ខគម្ពីរពេញនិយមពី Gha ta Wəshi 3

ចែក​រំលែក

Ma newe ke male ne, megela ya ta wəfea shɛ kazeme, ganyɛke hɛ kwa ntsə kezha ɗepe wəshi kwele kwele. Pa nde ndave ya ta ŋkɛ kwetɛŋe ba'a zehwe. Pa nde ndeke nda ŋa ŋkɛ ke za nta nya tagha vare, pa ŋkɛ zehwe perə.

Shishi nde se ntsehwele ma hwa pɛtɛa wəshi keseɗa nyi hwa gamba nyi pate Shala Mahwətə. Ma ke sha male: «Kaganda gezete ŋayɛ Shala kezha ɗema yɛ kazeme ya ta wəfe nyi kwa ntsa nya na?»

Kateve ghema 'ya kwelɛ gha le male, kwelɛ yɛ hwelefe ta ŋa le ŋa nta. Ghə yateŋkwape hɛ te gha, ama yitea tetərə tehale hɛ na.»

Ma ke sha male kwetere wəmbəa ŋkɛ: «Katezhɛre nza ta ŋa le hwə 'ya dzawe, katesa yaka na kezha ya ŋwale. Katekelehwe mehele ta ŋa za ŋa, ama gheŋkɛ nde tesleke ŋa.»

Nda hwələ katɛakwe yitea gha nda teŋ'we wəsə kezemea ŋa na hwa'a te və nya tezhɛne geva na kadzembe hɛɗi nya shave na mbe. Ma kwa nza ŋkɛ yitea keləwə pate geva na ne, katezhɛne geva na kadzembe keləwə.»

Ma ke Mahwətə sha Adam: «Nahe na kefate ghena ta male ta ŋa ba'a kezehwe ya ta wəfe nya fɛake ŋa 'ya kezeme. Se te beze ghena ta ŋa ne, nahe hɛɗi kebezlamte geva tsetsenya. Kwele kwele tesa yaka na kezha ŋ'we wəsə kezemea ŋa shave mbe kala nza ta hɛa ŋa teghweme.

Ma ke Shala shɛ: «Wa nde ncɛte ŋa mederelaŋe na wa? Gha zehwe ya ta wəfe nya fɛake ŋa 'ya kezeme na?»

Ma kwa ŋkamte ŋkɛ ŋkɛ same kwa ne, pa ŋkɛ veyi ka shɛrəbɛŋe laka ŋkwa kesame ta veci yitea ntsa ta Ɛdɛn. Kafayɛ nya ghyana kala ghɛnia ghwə ya yitea dzeve va hɛ kaya hweŋkwa ta wəfe ta mpi.

Pa Adam hekate nda slə kaƐve ke male ta ŋkɛ, geze ta ŋkɛ, Kwa teghweme, kwa nza nde ghenta ya kameghekɛa pɛtɛa mbeli nyi teghweme.