ലൂക്കോസു 24
24
ഏസ്സ് സാവുലിന്ത് ഉജുര്‌ളാഗ്‌ന്റാന്
1ബാരാത്ത്‌ല് ഒണ്ണാവാദ് നാള് റാവെ താനെ അയി പെ്ണ്ണ്‌മക്കാള് തമ്മ ഒരിക്കി ബെത്തിന്ത ബാഡെ അഡിക്കുവ ജാദിഗാള്‌നാമ് എ്ഡ്‌ത്ത് കല്ലളെ പട്ട്‌ക്ക് പോനാര്. 2അദുക്കുള കല്ലളെ ബായിക്ക് അഡേത്ത് ബെത്തിന്ത കല്ല്‌ന ഉറുട്ടി ജറേത്ത്‌റ്‌ക്കുവാദ്‌ന അവാര് കണ്ടാര്. 3അവാര് ഉളാക്ക് പോയി നോഡുഗാട്ടി ആണ്ടവാന് ഏസ്സ് സാവുന അദ്‌ല് കാണാലെ. 4അദ്‌ന കണ്ട് അവാര് മെഗെമെഗേത്ത് കൊണ്ട്‌റ്‌ക്കാട്ടി സട്ടന മിച്ചാന പാസെ മിന്നുവ ഉഡുപ്പിക്കിര്‌ക്കുവ റാഡ് ഗണ്ടാള്‌ഗാള് അര്‌ഗെ നിന്റ്‌റ്‌ക്കുവാദ്‌ന കണ്ടാര്. 5അയി പെ്ണ്ണ്‌മക്കാള് അഞ്ചിക്കെപട്ട് മോന്തെന തൊങ്കിസി നിന്റ്‌റ്‌ക്കാട്ടി അവാര് അയി പെ്ണ്ണ്‌മക്കാള്‌ക്ക്: <<നിമ്മ ഉജുരു ഇര്‌ക്ക്‌ന്റവാന്‌ന സത്തവാര് പട്ട്‌ല് പരാക്കുവാദ് എന്ത്‌ക്ക്? 6-7അയാള് ഇദ്‌ലില്ലെ. ഉജുര്‌ളാഗിര്‌ക്ക്‌ന്റാന്. മുന്നുക്കു അയാള് നിമ്മോഡൊപ്പ ഗലീലാല് ഇര്‌ക്കാട്ടിതാനെ അയാള് നിമാക്ക് <മന്‌സാനായി പ്‌റാന്തവാന്‌ന പാവ ഗേന്റവാര് കയിക്ക് കൊഡുക്കുവാര് എന്റ്‌മ് അവാര് അയാള്‌ന കുരുസുക്കു സേത്തി ആണി അഡിത്ത് കൊല്ലുവാര് എന്റ്‌മ് പ്‌റ മൂറാവാദ് നാള് ഉജുര്‌ളാഗുവാന്> എന്റ്‌മ് സൊന്നാദ്‌ന നെനേത്ത് നോഡുനു>> എന്റ് സൊന്നാര്. 8അദുക്കുള അയി പെ്ണ്ണ്‌മക്കാള് ഏസ്സ് സൊന്ന കാര്യന നെനേത്താര്.
9അവാര് കല്ലളേലിന്ത് തിരിഗി പോയി അവാര് കണ്ട ഈ കാര്യഗാള്‌നെല്ല ഏസ്സ് സൊല്ലുപഡി നഡാന്ത പദ്‌നൊണ്ണാള്‌ക്ക്‌മ് അവാരോഡൊപ്പ ഇന്ത ബേ്റെ ആള്‌ഗാള്‌ക്ക്‌മ് സൊന്നാര്. 10മദ്ദള പട്ടണഗാറിസി മറിയ, ഓഗന്ന, ആക്കോവു അവ്വേസി മറിയ, അവാരോഡൊപ്പിന്ത ബേ്റെ പെ്ണ്ണ്‌മക്കാള്‌ഗാളെല്ലാത്തെ ഇദ്‌ന അപ്പോസുത്തലാര്‌ക്ക് സൊന്ന പെ്ണ്ണ്‌മക്കാള്. 11അയി പെ്ണ്ണ്‌മക്കാള് സൊന്നാദ്‌ന അപ്പോസുത്തലാര് നമ്പാലെ. എന്ത്‌ക്കെന്റ് സൊന്ന അവാര് സൊന്ന ഈ കാര്യന നെപ്പ്‌നേരില്ലാത്ത കാര്യ എന്റ് അവാര് നെനേത്താര്. 12ആന പത്ത്‌റോസു ഇ്ളാഗി കല്ലളെ പട്ട്‌ക്ക് ഓഡി പോയി ബഗ്ഗി നോഡി സാവുക്കു ഇക്കിന്ത ബെ്ഡിപ്പുള്ള സീലെന താനെത്തെ കണ്ടാന്. എന്ത് നഡാന്ത്‌ദെന്റ് അദിസ്യപട്ട് കൊണ്ടു അയാള് ബീ്ഡ്‌ക്ക് തിരിഗി പോനാന്.
എമ്മവൂസുക്കു പോന്റാര്
13അയി നാള് താനെ ഏസ്സ് സൊല്ലുപഡി നഡാക്ക്‌ന്റവാര്‌ല് റാഡാള് എര്‌സലേമ്‌ലിന്ത് സുമാര് ഏ്ള് മയില് ദൂര ഇര്‌ക്കുവ എമ്മവൂസു എന്നുവ ഊരുക്കു പോയി കൊണ്ടിന്താര്. 14അദ്‌ല് നഡാന്ത കാര്യഗാള്‌ന പറ്റി അവാര് ആങ്കീങ്ക് നായനൊഡിന്ത് കൊണ്ടു പോയിന്താര്. 15അത്തെ അവാര് ഈ കാര്യഗാള്‌ന പറ്റി ആങ്കീങ്ക് നായനൊഡിന്ത് പോഗാട്ടി ഏസ്സ്‌മ് അവാര് അര്‌ഗെ പോയി അവാരോഡൊപ്പ പോയി കൊണ്ടിന്താന്. 16അവാര് അയാള്‌ന കണ്ടാര്. ആന അദ് ഏസ്സ്‌ത്തെന്റ് തെരിവാദ്‌ക്കുള്ള ബുദ്ദിന മറേസി ബെത്തിന്താന്.
17അദുക്കുള ഏസ്സ് അവാര്‌ന: <<നിമ്മ നഡാന്ത് പോഗാട്ടി എന്ത് കാര്യഗാള്‌ന പറ്റി നായനൊഡിന്റ്‌റ്?>> എന്റ് കേ്ട്ടാന്.
അദുക്കുള അവാര് റാഡാള്‌മ് അദ്‌ല് താനെ മോന്തെ ബഡിക്കി നിന്റിന്താര്. 18അവാര്‌ല് ക്‌ള്യാപ്പാവു എന്റ് സൊന്റവാന് അയാള്‌ന: <<നെന്നെ്ഡെഗ നഡാന്ത കാര്യഗാള്‌ന പറ്റി എര്‌സലേമ്‌ക്ക് ബന്തവാര്‌ല് നിനാക്ക് താനെത്തെ തെര്യാഗ?>> എന്റ് കേ്ട്ടാന്.
19അദുക്കുള ഏസ്സ്: <<ഏദ് കാര്യഗാള്>> എന്റ് കേ്ട്ടാന്.
അദുക്കുള അവാര് ഇത്തെ സൊന്നാര്: <<നസറേത്ത്‌ഗാറാന് ഏസ്സ്‌ന പറ്റിത്തെ. സൊന്ന നായാത്ത്‌ല്‌മ് ഗേന്ത കാര്യഗാള്‌ല്‌മ് സാമി കണ്ണ്‌ക്ക്‌മ് മന്‌സാര് കണ്ണ്‌ക്ക്‌മ് അയാള് മ്‌ഗ്‌ന്ത സക്‌തി ഇര്‌ക്കുവ സാമിദാസ്‌ത്തെ എന്റ് സൊന്നാര്. 20നമ്മ് പൂസാരി തലെവാര്‌ഗാള്‌മ് എഗുദാര് തലെവാര്‌ഗാള്‌മ് കൊല്ല്യ ബേ്ണ്ടി ബിദിക്ക്യ അയാള്‌ന ബ്‌ട്ട് കൊഡുത്താര്. അത്തെ അയാള്‌ന കുരുസുക്കു സേത്തി ആണി അഡിത്താര്. 21ആന എമ്മ അയാള്‌ത്തെ ഇസ്‌റവേല്‌ഗാറാര്‌ന ബ്‌ഡ്‌സ്‌ന്റവാന് എന്റ് നെഞ്ചഡെ ബെത്തിന്തേമ്. അദ് തനേമല്ല ഇദെല്ല നഡാന്ത് ഇന്റോഡ മൂറു നാളാന്റ്. 22അദല്ലാദെ താനെ എമ്മ് കൂട്ടാത്ത്‌ല ലേസ പെ്ണ്ണ്‌മക്കാള് റാവെ താനെ കല്ലളെന പോയി നോഡി അദിസ്യപട്ടാര്. 23എന്ത്‌ക്കെന്റ് സൊന്ന അദ്‌ല് ഏസ്സ് സാവുന കാണാലെ. ദൂദാര്‌ഗാള് തമ്മ് കണ്ണ്‌ക്ക് കാട്ടി ഏസ്സ് ഉജുരോഡ ഇര്‌ക്ക്‌ന്റാന് എന്റ് തമാക്ക് സൊന്നാദ്‌ന അവാര് ബന്ത് എമാക്ക് സൊന്നാര്. 24എമ്മ് കൂട്ടാത്ത്‌ല ലേസ ആള്‌ഗാള്‌മ് കല്ലളേക്ക് പോയി അയി പെ്ണ്ണ്‌മക്കാള് സൊന്ന പാസെ കണ്ടാര്. ആന ഏസ്സ്‌ന കാണാലെ.>>
25അദുക്കുള അയാള് അവാര്‌ക്ക്: <<അവ്വാ, നിമ്മ ഇത്ത്‌റ ബുദ്ദില്ലത്തവാര, സാമിദാസ്‌ഗാള് സൊന്ന കാര്യഗാള്‌നെല്ല നമ്പ്യ നിമാക്ക് എന്ത് ഇത്ത്‌റ ബുദ്ദിമുട്ടു? 26ക്‌റ്‌സ്‌ത്ത് ഈ കജട്ടഗാള്‌നെല്ല താങ്ക്‌ന പ്‌റ മേലോഗാക്ക് മദ്‌പ്പോഡ പോയി ഇര്‌ക്കുഡൊ>> എന്റ് സൊന്നാന്. 27പ്‌റസാരി മോസേലിന്ത് പ്‌ഡിത്ത് എല്ലാ സാമിദാസ്‌ഗാള്‌മ് തനാന പറ്റി സാമി ബൊക്കുലു സൊല്ലിര്‌ക്കുവാദ്‌ന ഒട്ടുക്കു അവാര്‌ക്ക് ഒന്റൊന്റായി സൊല്ലി കൊഡുത്താന്.
28അവാര് പോവ ഊരുക്കു അര്‌ഗെ എജ്ജ്‌ഗാട്ടി ഏസ്സ് അവാര്‌ക്ക് മുന്നുക്കു പോവ പാസെ പോയ പട്ടാന്. 29അദുക്കുള അവാര്: <<ഇന്റ് എമ്മോഡ തങ്ക്, നേര ബ്‌ന്ത് ജാമാന്റല്ല>> എന്റ് സൊല്ലി അയാള്‌ന നത്ത്‌നാര്. അദ്‌നാലെ അയാള് അവാരോഡ പോയി തങ്ക്‌നാന്.
30അയാള് അവാരോഡ തീനി തിന്ന്യ കുക്കാന്ത പ്‌റ അഡേന എ്ഡ്‌ത്ത് സാമിക്ക് നണ്ണി സൊല്ലി മുറുത്തു അവാര്‌ക്ക് കൊഡുത്താന്. 31അയി ഗളിഗെ ഏസ്സ്‌ത്തെന്റ് തെരിവാദ്‌ക്കുള്ള ബുദ്ദി ബന്ത് അദ് ഏസ്സ്‌ത്തെന്റ് അവാര്‌ക്ക് നെപ്പ്‌കെ്ഡേത്ത്‌ദ്. ആന അയാള് അന്നാല് താനെ അവാര് കണ്ണ്‌ക്ക് കാട്ടദ്യാനാന്. 32<<ബട്ടേല് ബെത്ത് അയാള് നമ്മോഡ നായ നൊഡിഗാട്ടിമ് സാമി സൊല്ലുസുലാക്കാന സൊക്കാന സൊല്ലി തര്‌ഗാട്ടിമ് നമ്മ് മനേസ്സ്‌കുളാക്ക് തീ കത്ത്‌ന പാസെ ആറ്റല്ല?>> എന്റ് അവാര് ആങ്കീങ്ക് സൊന്നാര്.
33അന്നാല് താനെ അവാര് ഇ്ളാഗി എര്‌സലേമ്‌ക്ക് തിരിഗി പോനാര്. ഏസ്സ് സൊല്ലുപഡി നഡാന്ത പദ്‌നൊണ്ണാള്‌മ് അവാരോഡൊപ്പ ഇന്ത ബേ്റെ ആള്‌ഗാള്‌മ് അദ്‌ല് കൂഡിന്താദ്‌ന കണ്ടാര്. 34<<ആണ്ടവാന് നേര്‌മായിമ് ഉജുര്‌ളാഗിര്‌ക്ക്‌ന്റാന് എന്റ്‌മ് അയാള് സീമോനു കണ്ണ്‌ക്ക് കാട്ട്‌നാന് എന്റ്‌മ്>> അവാര് അയി ഗളിഗേല് സൊല്ലി കൊണ്ടിന്താര്. 35അദുക്കുള അവാര് റാഡാള് ബട്ടേല് ബെത്ത് നഡാന്ത കാര്യഗാള്‌ന പറ്റിമ് അഡേന പങ്കി കൊഡുക്കാട്ടി ആണ്ടവാനെന്റ് തെരിവാദ്‌ക്കുള്ള ബുദ്ദി ബന്താദ്‌ന പറ്റിമ് അവാര്‌ക്ക് സൊന്നാര്.
ഏസ്സ് തന്ന് സൊല്ലുപഡി നഡാക്ക്‌ന്റവാര് കണ്ണ്‌ക്ക് കാട്ട്‌ന്റാന്
36ഇത്തെ അവാര് റാഡാള് ഇദ്‌ന പറ്റി നായനൊഡിന്ത് കൊണ്ടു ഇര്‌ക്കാട്ടി ഏസ്സ് താന്‌താനെ അവാര്‌ക്ക് നഡ്‌ക്കെ ബന്ത് നിന്റ് അവാര്‌ക്ക്: <<നിമ്മ നിമ്മ്‌ദ്യായി ഇര്‌ന്>> എന്റ് സൊന്നാന്.
37തമ്മ ഒന്റു പിജാദ്‌നത്തെ കാണ്‌ന്റാര് എന്റ് നെനേത്ത് അവാര് അഞ്ചിക്കേക്ക് സദ്‌റബെ്ട്ട്‌നാര്. 38ആന അയാള് അവാര്‌ക്ക്: <<നിമ്മ മെഗെമെഗേക്കുവാദ് എന്ത്‌ക്ക്? നിമ്മ മനേസ്സ്‌ല് എന്ത്‌ക്ക് ഇത്തെ സന്തേഗ ബരുവാദ്?>> എന്റ് സൊന്നാന്. 39<<എന്ന് കയി കാല്‌ഗാള്‌ന നോഡുനു. ഇദ് നാന്‌ത്തെ. അണ്ണി നോഡുനു. എനാക്കിര്‌ക്കുവ പാസെ പിജാദ്‌ക്ക് കറിസദേമ് എല്‌മ്പ്‌മ് ഇല്ല്യല്ല എന്റ് നിമാക്ക് തെരിമല്ല>> എന്റ് സൊന്നാന്.
40ഇത്തെ സൊല്ലി അയാള് തന്ന് കയികാല്‌ന അവാര്‌ക്ക് കാട്ടി കൊഡുത്താന്. 41എന്റിന്ത് ഗുഡി അവാര്‌ക്ക് നമ്പ്യ മുഡ്യാലെ. എന്ത്‌ക്കെന്റ് സൊന്ന അവാര് അത്ത്‌റാക്ക്‌മ് പിര്യാക്ക് മദിമറാന്ത് അദിസ്യപട്ടിന്താര്. അദുക്കുള ഏസ്സ്: <<ഇദ്‌ല് തിന്ന്യ എന്താറ്റ നിമ്മ് കയില് ഇര്‌ക്ക്‌ന്റ>> എന്റ് അവാര്‌ന കേ്ട്ടാന്. 42അവാര് ഒന്റു മുറി സുട്ട മീന് അയാള്‌ക്ക് കൊഡുത്താര്. 43അദ്‌ന എ്ഡ്‌ത്ത് അയാള് അവാര് മുന്നുക്കു ബെത്ത് താനെ തിന്റാന്.
44പ്‌റ ഏസ്സ് അവാര്‌ക്ക്: <<ഈ കാര്യഗാള്‌ന പറ്റിത്തെ നാന് നിമ്മോഡിര്‌ക്കാട്ടി നിമാക്ക് സൊന്നാദ്, മോസെ ബെത്ത സാമി സട്ടാത്ത്‌ല്‌മ് സാമിദാസ്‌ഗാള് ബൊക്കുലുമു പാട്ട് ബൊക്കുലുമു എനാന പറ്റി എ്ള്‌ദിര്‌ക്കുവാദൊട്ടുക്കു നഡാക്കുഡൊ>> എന്റ് സൊന്നാന്.
45പ്‌റ ഏസ്സ് സാമി സൊല്ലുസുലാക്കാക്കിര്‌ക്കുവ അര്‌ത്തഗാള്‌ന തെരിവാദ്‌ക്കുള്ള ബുദ്ദി അവാര്‌ക്ക് കൊഡുത്തു കൊണ്ടു: 46<<ക്‌റ്‌സ്‌ത്ത് കജട്ട പട്ട് സത്ത പ്‌റ മൂറാവാദ് നാള് ഉജുര്‌ളാഗുവാന് എന്റ്‌മ്, 47തപ്പ് ഗേവാദ്‌ന തള്ളി സാമിസാരി തിര്‌ഗ്‌ന്റവാര്‌ക്ക് തമ്മ ഗേന്ത പാവാക്ക് പൊറിമെ കെ്ഡേക്ക്‌മ് എന്നുവ സേദിന പറ്റിമ് എര്‌സലേമ്‌ലിന്ത് പ്‌ഡിത്ത് എല്ലാ നാഡ്‌ഗാള്‌ക്ക്‌മ് അയാള് പേര്‌ല് സൊല്ലുവാര് എന്റ്‌മ്‌ത്തെ സാമി ബൊക്കുലു എ്ള്‌ദിര്‌ക്കുവാദ്. 48ഇദ്‌ന കണ്ട്‌റ്‌ക്കുവ നിമ്മ ഇദ്‌ന പറ്റി അഡ്‌ത്ത ആള്‌ഗാള്‌ക്ക് സൊല്ലുവുറു. 49എന്ന് അപ്പാന് നിമാക്ക് തന്റെ എന്റ് ബാക്ക് തന്തിന്താദ്‌ന നാന് നിമാക്ക് സൊല്ലി ബ്‌ഡ്‌വെ. ആന മേലോഗാത്ത്‌ലിന്ത് സക്‌തി നിമാക്ക് ബരമാട്ട്‌ക്ക് നിമ്മ എര്‌സലേമ്‌ല് താനെ കാത്ത്‌റ്‌ക്കുഡൊ>> എന്റ് അവാര്‌ക്ക് സൊന്നാന്.
ഏസ്സ്‌ന മേലോഗാക്ക് എ്ഡ്‌ക്ക്‌ന്റാന്
50പ്‌റ ഏസ്സ് തന്ന് സൊല്ലുപഡി നഡാക്ക്‌ന്റവാര്‌ന ബെദന്യാക്ക് കൂട്ടി പോയി കയിന ഉജാത്തി അവാര്‌ക്ക് ബാക്ക്‌വര കൊഡുത്താന്. 51ഏസ്സ് അവാര്‌ക്ക് ബാക്ക്‌വര കൊഡുത്തു കൊണ്ട്‌റ്‌ക്കാട്ടി ഏസ്സ്‌ന അവാര് പട്ട്‌ലിന്ത് സാമി മേലോഗാക്ക് എ്ഡ്‌ത്താന്. 52അവാര് അയാള്‌ന കുമ്മുഡുന പ്‌റ ദൊഡ്ഡ പിര്യത്തോഡ എര്‌സലേമ്‌ക്ക് തിരിഗി പോനാര്. 53സാമിത്തെ ദൊഡ്ഡവാന് എന്റ് സൊല്ലികൊണ്ടു അവാര് സാമിബീ്ഡ്‌ല് താനെ ഇന്താര്.
New Life Computer Institute
ലൂക്കോസു 24
24
ഏസ്സ് സാവുലിന്ത് ഉജുര്‌ളാഗ്‌ന്റാന്
1ബാരാത്ത്‌ല് ഒണ്ണാവാദ് നാള് റാവെ താനെ അയി പെ്ണ്ണ്‌മക്കാള് തമ്മ ഒരിക്കി ബെത്തിന്ത ബാഡെ അഡിക്കുവ ജാദിഗാള്‌നാമ് എ്ഡ്‌ത്ത് കല്ലളെ പട്ട്‌ക്ക് പോനാര്. 2അദുക്കുള കല്ലളെ ബായിക്ക് അഡേത്ത് ബെത്തിന്ത കല്ല്‌ന ഉറുട്ടി ജറേത്ത്‌റ്‌ക്കുവാദ്‌ന അവാര് കണ്ടാര്. 3അവാര് ഉളാക്ക് പോയി നോഡുഗാട്ടി ആണ്ടവാന് ഏസ്സ് സാവുന അദ്‌ല് കാണാലെ. 4അദ്‌ന കണ്ട് അവാര് മെഗെമെഗേത്ത് കൊണ്ട്‌റ്‌ക്കാട്ടി സട്ടന മിച്ചാന പാസെ മിന്നുവ ഉഡുപ്പിക്കിര്‌ക്കുവ റാഡ് ഗണ്ടാള്‌ഗാള് അര്‌ഗെ നിന്റ്‌റ്‌ക്കുവാദ്‌ന കണ്ടാര്. 5അയി പെ്ണ്ണ്‌മക്കാള് അഞ്ചിക്കെപട്ട് മോന്തെന തൊങ്കിസി നിന്റ്‌റ്‌ക്കാട്ടി അവാര് അയി പെ്ണ്ണ്‌മക്കാള്‌ക്ക്: <<നിമ്മ ഉജുരു ഇര്‌ക്ക്‌ന്റവാന്‌ന സത്തവാര് പട്ട്‌ല് പരാക്കുവാദ് എന്ത്‌ക്ക്? 6-7അയാള് ഇദ്‌ലില്ലെ. ഉജുര്‌ളാഗിര്‌ക്ക്‌ന്റാന്. മുന്നുക്കു അയാള് നിമ്മോഡൊപ്പ ഗലീലാല് ഇര്‌ക്കാട്ടിതാനെ അയാള് നിമാക്ക് <മന്‌സാനായി പ്‌റാന്തവാന്‌ന പാവ ഗേന്റവാര് കയിക്ക് കൊഡുക്കുവാര് എന്റ്‌മ് അവാര് അയാള്‌ന കുരുസുക്കു സേത്തി ആണി അഡിത്ത് കൊല്ലുവാര് എന്റ്‌മ് പ്‌റ മൂറാവാദ് നാള് ഉജുര്‌ളാഗുവാന്> എന്റ്‌മ് സൊന്നാദ്‌ന നെനേത്ത് നോഡുനു>> എന്റ് സൊന്നാര്. 8അദുക്കുള അയി പെ്ണ്ണ്‌മക്കാള് ഏസ്സ് സൊന്ന കാര്യന നെനേത്താര്.
9അവാര് കല്ലളേലിന്ത് തിരിഗി പോയി അവാര് കണ്ട ഈ കാര്യഗാള്‌നെല്ല ഏസ്സ് സൊല്ലുപഡി നഡാന്ത പദ്‌നൊണ്ണാള്‌ക്ക്‌മ് അവാരോഡൊപ്പ ഇന്ത ബേ്റെ ആള്‌ഗാള്‌ക്ക്‌മ് സൊന്നാര്. 10മദ്ദള പട്ടണഗാറിസി മറിയ, ഓഗന്ന, ആക്കോവു അവ്വേസി മറിയ, അവാരോഡൊപ്പിന്ത ബേ്റെ പെ്ണ്ണ്‌മക്കാള്‌ഗാളെല്ലാത്തെ ഇദ്‌ന അപ്പോസുത്തലാര്‌ക്ക് സൊന്ന പെ്ണ്ണ്‌മക്കാള്. 11അയി പെ്ണ്ണ്‌മക്കാള് സൊന്നാദ്‌ന അപ്പോസുത്തലാര് നമ്പാലെ. എന്ത്‌ക്കെന്റ് സൊന്ന അവാര് സൊന്ന ഈ കാര്യന നെപ്പ്‌നേരില്ലാത്ത കാര്യ എന്റ് അവാര് നെനേത്താര്. 12ആന പത്ത്‌റോസു ഇ്ളാഗി കല്ലളെ പട്ട്‌ക്ക് ഓഡി പോയി ബഗ്ഗി നോഡി സാവുക്കു ഇക്കിന്ത ബെ്ഡിപ്പുള്ള സീലെന താനെത്തെ കണ്ടാന്. എന്ത് നഡാന്ത്‌ദെന്റ് അദിസ്യപട്ട് കൊണ്ടു അയാള് ബീ്ഡ്‌ക്ക് തിരിഗി പോനാന്.
എമ്മവൂസുക്കു പോന്റാര്
13അയി നാള് താനെ ഏസ്സ് സൊല്ലുപഡി നഡാക്ക്‌ന്റവാര്‌ല് റാഡാള് എര്‌സലേമ്‌ലിന്ത് സുമാര് ഏ്ള് മയില് ദൂര ഇര്‌ക്കുവ എമ്മവൂസു എന്നുവ ഊരുക്കു പോയി കൊണ്ടിന്താര്. 14അദ്‌ല് നഡാന്ത കാര്യഗാള്‌ന പറ്റി അവാര് ആങ്കീങ്ക് നായനൊഡിന്ത് കൊണ്ടു പോയിന്താര്. 15അത്തെ അവാര് ഈ കാര്യഗാള്‌ന പറ്റി ആങ്കീങ്ക് നായനൊഡിന്ത് പോഗാട്ടി ഏസ്സ്‌മ് അവാര് അര്‌ഗെ പോയി അവാരോഡൊപ്പ പോയി കൊണ്ടിന്താന്. 16അവാര് അയാള്‌ന കണ്ടാര്. ആന അദ് ഏസ്സ്‌ത്തെന്റ് തെരിവാദ്‌ക്കുള്ള ബുദ്ദിന മറേസി ബെത്തിന്താന്.
17അദുക്കുള ഏസ്സ് അവാര്‌ന: <<നിമ്മ നഡാന്ത് പോഗാട്ടി എന്ത് കാര്യഗാള്‌ന പറ്റി നായനൊഡിന്റ്‌റ്?>> എന്റ് കേ്ട്ടാന്.
അദുക്കുള അവാര് റാഡാള്‌മ് അദ്‌ല് താനെ മോന്തെ ബഡിക്കി നിന്റിന്താര്. 18അവാര്‌ല് ക്‌ള്യാപ്പാവു എന്റ് സൊന്റവാന് അയാള്‌ന: <<നെന്നെ്ഡെഗ നഡാന്ത കാര്യഗാള്‌ന പറ്റി എര്‌സലേമ്‌ക്ക് ബന്തവാര്‌ല് നിനാക്ക് താനെത്തെ തെര്യാഗ?>> എന്റ് കേ്ട്ടാന്.
19അദുക്കുള ഏസ്സ്: <<ഏദ് കാര്യഗാള്>> എന്റ് കേ്ട്ടാന്.
അദുക്കുള അവാര് ഇത്തെ സൊന്നാര്: <<നസറേത്ത്‌ഗാറാന് ഏസ്സ്‌ന പറ്റിത്തെ. സൊന്ന നായാത്ത്‌ല്‌മ് ഗേന്ത കാര്യഗാള്‌ല്‌മ് സാമി കണ്ണ്‌ക്ക്‌മ് മന്‌സാര് കണ്ണ്‌ക്ക്‌മ് അയാള് മ്‌ഗ്‌ന്ത സക്‌തി ഇര്‌ക്കുവ സാമിദാസ്‌ത്തെ എന്റ് സൊന്നാര്. 20നമ്മ് പൂസാരി തലെവാര്‌ഗാള്‌മ് എഗുദാര് തലെവാര്‌ഗാള്‌മ് കൊല്ല്യ ബേ്ണ്ടി ബിദിക്ക്യ അയാള്‌ന ബ്‌ട്ട് കൊഡുത്താര്. അത്തെ അയാള്‌ന കുരുസുക്കു സേത്തി ആണി അഡിത്താര്. 21ആന എമ്മ അയാള്‌ത്തെ ഇസ്‌റവേല്‌ഗാറാര്‌ന ബ്‌ഡ്‌സ്‌ന്റവാന് എന്റ് നെഞ്ചഡെ ബെത്തിന്തേമ്. അദ് തനേമല്ല ഇദെല്ല നഡാന്ത് ഇന്റോഡ മൂറു നാളാന്റ്. 22അദല്ലാദെ താനെ എമ്മ് കൂട്ടാത്ത്‌ല ലേസ പെ്ണ്ണ്‌മക്കാള് റാവെ താനെ കല്ലളെന പോയി നോഡി അദിസ്യപട്ടാര്. 23എന്ത്‌ക്കെന്റ് സൊന്ന അദ്‌ല് ഏസ്സ് സാവുന കാണാലെ. ദൂദാര്‌ഗാള് തമ്മ് കണ്ണ്‌ക്ക് കാട്ടി ഏസ്സ് ഉജുരോഡ ഇര്‌ക്ക്‌ന്റാന് എന്റ് തമാക്ക് സൊന്നാദ്‌ന അവാര് ബന്ത് എമാക്ക് സൊന്നാര്. 24എമ്മ് കൂട്ടാത്ത്‌ല ലേസ ആള്‌ഗാള്‌മ് കല്ലളേക്ക് പോയി അയി പെ്ണ്ണ്‌മക്കാള് സൊന്ന പാസെ കണ്ടാര്. ആന ഏസ്സ്‌ന കാണാലെ.>>
25അദുക്കുള അയാള് അവാര്‌ക്ക്: <<അവ്വാ, നിമ്മ ഇത്ത്‌റ ബുദ്ദില്ലത്തവാര, സാമിദാസ്‌ഗാള് സൊന്ന കാര്യഗാള്‌നെല്ല നമ്പ്യ നിമാക്ക് എന്ത് ഇത്ത്‌റ ബുദ്ദിമുട്ടു? 26ക്‌റ്‌സ്‌ത്ത് ഈ കജട്ടഗാള്‌നെല്ല താങ്ക്‌ന പ്‌റ മേലോഗാക്ക് മദ്‌പ്പോഡ പോയി ഇര്‌ക്കുഡൊ>> എന്റ് സൊന്നാന്. 27പ്‌റസാരി മോസേലിന്ത് പ്‌ഡിത്ത് എല്ലാ സാമിദാസ്‌ഗാള്‌മ് തനാന പറ്റി സാമി ബൊക്കുലു സൊല്ലിര്‌ക്കുവാദ്‌ന ഒട്ടുക്കു അവാര്‌ക്ക് ഒന്റൊന്റായി സൊല്ലി കൊഡുത്താന്.
28അവാര് പോവ ഊരുക്കു അര്‌ഗെ എജ്ജ്‌ഗാട്ടി ഏസ്സ് അവാര്‌ക്ക് മുന്നുക്കു പോവ പാസെ പോയ പട്ടാന്. 29അദുക്കുള അവാര്: <<ഇന്റ് എമ്മോഡ തങ്ക്, നേര ബ്‌ന്ത് ജാമാന്റല്ല>> എന്റ് സൊല്ലി അയാള്‌ന നത്ത്‌നാര്. അദ്‌നാലെ അയാള് അവാരോഡ പോയി തങ്ക്‌നാന്.
30അയാള് അവാരോഡ തീനി തിന്ന്യ കുക്കാന്ത പ്‌റ അഡേന എ്ഡ്‌ത്ത് സാമിക്ക് നണ്ണി സൊല്ലി മുറുത്തു അവാര്‌ക്ക് കൊഡുത്താന്. 31അയി ഗളിഗെ ഏസ്സ്‌ത്തെന്റ് തെരിവാദ്‌ക്കുള്ള ബുദ്ദി ബന്ത് അദ് ഏസ്സ്‌ത്തെന്റ് അവാര്‌ക്ക് നെപ്പ്‌കെ്ഡേത്ത്‌ദ്. ആന അയാള് അന്നാല് താനെ അവാര് കണ്ണ്‌ക്ക് കാട്ടദ്യാനാന്. 32<<ബട്ടേല് ബെത്ത് അയാള് നമ്മോഡ നായ നൊഡിഗാട്ടിമ് സാമി സൊല്ലുസുലാക്കാന സൊക്കാന സൊല്ലി തര്‌ഗാട്ടിമ് നമ്മ് മനേസ്സ്‌കുളാക്ക് തീ കത്ത്‌ന പാസെ ആറ്റല്ല?>> എന്റ് അവാര് ആങ്കീങ്ക് സൊന്നാര്.
33അന്നാല് താനെ അവാര് ഇ്ളാഗി എര്‌സലേമ്‌ക്ക് തിരിഗി പോനാര്. ഏസ്സ് സൊല്ലുപഡി നഡാന്ത പദ്‌നൊണ്ണാള്‌മ് അവാരോഡൊപ്പ ഇന്ത ബേ്റെ ആള്‌ഗാള്‌മ് അദ്‌ല് കൂഡിന്താദ്‌ന കണ്ടാര്. 34<<ആണ്ടവാന് നേര്‌മായിമ് ഉജുര്‌ളാഗിര്‌ക്ക്‌ന്റാന് എന്റ്‌മ് അയാള് സീമോനു കണ്ണ്‌ക്ക് കാട്ട്‌നാന് എന്റ്‌മ്>> അവാര് അയി ഗളിഗേല് സൊല്ലി കൊണ്ടിന്താര്. 35അദുക്കുള അവാര് റാഡാള് ബട്ടേല് ബെത്ത് നഡാന്ത കാര്യഗാള്‌ന പറ്റിമ് അഡേന പങ്കി കൊഡുക്കാട്ടി ആണ്ടവാനെന്റ് തെരിവാദ്‌ക്കുള്ള ബുദ്ദി ബന്താദ്‌ന പറ്റിമ് അവാര്‌ക്ക് സൊന്നാര്.
ഏസ്സ് തന്ന് സൊല്ലുപഡി നഡാക്ക്‌ന്റവാര് കണ്ണ്‌ക്ക് കാട്ട്‌ന്റാന്
36ഇത്തെ അവാര് റാഡാള് ഇദ്‌ന പറ്റി നായനൊഡിന്ത് കൊണ്ടു ഇര്‌ക്കാട്ടി ഏസ്സ് താന്‌താനെ അവാര്‌ക്ക് നഡ്‌ക്കെ ബന്ത് നിന്റ് അവാര്‌ക്ക്: <<നിമ്മ നിമ്മ്‌ദ്യായി ഇര്‌ന്>> എന്റ് സൊന്നാന്.
37തമ്മ ഒന്റു പിജാദ്‌നത്തെ കാണ്‌ന്റാര് എന്റ് നെനേത്ത് അവാര് അഞ്ചിക്കേക്ക് സദ്‌റബെ്ട്ട്‌നാര്. 38ആന അയാള് അവാര്‌ക്ക്: <<നിമ്മ മെഗെമെഗേക്കുവാദ് എന്ത്‌ക്ക്? നിമ്മ മനേസ്സ്‌ല് എന്ത്‌ക്ക് ഇത്തെ സന്തേഗ ബരുവാദ്?>> എന്റ് സൊന്നാന്. 39<<എന്ന് കയി കാല്‌ഗാള്‌ന നോഡുനു. ഇദ് നാന്‌ത്തെ. അണ്ണി നോഡുനു. എനാക്കിര്‌ക്കുവ പാസെ പിജാദ്‌ക്ക് കറിസദേമ് എല്‌മ്പ്‌മ് ഇല്ല്യല്ല എന്റ് നിമാക്ക് തെരിമല്ല>> എന്റ് സൊന്നാന്.
40ഇത്തെ സൊല്ലി അയാള് തന്ന് കയികാല്‌ന അവാര്‌ക്ക് കാട്ടി കൊഡുത്താന്. 41എന്റിന്ത് ഗുഡി അവാര്‌ക്ക് നമ്പ്യ മുഡ്യാലെ. എന്ത്‌ക്കെന്റ് സൊന്ന അവാര് അത്ത്‌റാക്ക്‌മ് പിര്യാക്ക് മദിമറാന്ത് അദിസ്യപട്ടിന്താര്. അദുക്കുള ഏസ്സ്: <<ഇദ്‌ല് തിന്ന്യ എന്താറ്റ നിമ്മ് കയില് ഇര്‌ക്ക്‌ന്റ>> എന്റ് അവാര്‌ന കേ്ട്ടാന്. 42അവാര് ഒന്റു മുറി സുട്ട മീന് അയാള്‌ക്ക് കൊഡുത്താര്. 43അദ്‌ന എ്ഡ്‌ത്ത് അയാള് അവാര് മുന്നുക്കു ബെത്ത് താനെ തിന്റാന്.
44പ്‌റ ഏസ്സ് അവാര്‌ക്ക്: <<ഈ കാര്യഗാള്‌ന പറ്റിത്തെ നാന് നിമ്മോഡിര്‌ക്കാട്ടി നിമാക്ക് സൊന്നാദ്, മോസെ ബെത്ത സാമി സട്ടാത്ത്‌ല്‌മ് സാമിദാസ്‌ഗാള് ബൊക്കുലുമു പാട്ട് ബൊക്കുലുമു എനാന പറ്റി എ്ള്‌ദിര്‌ക്കുവാദൊട്ടുക്കു നഡാക്കുഡൊ>> എന്റ് സൊന്നാന്.
45പ്‌റ ഏസ്സ് സാമി സൊല്ലുസുലാക്കാക്കിര്‌ക്കുവ അര്‌ത്തഗാള്‌ന തെരിവാദ്‌ക്കുള്ള ബുദ്ദി അവാര്‌ക്ക് കൊഡുത്തു കൊണ്ടു: 46<<ക്‌റ്‌സ്‌ത്ത് കജട്ട പട്ട് സത്ത പ്‌റ മൂറാവാദ് നാള് ഉജുര്‌ളാഗുവാന് എന്റ്‌മ്, 47തപ്പ് ഗേവാദ്‌ന തള്ളി സാമിസാരി തിര്‌ഗ്‌ന്റവാര്‌ക്ക് തമ്മ ഗേന്ത പാവാക്ക് പൊറിമെ കെ്ഡേക്ക്‌മ് എന്നുവ സേദിന പറ്റിമ് എര്‌സലേമ്‌ലിന്ത് പ്‌ഡിത്ത് എല്ലാ നാഡ്‌ഗാള്‌ക്ക്‌മ് അയാള് പേര്‌ല് സൊല്ലുവാര് എന്റ്‌മ്‌ത്തെ സാമി ബൊക്കുലു എ്ള്‌ദിര്‌ക്കുവാദ്. 48ഇദ്‌ന കണ്ട്‌റ്‌ക്കുവ നിമ്മ ഇദ്‌ന പറ്റി അഡ്‌ത്ത ആള്‌ഗാള്‌ക്ക് സൊല്ലുവുറു. 49എന്ന് അപ്പാന് നിമാക്ക് തന്റെ എന്റ് ബാക്ക് തന്തിന്താദ്‌ന നാന് നിമാക്ക് സൊല്ലി ബ്‌ഡ്‌വെ. ആന മേലോഗാത്ത്‌ലിന്ത് സക്‌തി നിമാക്ക് ബരമാട്ട്‌ക്ക് നിമ്മ എര്‌സലേമ്‌ല് താനെ കാത്ത്‌റ്‌ക്കുഡൊ>> എന്റ് അവാര്‌ക്ക് സൊന്നാന്.
ഏസ്സ്‌ന മേലോഗാക്ക് എ്ഡ്‌ക്ക്‌ന്റാന്
50പ്‌റ ഏസ്സ് തന്ന് സൊല്ലുപഡി നഡാക്ക്‌ന്റവാര്‌ന ബെദന്യാക്ക് കൂട്ടി പോയി കയിന ഉജാത്തി അവാര്‌ക്ക് ബാക്ക്‌വര കൊഡുത്താന്. 51ഏസ്സ് അവാര്‌ക്ക് ബാക്ക്‌വര കൊഡുത്തു കൊണ്ട്‌റ്‌ക്കാട്ടി ഏസ്സ്‌ന അവാര് പട്ട്‌ലിന്ത് സാമി മേലോഗാക്ക് എ്ഡ്‌ത്താന്. 52അവാര് അയാള്‌ന കുമ്മുഡുന പ്‌റ ദൊഡ്ഡ പിര്യത്തോഡ എര്‌സലേമ്‌ക്ക് തിരിഗി പോനാര്. 53സാമിത്തെ ദൊഡ്ഡവാന് എന്റ് സൊല്ലികൊണ്ടു അവാര് സാമിബീ്ഡ്‌ല് താനെ ഇന്താര്.
New Life Computer Institute