ខគម្ពីរពេញនិយមពី Lúkas 10

ចែក​រំលែក

Kuri yis hiyak ku samah nah iki yit ka aynsima kumadukaki. Yis ik adahan yis sibuh kaybune akak akuw. Nah keh yis pi datte giw ner nuvetunya Satanas. Ig ka hiya yisamanak.

Igme Kiyavwiye Jesus kaytwa guwn: — Marta, Marta. Pis ikano pitew adahan arakembet annivwit. Pis kiyimwihwa nikak. Henneme pahat arikna ay pi kabayte adahan wis keh. Eg Mahi kuwis kaniye ini ku pariye kabaytenene adahan eg keh. Eg timapno nuwnuh. Nah ka miniwkisgu niw.

Igme kaytwa giwn: — Amekene Moís gikumadukan awna: “Bateknabay gikak Kiyavwiye Uhokri avititak madikte yiyakni. Bateknay gikak akak madikte yibetki. Bateknay gikak akak madikte yidatni. Bateknay gikak abet madikte yihiyekemni. Hawata akiw yis batek gikakkis yiyakivwi hiyeg hawata ku samah yis batek akak yivit.”

Ig awna gitkis: — Ka aynsima hiyeg kuwis ahegbet adahan igkis kamaxwevyes ta nuvitit. Ta nutuh igkis kewa pahak wasbe ivatrik ahegbet adahan tariswiki. Heneme ka kiyesadima hiyeg ekkene nuhiyekemni gitkis nudahan. Piriyepkawnabay ta git Kiyavwiye was akivara adahan ig kawatni hiyeg kahadbe igkisme kinetihwa gitkis numinuh.

Pisenwa gawnan inakni iwit, ig Kiyavwiye Jesus awna ta git ner awayg: — Kuri nah muwaka pis kaniy. Ku aysaw ner awayg patiptekwika gikakkan gavitkis amevwavye, pariyevahki gaytakkis igkis mpananene awaykemni, pariyevahki gaytakkis kayah gidahan giyaki hiyeg ke givitbe? Igme kaytwa giwn: — Nernewa ku pariye amnihpig, ignewa kayah gidahan ke givitbe. Igme Kiyavwiye Jesus awna git: — Amawka pis keh hawata ke ignebe. Ku pis hiyap pahavwi piyaki hiyeg arikna muwak git, amawka pis amnihgi.

Ataknabay kuri. Nah yawahkisten gibetitkis hiyeg ke wotbe nah awahkiswiyebe muwtoh ta gibetitkis axtigiviyenebe.