ខគម្ពីរពេញនិយមពី YOHANIS 3

ចែក​រំលែក

Tu' nosianan no kopio o Kinorohingan do tulun do hiti'd pomogunan, gisom do pinatahak dau i Tanak dau dit iso-iso', om pointikid-tikid do tulun di monongkuyaan dau om amu' no apatai, suwai ko' kaanu do koposion dit otopot kopio om i poingompus.

Tu' kinoporikatan nopod Kinorohingan di Tanak dau om okon i' ko' mongoi pomohukum diti pomogunan, suwai ko' mongoi pamasi.

Om boros ka di Yesus do suminimbar, “Ponongkuyaai no, dot aiso' i' o tiso'd tulun do kokito di Pomorintaan do Kinorohingan, dot a' po iyau apaganak kawagu,” ka dau.

Iri nopo tulun di monongkuyaan dau om a' no ohukuman. Nga' iri nopondo tulun dit a' monongkuyaan, om nohukuman nod Kinorohingan, tu' a' i' iyau monongkuyaan di Tanak do Kinorohingan dit iso-iso'.

Om iti nondo o kopomohukuman dau do tulun. Nokorikot no i tanawau do hiti'd pomogunan, nga' orohian nogi' o tulun do totuong ko' mantad di tanawau, tu' araat i' i pingwonsoyon diyolo'.

Om iyau no ot apatut do gumumu' o tulun do tumanud, om kumuri' piya'ndo tulun do tumanud doho',” ka dau.

Pointikid-tikid do tulun dit araat o wonsoyon, om araatan no di tanawau, om a' iyau orohian do rumikot do hiri'd tanawau, tu' mada' i' iyau dot okito i wonsoyon dau dot araat.

Om iri nopondo tulun di monongkuyaan di Tanak diri om kaanu no do koposion dit otopot kopio om i poingompus. Nga' iri nopondo tulun dit a' mumboyo' di Tanak diri om a' no kaanu do koposion. Om hukuman no iyau'd Kinorohingan do gisom do poingompus.

Om poingkuro nopo i Musa do pinopoinsawat di tulanut do tambaga' di pinorilit do kayu di pinoodsuk do hilo'd tana' do kowotuan, om iyo nogindoddi o Tanak do Tulun do poinsawaton.

Osianan i' i Tapa' di Tanak dau om pinatahak ngai' dau i kuasa' dau dot id Tanak dau'ddi.