ខគម្ពីរពេញនិយមពី Genesis 3

ចែក​រំលែក

Arnam tangrramiu napa tangssunaqluni atsai-llu neqkarnirluteng umyuarturinarqellinian-llu, atsamek tegulluni ner'uq; uinga-llu cali cikiani nerluni.

Waniwa ciissirpak usvituyartenruqapigcami, ungungssini tamaitni Agayutem piliarini nunami, arnaq aptaa, “Agayun-qaa qanellruuq ner'arkaunritnilutek napanek tamalkuitnek naucetaarvigmelngurnek?”

Ingluksaguceciiqamtek elpet arnaq-llu, kinguverpetegnun eq'ukutellertek kinguvararkauluni; arnam kinguvran qamiqun qiurqeciqaa, elpet-llu kitngiakun kinguvra kegciqan.”

Tuamta-llu arnaq qanrutaa, “Ilaciqanka arenqialluguteten qingallerpeni, irniaqavet-llu nangteqellren. Tuaten ping'e'rpet uin aglumakelarciqan, elliin-llu atanirturciqaaten.”

Cakviurluten, kiiryugluten, caliaqeciqan nuna naugivkangnaqluku neqkarpenek uterrnatkarpenun nunamun. Nunamek piliaqumallruavet nunamun uterciiquten.”

Angutmun-llu qanertuq, “Maligtaquavgu nulian nerluten-llu atsamek neresqenritlemnek, waten piavet nuna aniqlaamaarkauguq. Cakviurluten nunam naugillrinek nerangnaq'larciquten unguvarpet taktaciatun.

Agayutem qanrutaa, “Kia matangqaniaten? Inerquuteklemnek-qaa napam atsainek ner'uten?”

Calaralirneranun-llu naucetaarviim elkarciuq cherubim-aanek ekualriamek-llu nuussirpagmek, calligtaalriamek. Ullagciigatevkarluku unguvanarqelria napa.

Adam-aam-llu nuliani aciraa Eve-amek, aanakngatgu yuut tamarmeng.