San Mateo 1
1
Jesucrito ü̧tä̧mü̧mi̧nä̧
(Lc 3.23-38)
1Jesucrito-mä̧, Dawi-ttü'i̧nä̧, Abraha̧-ttü̧'i̧nä̧ isotü i̧sa̧ ji̧na̧'a̧ttü̧, ü̧tä̧mü̧ mi̧nä̧ttü̧ kkä̧mä̧dü̧ tti̧mi̧ pi̧yȩmä̧, pa̧'a̧nü̧ ji̧na̧'a̧: 2Abraha̧-mä̧ Isaac jä'o ji̧na̧'a̧, Isaa-tä Jaco jä'o ji̧na̧'a̧ ja̧'wa̧ta̧nü̧ Jaco-mä̧ Judá ü̧jä̧wa̧tu̧ku̧ ttä'o pinü̧. 3Ja̧'wa̧ta̧nü̧ Judá i̧tti̧mü̧ tta̧ju̧ Tamar-ttü i̧tti̧mü̧mä̧ Fare'i̧nä̧ Zerah'i̧nä̧ ji̧na̧'a̧ ja̧'wa̧ta̧nü̧ Fare i̧tti̧mä̧ Hesrón ji̧na̧'a̧, Hesrón i̧tti̧tä̧ Aram ji̧na̧'a̧. 4Ja̧'wa̧ta̧nü̧ Aram i̧tti̧mä̧ Aminadab ji̧na̧'a̧, Aminadab i̧tti̧tä̧ Naasón ji̧na̧'a̧ ja̧'wa̧ta̧nü̧ Naasón i̧tti̧mä̧ Salmón ji̧na̧'a̧. 5Ja̧'wa̧ta̧nü̧ Salmón Rahab-ttü i̧tti̧mä̧ Booz ji̧na̧'a̧ ja̧'wa̧ta̧nü̧ Booz Rut-ttü i̧tti̧mä̧ Obed ji̧na̧'a̧ ja̧'wa̧ta̧nü̧ Obed i̧tti̧mä̧ Isaí ji̧na̧'a̧. 6Ja̧'wa̧ta̧nü̧ Isaí i̧tti̧mä̧ Rey Dawi ji̧na̧'a̧.
Ja̧'wa̧ta̧nü̧ Urías irekua pinä̧ju̧ttü̧, Dawi i̧tti̧mä̧ Saromón ji̧na̧'a̧. 7Ja̧'wa̧ta̧nü̧ Saromón i̧tti̧mä̧ Roboam ji̧na̧'a̧ ja̧'wa̧ta̧nü̧ Roboam i̧tti̧tä̧ Abía ji̧na̧'a̧ ja̧'wa̧ta̧nü̧ Abía i̧tti̧mä̧ Asá ji̧na̧'a̧. 8Ja̧'wa̧ta̧nü̧ Asá i̧tti̧mä̧ Josofat ji̧na̧'a̧ ja̧'wa̧ta̧nü̧ Josofat i̧tti̧tä̧ Joram ji̧na̧'a̧ ja̧'wa̧ta̧nü̧ Joram i̧tti̧mä̧ Ozías ji̧na̧'a̧. 9Ja̧'wa̧ta̧nü̧ Ozías i̧tti̧mä̧ Jotam ji̧na̧'a̧, Jotam i̧tti̧tä̧ Acaz ji̧na̧'a̧ ja̧'wa̧ta̧nü̧ Acaz i̧tti̧mä̧ Ezequía ji̧na̧'a̧. 10Ja̧'wa̧ta̧nü̧ Ezequía i̧tti̧mä̧ Manasés ji̧na̧'a̧, Manasés i̧tti̧tä̧ Amón ji̧na̧'a̧ ja̧'wa̧ta̧nü̧ Amón i̧tti̧mä̧ Josía ji̧na̧'a̧. 11Ja̧'wa̧ta̧nü̧ Jeconía'i̧nä̧, ü̧jä̧wa̧tü̧'i̧nä̧ Josía i̧tti̧mü̧ ji̧na̧'a̧, Babironia-ra̧'a̧ rä'epü ttikuinü̧ pä̧nä̧. 12Babironia-ra̧'a̧ rä'epü ttikuinü̧ o'ka'amä̧, Jeconía i̧tti̧mä̧ Salatiel ji̧na̧'a̧ ja̧'wa̧ta̧nü̧ Salatiel i̧tti̧tä̧ Zorobabel ji̧na̧'a̧. 13Ja̧'wa̧ta̧nü̧ Zorobabel i̧tti̧mä̧ Abihud ji̧na̧'a̧, Abihud i̧tti̧tä̧ Eliaquim ji̧na̧'a̧ ja̧'wa̧ta̧nü̧ Eliaquim i̧tti̧mä̧ Azor ji̧na̧'a̧. 14Ja̧'wa̧ta̧nü̧ Azor i̧tti̧mä̧ Sadoc ji̧na̧'a̧, Sadoc i̧tti̧tä̧ Aquim ji̧na̧'a̧ ja̧'wa̧ta̧nü̧ Aquim i̧tti̧mä̧ Eliu ji̧na̧'a̧. 15Ja̧'wa̧ta̧nü̧ Eliu i̧tti̧mä̧ Eleazar ji̧na̧'a̧, Eleazar i̧tti̧tä̧ Matán ji̧na̧'a̧ ja̧'wa̧ta̧nü̧ Matán i̧tti̧mä̧ Jaco ji̧na̧'a̧. 16Ja̧'wa̧ta̧nü̧ Jaco i̧tti̧mä̧ María kkirekuo pinü̧, José ji̧na̧'a̧, juäjuttutä uwäpächinü̧ Crito pä'ü mi̧kua̧mä̧.
17Ja̧'wa̧nü̧ ja̧'a̧ttü̧, ttä'ottü ttawaruwä o'katoi'ünä̧mä̧, catoce-nü̧ jo̧mȩnä̧ ja̧'a̧, Abraha̧-ttü̧ kkä̧mä̧dü̧ Dawi-bümä̧; ja̧'wa̧ta̧nü̧ Dawi-ttü kkä̧mä̧dü̧, irae ttü̧ja̧rü̧ Babironia-ra̧'a̧ rä'epü ttikuino̧mȩbü päi'ünä̧mä̧, catoce-nü̧ jo̧mȩnä̧ ja̧'a̧; ja̧'wa̧ta̧nü̧ Babironia-ra̧'a̧ rä'epü ttikuinomȩttü̧ kkä̧mä̧dü̧, Crito-bümä̧, catoce-nü̧ jo̧mȩnä̧ ja̧'a̧.
Jesucrito uwäpächinü̧ wȩnȩ
(Lc 2.1-7)
18Jesucrito uwäpächäkuȩmä̧ pa̧'a̧nü̧ ji̧na̧'a̧: Ja̧ju̧ María-mä̧, José ü̧ja̧ pä'ü jä'epü u̧ju̧nä̧kua̧ kkü̧ja̧'a̧; ji̧nä̧ ppättächi'äkua'a ä'kanä̧, Epíritu Sa̧tu̧ a̧'kua̧ iweyenä̧ muchaju juojäja'atä ji̧na̧'a̧. 19María kki̧'kȩrä̧ya̧ José-mä̧, suronä̧ jȩpo̧kü̧ pä'ijü ja̧'a̧, ttü̧ja̧ ttä'ka jo̧mȩttü̧ juäjuru surojuo'epü jui'ü, yä̧wä̧i̧nä̧tä̧ kädi'aju pä'inü̧. 20Ja̧'wa̧nü̧ jȩa̧ pä'ü amükuädä'cha'a, ä'a'a jakuänä̧ Jä'o Dio wȩ'ä̧wa̧ á̧gȩ u̧'kuo̧ti̧nä̧ i̧jȩku̧ päinä̧ku̧: Uku Dawi i̧tti̧ José-mä̧, yekuekuoka'a María-rü kuirekua päi'ünä̧ ȩmi̧; jua'a muchaju juojäja'amä̧ Epíritu Sa̧tu̧ a̧'kua̧ iweye ja̧'a̧. 21Juäju María-mä̧, kki̧tti̧ uborü kkuwäbekuäkuaju, jua̧u̧ i̧mi̧mä̧ Jesú pä'ü okuarüjä̧, jua'amä̧ awaruwärü suronä̧ jȩttä̧'i̧jü̧ttü̧ rä'epü i̧kuä̧kua̧ ja̧'a̧ttü̧. 22Ja̧'wa̧nü̧ ja̧'a̧ttü̧, pi̧yȩ o'kajuiyünä̧ 'kuäopinü̧mä̧, profeta-nä̧, Jä'o Dio, pa̧'a̧nü̧ ukuokuinü̧tä̧ 'kuäopina̧'a̧:
23«Topiwä, isaju yajute uborü jerupaju,
muchaju juo'ü, kki̧tti̧rü̧ kkuwäbekuäkuaju,
Jua̧u̧mä̧ Emanuel pä'ü o̧ttä̧kua̧»
(Ja̧'wa̧nü̧ pä'ümä̧: «Dio-mä̧ ujututäku kkü̧» pä'ü päwä). 24Ja̧'wa̧nü̧ ja̧'a̧, José-mä̧, porächi'ümä̧, Jä'o Dio wȩ'ä̧wa̧ á̧gȩ weäjita'anü̧ María-rü irekua päi'ünä̧ ȩmi̧nü̧. 25Ja̧'wa̧nü̧ ja̧'a̧nä̧, kki̧tti̧rü̧ kuwäbekuomebü päi'ünä̧, irekua jü̧nä̧mä̧ ä'okokua pinä̧ju̧; ja̧'wa̧ta̧nü̧ jua̧u̧ kki̧tti̧rü̧mä̧ Jesú pä'ü o'inü̧, José-mä̧.
© Sociedades Biblicas Unidas en Venezuela