ខគម្ពីរពេញនិយមពី LUKAS 22

ចែក​រំលែក

“Umaku, ane mupodota, pakakawaomo nggari ja'iku kasusa bo kapari e'i! Tapi ne'e dotaku to majadi, aga dotamu mboto.”

Tapi Aku naopumo nosambaya ka iko, Simon, ala iko da'a mokanggaura momparasaya Aku. Pade tempo iko matingguli bali momparasaya Aku, iko kana mompakaroso pomparasaya roamu wo'u.”

Naopu etu niala Yesus wo'umo roti pade niulina tarima kasi ka Pue Alatala. Pade roti etu nibingga-binggana pade nibagina ka ira ante nanguli, “E'imo koro bataku to rawai mantolo silaka komi. Kawiamo ada e'i ala mombatora Aku.”

Sangga naopu ira nanggoni, iwetu wo'u nikawiana ante panginu. Nialana saongu sanggiri pade niulina, “Panginu e'i tandai pojanji Alatala to nabouna ante manusia. Pojanji etu rapakaasa ante leiku to rapatiti ka komi.

Pade nosambaya wo'umo Yesus ante mpu'u-mpu'u, sampe inina najadi ewa lei natiti ri tana sabana nasusa mpu'u rarana.

Tapi da'a masipato komi moinggu iwetu. Kakonona komi kana moinggu iwe'i: to nalanga katuwuna nggari komi kana majadi nasimbayu ante to naedena, pade topanggeniaka komi kana majadi nasimbayu ante batua.

Tapi nesonomo Yesus, “Parasayamo Petrus, da'apa manu mora'o ngina bobaya tolungganimo iko mombasapu Aku.”