The Ateso Bible

<div class="version vid436 iso6393teo" data-vid="436" data-iso6393="teo">
 <div class="book bkGEN">
 <div class="chapter ch7" data-usfm="GEN.7">
 <div class="label">7</div><div class="p"> 1 # 
 Sab 91:1-10; Bur 11:7; 1 Pet 3:20; 2 Pet 2:5,9; Age 6:9; Sab 33:18,19. Kotema EJAKAIT Noa atiar, &#8220;Koloma ijo ka ekalekon kere toma ataker, naarai adau aanyun jo idolit kakonyeneka katur kana. 2#Leb 11:1-31. Ka nolitian loelai ilemari ijo ikanykaarei ka ikanykaarei, ikiliokit ka ikeberu; ka itian lumam elaete iareiarei, ikiliokit ka ikeberu; 3ka lueporitos luka apak, ikanykaarei ka ikanykaarei, yenikiliokit ka yeniberu: tetere ejari aurikec kotoma akwap kere. 4#Yob 22:16; 2 Pet 2:5. Naarai akaulo kapaarasia akanykaarei, etetepi eo&#331; akiru kakwap apaarasia akaisao&#331;on apaaran ka akuare; ido amwatari kotoma akwap ninibore kere yenejari yenabu kasub.&#8221; 5#Age 6:22; Sab 119:6. Kiswama Noa kere kwape kicorakinia &#331;es EJAKAIT.</div><div class="p"> 6Kedaunit Noa ikar akwat akanykape nakejaunor akalele naka akipi toma akwap. 7#Mat 24:38-39; Luk 17:27; Bur 6:18. Koloma Noa, ka odweke, ka akeberu, ka a&#331;or nuka odweke nepepe ka&#331;es toma ataker, kanuka akipi nuka akalele. 8Ka itian luelaete, ka itian lumam elaete, ka lueporitos, ka ninibore kere yeneliat kokwap. 9Kolomasi iareiarei neejai Noa toma ataker, yenikiliokit ka yeniberu, kwape kicorakinia Edeke Noa. 10Kosodi ketuboros apaarasia akanykaarei, kojaas akipi nuka akalele toma akwap.</div><div class="p"> 11 # 
 2 Pet 3:6; Age 8:2; Awa 8:28; Esk 20:19; Sab 78:23; Isa 24:18; Mal 3:10. Kokaru lokakwat akanykape loka aiiar naka Noa, toma olap lokiareit, kapaaran nakitomonet kakanykaarei naka elap, kapaaran ka&#331;in kocilunos akonyen nuka ataroi nukapolok, konaaros apedon nuka akuj. 12Kotep akiru akwap apaarasia akaisao&#331;on paaran ka kuare. 13Kapaaran ka&#331;in kolomasi Noa, ka Sem, ka Kam ka Yapet, odwe luka Noa, ka aberu naka Noa, ka a&#331;or auni nuka odweke nepepe kakes, toma ataker; 14kes, ka &#331;olitian koponeke, ka ibaren kere kotoma oponekec, ka niniborc kere yeneliat kokwap toma oponeke, ka ninibore yeneporitoi toma oponeke, ka &#331;inikweny yenikejaas abebenoka. 15Kolomasi neejai Noa toma ataker, ninikuan kere naajai eiye&#331;ane loka aijar iareiarei. 16#Sab 91:1-16; 17:8; 145:20; 1 Pet 1:5. Lualomarete da, kolomasi yenikiliokit ka yeniberu yenika ninikuan kere, kwape kicorakinia &#331;es Edeke: kogolok EJAKAIT &#331;es toma,</div><div class="p"> 17Kojai akalele toma akwap apaarasia akaisao&#331;on, kiyatakinos akip, kileput ataker, kikalelo kokuju akwap. 18#Sab 104:26. Kipikosi akip, kiyatakinos noi kakwap, kijelelitoi ataker kokuju akipi. 19#Sab 104:6. Kiyatakinos akip noi airap akwap, ironan da luaojak kere luajaas kwap kakuj kere, koraparos. 20Kiyatakinos akip ikubitin itomon ka lukany kuju; koraparos ironan. 21#Age 6:13,17; Yob 22:16; Mat 24:39; Luk 17:27; 2 Pet 3:6. Kotwana akuan kere nakelosi kotoma akwap, lueporitos, ka ibaren, ka itian, ka &#331;inibore kere yeneliat kokwap, ka &#331;initu&#331;anan; 22#Age 2:7. kotwakata kere lukejaas eiye&#331;ane loka etau loka aiiar toma okumesikee, kere lukejaas toma akwap nakeonit. 23#Esk 14:14; Mal 3:17,18; Bur 11:17; 1 Pet 3:20; 2 Pet 2:5. Komwatarai &#331;inibore kere yenajari yenajai toma akwap, itu&#331;anan, ka ibaren, ka ibore yeneliat, ka lueporitos kokuju, komwatarai kakwap; kosalak Noa bon, ka kes lukejaas nepepe ka&#331;es toma ataker. 24#Age 8:3,4. Kirumata akip akwap adaun apaarasia akwatat ka akaisakany.</div>
 </div>
 </div>
</div>

Ateso Old Version Bible © United Bible Societies, 1961.

Kotema EJAKAIT Noa atiar, “Koloma ijo ka ekalekon kere toma ataker, naarai adau aanyun jo idolit kakonyeneka katur kana. Ka nolitian loelai ilemari ijo ikanykaarei ka ikanykaarei, ikiliokit ka ikeberu; ka itian lumam elaete iareiarei, ikiliokit ka ikeberu; ka lueporitos luka apak, ikanykaarei ka ikanykaarei, yenikiliokit ka yeniberu: tetere ejari aurikec kotoma akwap kere. Naarai akaulo kapaarasia akanykaarei, etetepi eoŋ akiru kakwap apaarasia akaisaoŋon apaaran ka akuare; ido amwatari kotoma akwap ninibore kere yenejari yenabu kasub.” Kiswama Noa kere kwape kicorakinia ŋes EJAKAIT.
Kedaunit Noa ikar akwat akanykape nakejaunor akalele naka akipi toma akwap. Koloma Noa, ka odweke, ka akeberu, ka aŋor nuka odweke nepepe kaŋes toma ataker, kanuka akipi nuka akalele. Ka itian luelaete, ka itian lumam elaete, ka lueporitos, ka ninibore kere yeneliat kokwap. Kolomasi iareiarei neejai Noa toma ataker, yenikiliokit ka yeniberu, kwape kicorakinia Edeke Noa. Kosodi ketuboros apaarasia akanykaarei, kojaas akipi nuka akalele toma akwap.
Kokaru lokakwat akanykape loka aiiar naka Noa, toma olap lokiareit, kapaaran nakitomonet kakanykaarei naka elap, kapaaran kaŋin kocilunos akonyen nuka ataroi nukapolok, konaaros apedon nuka akuj. Kotep akiru akwap apaarasia akaisaoŋon paaran ka kuare. Kapaaran kaŋin kolomasi Noa, ka Sem, ka Kam ka Yapet, odwe luka Noa, ka aberu naka Noa, ka aŋor auni nuka odweke nepepe kakes, toma ataker; kes, ka ŋolitian koponeke, ka ibaren kere kotoma oponekec, ka niniborc kere yeneliat kokwap toma oponeke, ka ninibore yeneporitoi toma oponeke, ka ŋinikweny yenikejaas abebenoka. Kolomasi neejai Noa toma ataker, ninikuan kere naajai eiyeŋane loka aijar iareiarei. Lualomarete da, kolomasi yenikiliokit ka yeniberu yenika ninikuan kere, kwape kicorakinia ŋes Edeke: kogolok EJAKAIT ŋes toma,
Kojai akalele toma akwap apaarasia akaisaoŋon, kiyatakinos akip, kileput ataker, kikalelo kokuju akwap. Kipikosi akip, kiyatakinos noi kakwap, kijelelitoi ataker kokuju akipi. Kiyatakinos akip noi airap akwap, ironan da luaojak kere luajaas kwap kakuj kere, koraparos. Kiyatakinos akip ikubitin itomon ka lukany kuju; koraparos ironan. Kotwana akuan kere nakelosi kotoma akwap, lueporitos, ka ibaren, ka itian, ka ŋinibore kere yeneliat kokwap, ka ŋinituŋanan; kotwakata kere lukejaas eiyeŋane loka etau loka aiiar toma okumesikee, kere lukejaas toma akwap nakeonit. Komwatarai ŋinibore kere yenajari yenajai toma akwap, ituŋanan, ka ibaren, ka ibore yeneliat, ka lueporitos kokuju, komwatarai kakwap; kosalak Noa bon, ka kes lukejaas nepepe kaŋes toma ataker. Kirumata akip akwap adaun apaarasia akwatat ka akaisakany.

ស្ដាប់នូវ Ageun 7