Popular Bible Verses from Iovani 3

Share

»ꞌI te haŋa rahi o te ꞌAtua ki te taŋata taꞌatoꞌa o te ao, he vaꞌai i tāꞌana Poki mau nō era e tahi mo mate, ꞌe nuꞌu nō era mo haka moe i te manaꞌu ꞌi ruŋa, e ko haka tapa e te ꞌAtua mai muri i a ia ꞌe e ko haka ūtuꞌa; he vaꞌai i te ora ꞌāpī ꞌina he hopeꞌa raꞌa.

Te ꞌAtua ꞌina kai uŋa i tāꞌana Poki ki te ao mo haka ūtuꞌa i te taŋata; i uŋa ai mo haka eꞌa i a rāua mai roto i te ūtuꞌa o te hara ꞌe mo vaꞌai i te ora ꞌāpī ꞌina he hopeꞌa raꞌa.

He pāhono e Ietū: —ꞌĪ a au he kī atu: te taŋata mo taꞌe poreko haka ꞌou, ꞌina e ko oꞌo ki roto i te ⌊haka tere iŋa ꞌāpī o te ꞌAtua⌋.

»Te taŋata haka moe i tōꞌona manaꞌu ꞌi ruŋa i te Poki o te ꞌAtua e ko haka ūtuꞌa; ꞌe te taŋata taꞌe haka moe i te manaꞌu ꞌi ruŋa i a ia ko ai era ꞌana te ūtuꞌa mōꞌona ꞌo te taꞌe haka moe i te manaꞌu ꞌi ruŋa i te Poki mau nō era e tahi o te ꞌAtua.

Te ꞌAtua ka haka ūtuꞌa ena i te taŋata ꞌo te meꞌe nei: i oho mai era te mōrī ki te ao, ꞌina kai haŋa e te taŋata. Te meꞌe i haŋa he pōhāhā, taꞌe he māꞌeha, ꞌo te ai te rāua meꞌe aŋa he meꞌe taꞌe tano.

He pūai he oho a ia ꞌe he ŋaro he oho a au.

Te nuꞌu taꞌatoꞌa aŋa i te meꞌe taꞌe tano, meꞌe taꞌe haŋa o rāua he mōrī, ꞌe ꞌina he haka hāhine a muri ꞌo maꞌurima te rāua meꞌe aŋa.

Te kope haka moe i te manaꞌu ꞌi ruŋa i te Poki o te ꞌAtua he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a ia e ko ravaꞌa i rā ora; te meꞌe mo ravaꞌa he ūtuꞌa ꞌina he hopeꞌa raꞌa.

Pa he haka tuꞌu iŋa e ⌊Mōtē⌋ i te pou ꞌi ruŋa te kōreha ꞌi te kona ꞌone taꞌe noho taŋata, pē ira takoꞌa ꞌana ka haka tuꞌu ena i te tātaurō ꞌi ruŋa te Poki o te taŋata

»E haŋa rahi rō ꞌana te Matuꞌa ki tāꞌana Poki, ꞌe ko vaꞌai ꞌana ki a ia i te parau o te meꞌe taꞌatoꞌa.