ខគម្ពីរពេញនិយមពី Luka 12

ចែក​រំលែក

Sǝ wun gbal ka, wu do nǝ kur-rǝu, acemǝnana Muna mala Ɓwa nǝ̀ yiu a bu-pwari mǝnana wu tsǝk ɓalǝu ama nǝ̀ yiu nǝi raka.

Wu alta Domurǝm mala Ɓakuli a dǝmbǝa nǝ ko man ngga, sǝ amǝnia yì agir ka à nǝ̀ pa wunia gbal.

Pǝlǝa ne ɓwabunda ama, “Wu parkir wun, wu yal rǝ wun arǝ koya ulang kikil ka, acemǝnana lakki mala agirkuma mala ɓwa ka, nda yilǝmi ɗang.”

Acemǝnana ban mana kume mo nakam ngga, akàm sǝ ɓabumo nǝ̀ pa.

Sǝ yana aɓalǝ wun ɗe mǝnana ɗenyicau mala ɗwanyi nǝ̀ tsǝk yilǝmi nǝ̀ sauwa a ɓanza nǝ bu-pwari mwashat ka? Kǝɓwa pà kàm ɗang.

Yesu pǝlǝa ne alaggana male ama: Ən nggǝ na wun ama ɓabum wun ɓǝ̀ kǝa pi ace gir mǝnana wu nǝ̀ li ace do nǝ yilǝmu, andǝ mǝnana wu nǝ̀ oasǝo a rǝ wun ngga ɗang.

Wu sǝni! Ko nggearǝ anyang ɓamuru wun ngga à ɓalnia kat. Ace mani ka, ɓangciu ɓǝ̀ kǝa pakka wun ɗang, wu kuti amǝpuɗeng kat nǝ ɓoarɓwa.

Domwan mǝkyauwe, ɓangciu ɓǝ̀ kǝa pakka wun ɗang, acemǝnana Tar wun ngga ban kǝ ɓoari wi ɓǝ̀ pa wun agir mǝɓoarne mala Domurǝm male.

Wu sǝna arǝ agang'lang pe! À kǝ̀ ɓealɓeale ɗang, à kǝ ram girɓaban ɗang, ko nggearǝ ban tsǝk girlina ko bà ka à pànǝi ɗang. Kat andǝ amani ka Ɓakuli kǝ linǝia. Sǝ ɓoarɓwa ma'wun aban Ɓakuli ka kuti mala amuna-nyal!

Ɓǝ̀ ɓabum wun ɓǝ̀ kǝa pi ace agir mǝnana wu nǝ̀ li ko wu nǝ̀ nu ka ɗang, wu kǝa pak ɗenyicau amuri ɗang.

Sǝ ɓǝ̀ anggo sǝ Ɓakuli kǝ ɗenyi nǝ abondo mǝnana à ndya à kǝ sǝnia yalung, sǝ li ka à turnia a bǝsa ka, sǝ nǝ wun? Pà nǝ̀ pakka wun mǝnana kuti malea ka re? Guliarǝu ma'wun kyau fat!

Kǝ gir pà kàm mǝnana gire sǝ à pà nǝ̀ ndǝli raka, sǝ ko ya gir'sǝmbǝra ka à nǝ̀ pusǝ ce.