ខគម្ពីរពេញនិយមពី Luke 17

ចែក​រំលែក

Qanrutaa-llu, “Makluten ayii, ukverpet anirturaaten.”

Ernerpak-llu assiilngirvikekaten malrunlerqunek, tuaten-llu cali tamakut amllertatekluki qanlaqan umyuarnayaguciniluni, au͡g'aritarkaugan.”

Ataucim-llu, carriucini elpekngamiu utertuq, Agayun-llu nanrarluku qastuluni. Ciuqerranun-llu palurtuq quyavikluku-llu. Tauna Samaritan-aaruuq.

“Murilkici, anelguten assiilngiqan, inerqurru, umyuarnayagucikan-llu au͡g'arisgu.

Jesus-aaq tua-i qanertuq, “Qulngullruut-ggem carriutellriit, nauwa-mi taukut qulngunritaraan?

Ataneq-llu qanertuq, “Ukvengqerquvci mustard-aam naucetaarkaatun, napamun uumun qanquvci, ‘Naumallerpenek au͡g'arluten imarpigmun-llu nugtarten,’ niicaraaci.

Kia-llu imum unguvaminek nataquculriim tamarciqaa, tau͡gaam unguvaminek tamarilriim piksaguciiqaa.

Elitnaurani-llu qanrutai, “Picetaarutet taigarkauyaaqut, tau͡gaam nakleng yuk tauna picetaarutem tekiucestii! Atawauyartuq tauna miilissuutem teggalqurranek uyaqurrikun kicirluku imarpigmun-llu kit'elluku, makut piniatellriit picurlagcetevkenaki.

Noah-m-llu nalliin picillratun, tuaten cali ayuqarkauguq Yuum Qetunraan erenrani. Tamakut ner'ut merluteng-llu, nulirturluteng-llu uingluteng-llu, erneq tauna engelkarrluku Noah-m angyarpagmun ekellra, ulerpak-llu tekilluni tamakut tamalkuita perrirai.