Gurage Chaha -1982 BSE (NT) Drama

ኢየሱስ ደብረዘይት ቈቶ ወጣም። በመረጋታም ቅረረ ጋ ቲብር ቤተመቅደስ ተዠፐረም ቸነም፤ ሰብ እንም የትኼ ቸነቦም ባት ተደመዶም፤ ኢየሱስም ቾናም ያትመኖዌ ቀነሰም።
የጫ አስተማሪም የፈሪሳ ሰብም ተሟኒም ምስ ጋ ጅር ትደምድ የጠወጭያ አት ምሽት የትኼ አቸነቦያም ታነ በሰብ ግብት አቈመቦያም። የኢየሱስ «አስተማሪዮ ዝኽ ምሽት ተምስ ተገተረችም ትትባልግ ጠወጭያም። ዝካ ቃር ይቾት ሰብ ብምር ወኴም ይሞቴ ሙሴ በጫንዳ አዘዘንደም፤ አኸኽ ምር ትብር?» ባረዊም። ኽኖም ዝኽ የትሳረዊ የት ይስሰውዬ ቲሰቦ በዝ ዘንጋ ይጠብጠውዬ ባሮም ታነው፤ ኢየሱስ ጭን ተግረፖም ባቴበታ ባፈር ወጣፍ ቀነሰም።
ኧዃም ቢትሰረዊ ተረምታነ «ታኹ ግብት ባጢር አንቾተ ሰብ የብደርም እምር በታ የደንግር» ባረኖም። ኧዃም ተግረፓም ባፈር ጣፈም። ኽኖም ዝኽ በሰሞ ግዝየ ተባሪቅ ቀነሶም አት ባት እንመና ተዛኼ ወጦም ወሮም፤ የኽየኸሬ ቢፍተቴ ተቈመች ምሽትታም ኢየሱስም ባንኸሬ እንጐድ ሰብ አነፐረ።
ኢየሱስ ተረም የምሽትታ «ምሽቶ የሰሶ ሰብ ኤቴ ወሮም? ባ የፈንደ እማትም ሰብ ኤነዌ?» ባረናም።
«ታኖ እማትም ሰብ ኤነ» ቧረቸንም።
ኢየሱስም «እያም አንፈርድብ፤ ቦኼ ቃር ዌ፤ የዄተነ ባጢር እንቾት» ባረናም።]

ኢየሱስ የሰብ ዠፐረም ዝካ ባረኖም፤ «እያ የሰብ እንም ጬትን፤ ይያ ይትተሬ እንም ኧያም ያሜ ጬት ይረውንቴ፤ ስርም በጠነማም ኤረብር» ባረኖም።
የፈሪሳ ሰብ «አኸ የገጋኸ ቃር ቱድ፤ ትዝረንምታ ውረምቃር አንኸረ» ባረዊም።
ኢየሱስም ዝካ ባረኖም፤ «እያ የገገና ቃር ብኑድም እያ ቴቴ የቸነም ኤቴም አርኸማ ኧር የኸሬ ኦድ ቃር የታመረው፤ አኹ ጭን እያ ቴቴ የቸነም ኤቴም አር ኸማ አትሮ። አኹ የሰብ አሳብ ኸማ ትፈርዶ፤ እያ በሟኒም ሰብ አንፈርድ። ብንፈርድም ፍርደና ጥየው፤ እያ ትንፈርድ ይማተና አንኸር፤ የራኼ አባና ትያ ጋው። የዄት ሰብ ምስክር ቃር ይታመር ኸማ በጫኹ ተጣፈም። እያ የገገና ምስክርን፤ የራኼም አብ ይያ ምስክረናው» ባረም።
«አባኸ ኤቴ ነረ?» ባሮም ተሳረዊም።
ኢየሱስም «አኹ ይያም አትሮን የኸሬ አባናም አትረዊ፤ እያ ተኻርኹን አባናም ትኻረዊ ባነ» ባረኖም።
ኢየሱስ ዝኽ ቃር የዝረ በቤተመቅደስ ዋጋ ቢያወረ ሳጢን ሬ ቲያትመሩ፤ ይሞትወ ግዝየታ ገና አንሰና የኸሬ ሟኒም ሰብ አንጠወጠን።

ኢየሱስ ዠፐረም «እያ አርቴ፤ አኹም ትሰቦንቴ፤ ቢኸርም ጭን ተባጢርማኹ ትሞቶቴ ባንኸሬ እያም አርወ መደር ትቸኖዌ ኤኸንኹ» ባረኖም።
የይኹዳ ሰብ ዳነ «እያ አርወ መደር አኹ ትቸኖዌ ኤኸንኹ ወበረታ የገገታ ይቀጥሬ ይኽርሸዌ?» ተቤበሮም።
ኧዃም ኢየሱስ «አኹ ቶስጤንኹ እያ ተሬን፤ አኹ ተዝኽ አለምንኹ፤ እያ ተዝኽ አለም አንኸር፤ እያም ሟን የኸር ኸማ ኼትኹ ባታምሮ ተባጢራኹ ትሞቶ የኸሬ ተባጢርማኹ ትሞቶቴ የባኩ የኹ» ባረኖም። «አኸ ሟንኸተ?» ባረዊም።
ኢየሱስም «ቲፍትወረር ቀነስም ዮድኩ እያትን። ያኹ ቃር ኦዴም ኧፈርዴ ብዘ ቃር ነሬ፤ ቢኸርም የራኼታ የታመረው፤ እያም እማት ተት የሰማን የሰብ እንም ኡድ» ባረኖም።
ኽኖ ጭን ት የአብ ቃር የዝረኖ ኸማ አምቤሰሮ። በኽ የቸነ ኢየሱስ «የሰብ ኧርች ነሳኹም በሰቀርኹዊ ግዝየ የረፐርም ኧረብርምኸማ ትሮንቴ፤ አብ ይያ ያትመሬ ቃር ኦድ ባንኸሬ በገገና ፍቃድ አት ዘንጋ አንቾት ኸማ ኽም ጋ ትኻሮሸ። የራኼምታ ትያ ጋው፤ እያ እንም ጋ ኧቾትን ቃር የት ይሽን ቃር የኸሬ እማተና አንቼ» ባረኖም።
ት ዝኽ ቲብር ታነ ብዘ ሰብ በት አመሮም።

ኢየሱስ በት ያመሮ የይኹዳ ሰብ «አኹ ብኑድኹ ቃር ታዘዝኹም ብትረብሮ በውረም ተማሪየናንኹ፤ ውረም የኸረ ትሮቴ፤ ውረም ነጣ ያወጣኹቴ» ባረኖም።
ኽኖም «ይና የአብርኻም ዘርንደ፤ ስርም ይማት ሰብ ባርያ ኺትነ አንነ፤ ‹ነጣ ትወጦቴ› መምር ትብርንደ?» ባረዊም።
ኢየሱስም ዝካ ባረኖም፤ «የውረመና ኧብርኹ ባጢር ይቾት እንም የባጢር ባርያው። ባርያ እንም ጋ በታታ ቤት ኤረብር፤ ኧርች ጭን የዘላለም ባባታ ቤት ይረብር። የኽ የኸሬ ኧርች ነጣ ባወጣናኹ በውረም ነጣ ትወጦቴ። የአብርኻም ዘር የኸርኹ ኸማ እያም ኧር፤ ቢኸርም ቃረና አትፐሮ የኸሬ ትቀጥሮኔ ትሰቦ። እያ ባባኔ ያሽ ቃር ኡድ፤ አኹ ጭን ታባኹ የሰማኹዊ ቃር ታመሮ» ባረኖም።
ኽኖም «አባንዳ አብርኻሙ» ባረዊም።
ኢየሱስም «የአብርኻም ዴን ተኸርኹ አብርኻም የቾተ ቃር ትቶቶ ባነ። እያ ቲእግዘሬ የሰማን ውረም ቃር ኦድኩም፤ አኹ ጭን ትቀጥሮኔ ትሰቦ፤ አብርኻም ዝካ አንቾተ። አኹ ትቾተበዊ ያነ ያባኹ ሜናው» ባረኖም።
ኽኖም «ይና እንጨረቤ አንኸነ፤ እማት አብ ነረንደ፤ ትም እግዘሩ» ባረዊም።
ኢየሱስ ዝካ ባረኖም፤ «እግዘር አባኹ ተኸረ ይያም ትርመዶን ባነ፤ እያ በዝ ያነ፤ ቲእግዘሬ ቸነም፤ የቸነም ት ናኼም ታነው ባንኸሬ በገገና ፍቃድ አንቸነ። ኧብር ቃር አኹ አትቤስሮ የንቃሩ? ቃረና ስሞት አትሰቦ የኸሬዉ። አኹ ያባኹ የሼጣን ዴንንኹ፤ ያባኹም ተመኛት ትቾቶዌ ትሰቦ፤ አባኹ ቲፍትወረር ቈነሽም ደመነ ባነ፤ ውረም የኸረ ቃር በት ኤነ የኸሬ ውረም በኸረ ቃር ስርም አንቈመ፤ ት ፍጥርም የፍጥርም አባ የኸሬ ኦጀ ቲዮድ ተገገታ ን አወጣም ዩድ። እያ ጭን ውረም ቃር ኧዝረ የኸሬ አታምሮን። ብያ ባጢር ይረኽብቢ ታኹ ሟን ነረ? ኧጋ እያ ውረም ቃር ኧዝረ በኸረ የምር አታምሮን? ቲእግዘር የኸረ እግዘሩ ይብር ቃር ይሰማ፤ አኹ አትሰሞ ያነ ቲእግዘሬ አንኸርኹዌዉ» ባረኖም።

የይኹዳ ሰብም «አኸ የሰማርያ ገነ ሰብንኸ፤ ሲጣር ነረብኸ በሮተንዳ ውረም አንኸረዌ?» ባረዊም።
«እያ ሲጣር ኤነቢ፤ ቢኸርም እያ ያባና አኸብድ፤ አኹ ይያ ታትዋልዶን። እያ የገገና ክብር አንሸ፤ የኽርምታነ እያ ኧከብርኸማ ይሸ ነረ፤ ይፈርድም ትሙ። የውረመና ኧብርኹ ቃረና ይቅየታ ስርም ኤሞት» ባረኖም።
የይኹዳ ሰብም «ሲጣር ያነብኸ ኸማ ኧዃ ኻነም፤ አብርኻም ተም፤ የድረ ነቢም ቶም፤ አኸ ጭን ‹ቃረና ይቅየ ስርም ኤሞት› ትብር። ተተ አባንዳ ተአብርኻም አኸ ትርቅዌ? የድረ ነቢም ቶም፤ አኸ ገጋኸ ሟንተ ትብር?» ባረዊም።
ኢየሱስም «እያ የገገና ብናከብር ክብረና ብላሹ፤ ይያ ያከብሬ አባናው፤ ትም እግዘረንዳ ትብረዊታው። አኹ ጭን የት አትረዊ፤ እያ ኧን፤ እያም አንን ተባ ያኹም ኸማ ፍጥሮተና ባነ፤ ቢኸርም እያ የት ኧን፤ የትም ኧታዘዝ። የአባኹ የአብርኻም ተመኛት ይያ ኧዥተ ይሸኔ ባነ፤ ትም አሸም ሳረንም» ባረኖም።
የይኹዳ ሰብም «አኸ ገና አምሳ ዘበራኸ ቴኸር መምር የአብርኻም አሸንም ትብር?» ባረዊም።
ኢየሱስም «የውረመና ኧብርኹ አብርኻም ቴትጨን ይፍቴ እያ ነር» ባረኖም።
በኽ የቸነ የይኹዳ ሰብ የኢየሱስ ወኮም ይቀጥረውዬ እምር ነሶም፤ ኢየሱስ ጭን ተሰወረም ተቤተመቅደስ ወጣም ወረም።

ស្ដាប់នូវ ዮኻ. 8