŋɔ lɛ a hɔŋ hɔŋ leree. Ŋɩɩ nɛ tɩɩ ba hɛ yɩrɩ-la pʋ. Ʋ yɩrɩ-la bʋbʋɔŋ nɛ “pɔrɛ dɔŋɔ lɛ.” Pɛlɛg ŋaana ma yɩrɩŋ nɛ Jɔkɩtaŋ.
26Jɔkɩtaŋ ma nɛ lʋl
Alɩmɔdad, Sɛlɛf, Hazaamavɛf, Jɛra, 27Hadɔra, Uzal, Dɩkɩla 28arɩ Obal, Abɩmɛl, Sɛba, 29arɩ Ofi, Havɩla arɩ Jobab. Ba kala ŋaa Jɔkɩtaŋ biiriŋ nɛ.
30Lee-la ba fa sɩ hɛ nɛ a lɩɩ Mɛsa a mʋʋ yi Sɛfa, sɩ hɛ wɩɩpɔsʋŋ dɩɩrɩŋ lee-la peelee sɩ yʋga.
31Sɛm biiriŋ nɛ ŋ-la ba sɩ gɔllɔ hɔŋ hɔŋ ba tasɩŋ lɛ, tasɩ-la nɛ kʋ ŋaa tinteyee, tintee kala arɩ ʋ yikoro.
32Lɩɩ-bal-la sɩ bala, Nowa biiriŋ doho nɛ gɔllɔ hɔŋ hɔŋ tinteyee, a pɩsa su dʋnɩa kala.
©Ghana Institute of Linguistics Literacy and Bible Translation 1984, 2014