KECHENG 36
36
Iso Aso-asu
(1 Phur 1.34-37)
1Iso aso-asu lahei helo, Edom puta pu. 2Iso Kanaan a-arloso aphan enlo: Adah, Hitti aso Elon asopi; Oholibamah, Hivi aso Zibeon asopi Anah#Ibri penke asopi mate asupimar asopilo;#Kech 26.34 3lapen Basemath, Ishmael asopi lapen Nebaioth angjir,#Kech 28.9 4Adah ke Eliphaz aphan mahangpathek-lo; Basemath ke Reuel aphan mahangpathek-lo; 5lapen Oholibamah ke Jeush, Jalam lapen Korah aphan mahangpathek-lo. Lahei a-osomar atum Kanaan adet si Iso aphan mahangthek pilo.
6Anke Iso apiso atum aphan, asopomar, asopimar lapen ahem kedo-an arat aphan pon si, lapen Kanaan adet along kepangreng api an lapen la kechepahemphu amar an penpen ponlo, lapen amu Jakob pen akaprek adet damjuilo. 7Alangli ke-obub atheke la aphan lapen Jakob aphan dorphlup kalidet: latum kepangreng api ongpik lapen dorappet un-e det-lo. 8Lasi Iso ke Edom anglong akeng-ri si dodamlo.
9Iso aso-asu lahei helo, Edom asor aphusar atumlo. 10Iso asomar atum amen lahei helo: Eliphaz ke Iso apiso Adah pen asolo. Reuel ke Iso apiso Basemath pen asolo. 11Eliphaz asomar atum ke Teman, Omar, Jepho, Gatam, lapen Kenaz. 12(Timna ke Iso asopo Eliphaz ke-enpangtar apisolo; Eliphaz aphan bangpi Amalek amahang pathekpilo.) Iso apiso Adah asomar lahei helo. 13Reuel asomar ke lahei helo: Nahath, Zerah, Shammah lapen Mizzah. Iso apiso Basemath asomar lahei helo. 14Iso apiso Oholibamah, Zibeon asopo Anah asopilo, bangpi laphan bangkethom pinso a-oso mahang pathekpilo: Jeush, Jalam, lapen Korah.
15Iso aso-asu pen khei keplang lahei helo. Iso aso-akleng Eliphaz ke lahei atum aphusarlo: Teman, Omar, Jepho, Kenaz, 16Korah, Gatam, lapen Amalek. Lahei ke Iso apiso Adah pen ajok aso-asulo.
17Iso asopo Reuel lahei akhei atum aphusarlo: Nahath, Zerah, Shammah, lapen Mizzah. Lahei kedo-an ke Iso apiso Basemath pen keplang aso-asulo.
18Lahei akhei atum ke Iso apiso Oholibamah, labangpi Anah asopilo, lapen ajok amahang kethek atumlo: Jeush, Jalam, lapen Korah. 19Lahei kedo-an akhei Iso pensi keplang-lo.
Seir Aso-asu
(1 Phur 1.38-42)
20Hori akhei Seir asopomar atum lahei helo, det angbong kedo atumlo; Lotan, Shoba, Zibeon, Anah, 21Dishon, Ezer, lapen Dishon; lahei ke Hori akhei arong asar-atumlo, Edom adet Seir asomar. 22Lotan ke Hori lapen Heman aro aphusarlo. (Lotan angjir inut do, amen Timna.)
23Shobal ke Alvan Manahath, Ebal, Shepho, lapen Onam aro-heihei aphusarlo.
24Zibeon asomar banghini do, Aiah lapen Anah Laso a-Anah helo apo agadha kepachopan ahut kejejangtang ajo langkar-om kethek-long abang-lo. 25Anah ke Dishon apolo, lapen Dishon ke Hemdan, Eshban, Ithran lapen Cheran aro akur-asarlo. 26Anah asopi inut do, amen Oholibamah pu helo. 27Ezer asomar lahei helo: Bilhan, Zaavan, lapen Akan. 28Dishan asomar lahei helo: Uz lapen Aran. 29Hori akhei ajalin atum lahei helo: Lotan, Shobal, Zibeon, Anah, 30Dishon, Ezer, lapen Dishan; lahei atum ke Hori akhei ajalin atum, Seir adet kedo aro ateng-lo.
Edom Arecho Atum
(1 Phur 1.43-54)
31Israel aso aphuthak kepangri aphrang Edom adet kepangri arecho atum lahei helo. 32Beor asopo Bela si Edom adet pangrilo, la arongsopi amen ke Dinhabah. 33Bela thilot-lo, la alar Bozrah asor Zerah asopo Jobap si pangrilo. 34Jobap thilot aphi, la alar Teman asor Husham si pangrilo. 35Husham thilot aphi, la alar Moab adet along Midianan atum aphan keparem abang, Bedad asopo Hadad si pangrilo, la arongsopi amen ke Avith. 36Hadad thilot aphi, la alar Masrekah pen Samlah si pangrilo. 37Samlah thilot aphi, la alar Euphratis angkang Rehoboth pen Shaul si pangrilo. 38Shaul thilot aphi, la alar Akhbor asopo Baalhanan si pangrilo, la arongsopi amen ke Pau; 39(la apiso amen ke Mehetabel, bangpi ke Matred asopi, lapen Mez Ahab asupilo).
40Iso ke lahei Edom asor akhei atum aphusarlo: Timna, Alvah, Jetheth, 41Oholibamah, Elah, Pinon, 42Kenaz, Teman, Mibzar, 43Magdiel, lapen Iram; lahei akhei atum kedo adim akhei amen ateng si che-irlo.
Karbi Holy Bible © Bible Society of India, 2010.
Used by permission. All rights reserved worldwide.