Yupik Audio Bible (Non-Drama)

<div class="version vid1390 iso6393esu" data-vid="1390" data-iso6393="esu">
 <div class="book bkGEN">
 <div class="chapter ch15" data-usfm="GEN.15">
 <div class="label">15</div><div class="s1">Agayutem Akqut'liallra Abram-aaq Pillgutekluku</div><div class="p"> 1Taum kinguakun Abram-aaq cam alairvikellrua (tangerrluni camek) niilluku-llu Ataneq qanelria ellminun, &#8220;Alingenrilu, Abram. Aarnarqelriamek capkuciumaciqamken nunulirarkauluten-llu angelriamek.&#8221;</div><div class="p"> 2Tau&#865;gaam Abram-aaq kiuguq, &#8220;Ataneq Agayun nunuliuten-mi wangnun cauciqa irniarunii? Eliezer-aaq kiingan Damascus-aarmiu kinguverkaqluku. 3Yugkamnek nakmiin cikiqsaitarpenga, pistem&#772;a-llu tau&#865;gaam iliita aklunka paitaqciqai.&#8221;</div><div class="p"> 4Ataam-llu Ataneq qanertelluku ellminun niitaa: &#8220;Pistem&#772;un Eliezer-aamun tukuuteten kinguvarngaitut; elpet nakmiin qetunraan kinguvanertaqciqan.&#8221; 5Atanrem ellamun anutaa qanerluni-llu, &#8220;Qilak pagna kiaresgu, naaqluki-llu agyat piyugngakuvki. Tuaten amllertalrianek kinguvengqerciquten.&#8221;</div><div class="p"> 6Abram-aam ukvekaa Agayun. Tuaten-llu pillra pitekluku Atanrem ilukegcitkaa ciuniurluku-llu.</div><div class="p"> 7Tua-llu Atanrem qanrutaa, &#8220;Wiinga Atanruunga anutestellren ciuliqaggluten Ur-amek Babylonia-mi cikirnaluten mat'umek nunamek pikarpenek.&#8221;</div><div class="p"> 8Tau&#865;gaam Abram-aam aptaa, &#8220;Ataneq Agayun, qaillun-mi wiinga nallunriciiqsia piksagutarkaucia mat'um nunam?&#8221;</div><div class="p"> 9Kiugaa, &#8220;Taiskina kuluvagmek, qusngim angucaluanek, qusngirngalngurmek-llu, tamarmeng allrakungelrianek pingayunek, yaquliyagaagnek-llu malrugnek.&#8221; 10Abram-aam-llu taukut tamalkuita taitai Agayutmun. Qupraarluki-llu ellii akiqliqaqluki, yaqulgek tau&#865;gaam qupevkenakek. 11Yaqulget-llu tuqumalrianek tau&#865;gaam nertulit mit'ut taukut ungungssit nuniitnun, tau&#865;gaam Abram-aam alingcira'arluki ayagcetai.</div><div class="p"> 12Akerta-llu teviryartullrani Abram-aaq qavartuq mamtulriamek; alingem-llu tull'uku. 13Atanrem-llu Abram-aaq qanrutaa, &#8220;Pinritevkenateng kinguveten allanruciqut nunakenrilkem&#772;eggni, teguaruluteng, nangcimaluteng-llu allrakuni yuinaat yuinaat (400) aturluki. 14Tau&#865;gaam anucimirqecetaarciqaqa atanruvik teguaruviat, tamatum-llu kinguakun tamaaken anciqut tukuutnek amlleqapigtellrianek ang'aqluteng. 15Elpet-llu tuquciquten uitanqegciluten; qunguumaciquten ak'allak'acagaurrluten. 16Yugpet kinguvallrita cetamaingit maavet uterciiqut; Amorite-at anevkarngailamki maaken anagutengkata tau&#865;gaam assiilngillermegteggun.&#8221;</div><div class="p"> 17Akerta tevirraartelluku tan'gerian aruvilria kenilleq keneq-llu qukaatgun sagingalriit ungungssit temaita ayagtuq. 18Taum nalliini Ataneq akqut'liuq Abram-aaq aipaqluku qanerluni, &#8220;Kinguverpenun man'a nuna cikiutekciqaqa Egypt-aamek ayagluku Kuik Euphrates engelekluku, 19nuniit ilakluku Kenite-at, Kenizzite-at, Kadmonite-at, 20Hittite-at, Perizzite-at, Rephaim-aat, 21Amorite-at, Canaanite-at, Girgashite-at Jebusite-at-llu.&#8221;</div>
 </div>
 </div>
</div>

Taum kinguakun Abram-aaq cam alairvikellrua (tangerrluni camek) niilluku-llu ATANEQ qanelria ellminun, “Alingenrilu, Abram. Aarnarqelriamek capkuciumaciqamken nunulirarkauluten-llu angelriamek.”
Tau͡gaam Abram-aaq kiuguq, “ATANEQ Agayun nunuliuten-mi wangnun cauciqa irniarunii? Eliezer-aaq kiingan Damascus-aarmiu kinguverkaqluku. Yugkamnek nakmiin cikiqsaitarpenga, pistem̄a-llu tau͡gaam iliita aklunka paitaqciqai.”
Ataam-llu ATANEQ qanertelluku ellminun niitaa: “Pistem̄un Eliezer-aamun tukuuteten kinguvarngaitut; elpet nakmiin qetunraan kinguvanertaqciqan.” ATANREM ellamun anutaa qanerluni-llu, “Qilak pagna kiaresgu, naaqluki-llu agyat piyugngakuvki. Tuaten amllertalrianek kinguvengqerciquten.”
Abram-aam ukvekaa Agayun. Tuaten-llu pillra pitekluku ATANREM ilukegcitkaa ciuniurluku-llu.
Tua-llu ATANREM qanrutaa, “Wiinga ATANRUUNGA anutestellren ciuliqaggluten Ur-amek Babylonia-mi cikirnaluten mat'umek nunamek pikarpenek.”
Tau͡gaam Abram-aam aptaa, “ATANEQ Agayun, qaillun-mi wiinga nallunriciiqsia piksagutarkaucia mat'um nunam?”
Kiugaa, “Taiskina kuluvagmek, qusngim angucaluanek, qusngirngalngurmek-llu, tamarmeng allrakungelrianek pingayunek, yaquliyagaagnek-llu malrugnek.” Abram-aam-llu taukut tamalkuita taitai Agayutmun. Qupraarluki-llu ellii akiqliqaqluki, yaqulgek tau͡gaam qupevkenakek. Yaqulget-llu tuqumalrianek tau͡gaam nertulit mit'ut taukut ungungssit nuniitnun, tau͡gaam Abram-aam alingcira'arluki ayagcetai.
Akerta-llu teviryartullrani Abram-aaq qavartuq mamtulriamek; alingem-llu tull'uku. ATANREM-llu Abram-aaq qanrutaa, “Pinritevkenateng kinguveten allanruciqut nunakenrilkem̄eggni, teguaruluteng, nangcimaluteng-llu allrakuni yuinaat yuinaat (400) aturluki. Tau͡gaam anucimirqecetaarciqaqa atanruvik teguaruviat, tamatum-llu kinguakun tamaaken anciqut tukuutnek amlleqapigtellrianek ang'aqluteng. Elpet-llu tuquciquten uitanqegciluten; qunguumaciquten ak'allak'acagaurrluten. Yugpet kinguvallrita cetamaingit maavet uterciiqut; Amorite-at anevkarngailamki maaken anagutengkata tau͡gaam assiilngillermegteggun.”
Akerta tevirraartelluku tan'gerian aruvilria kenilleq keneq-llu qukaatgun sagingalriit ungungssit temaita ayagtuq. Taum nalliini ATANEQ akqut'liuq Abram-aaq aipaqluku qanerluni, “Kinguverpenun man'a nuna cikiutekciqaqa Egypt-aamek ayagluku Kuik Euphrates engelekluku, nuniit ilakluku Kenite-at, Kenizzite-at, Kadmonite-at, Hittite-at, Perizzite-at, Rephaim-aat, Amorite-at, Canaanite-at, Girgashite-at Jebusite-at-llu.”

ស្ដាប់នូវ Genesis 15