Popular Bible Verses from Iovani 2

Share

Te meꞌe aŋa nei e Ietū ꞌi Kānā o Karirea he mana raꞌe aŋa e ia. Pē ira i takeꞌa ai i tōꞌona nui-nui ꞌe he haka moe rō ꞌai tāꞌana nuꞌu hāpī i te manaꞌu ꞌi ruŋa i a ia.

He pāhono e Ietū: —E nua, ¿he aha koe e kī mai ena i te meꞌe ena? Kai tano ꞌana, paꞌi, tōꞌoku hora.

He kī e Ietū ki tū ŋā tāvini era: «Ka haꞌaꞌī te ŋā pāria ena hai vai». He haꞌaꞌī e tū nuꞌu era ki te ꞌī. He kī haka ꞌou e Ietū: «Hora ena ka ꞌu-ꞌutu e tahi ꞌapa ꞌai ka maꞌu rō ki te taŋata ꞌāꞌana te ŋoŋoro i aŋa». Pē ira i aŋa ai.

He pāhono e Ietū: —Ka haka marere rā te kona nei, ꞌe e toru nō mahana ko haka tuꞌu haka ꞌou ꞌā e au.

I takeꞌa era e Ietū, he toꞌo mai i te taura, he haka pā mo ꞌuaka, ꞌai ka tū-tute tahi i tū nuꞌu era mai roto koia ko te rāua puaꞌa ꞌe ko te rāua māmoe. He haka marere tahi e Ietū i te tara ꞌaurī o te nuꞌu taui moni koia ko huri-huri i te ꞌamuramaꞌa. ꞌE ki te nuꞌu hoꞌo manu i kī ai: «¡Ka toꞌo te meꞌe ena mai nei! ¡ꞌIna ko haꞌariro te kona haꞌamuri ki tōꞌoku Matuꞌa he kona hoꞌo meꞌe o kōrua!».