ខគម្ពីរពេញនិយមពី Lik 14

ចែក​រំលែក

— Yon moun ki vin jwenn mwen, si li pa rayi papa l, manman l, pitit li, frè l, sè l, menm pwòp tèt pa l, li pa kapab disip mwen.

Moun ki pa pote kwa l epi ki pa swiv mwen, li pa kapab disip mwen nonplis.

Se konsa, moun ki vle leve tèt li, y'a desann li, moun ki desann tèt li, y'a leve li.

Jezi di yo ankò: — Konsa tou, nou yonn la a pa kab disip mwen, si l pa detache kè l sou tou sa l genyen.

— Si yonn nan nou vle fè yon gwo batisman, premye bagay pou l fè: se pou l chita pou l kalkile konbe sa pral koute l pou l wè si li gen kont lajan pou l fin fè travay la. Si l pa fè sa, l'ap fin poze fondasyon an, epi l p'ap ka fini batisman an. Lè sa a, tout moun ki va wè sa va pran pase l nan betiz. Y'a di: Nonm lan konmanse bati, men li pa kapab fini.

Men, lè w'ap fè yon fèt, envite pòv yo, enfim yo, moun k'ap bwete, moun avèg yo. Konsa, se va yon benediksyon, paske yo p'ap kapab rann ou laparèy. Se Bondye ki va renmèt ou sa lè tout moun ki fè byen yo va leve sòti vivan nan lanmò.

Sèl, se yon bon bagay. Men si sèl la pèdi gou l, ak kisa pou n fè l sale ankò? Lè sa a, sèl la pa bon pou jete ni atè ni nan fimye. Li annik bon pou voye sa jete. Sa ki ka konprann, konprann.