ខគម្ពីរពេញនិយមពី San Marcos 14

ចែក​រំលែក

ta ka̱chi‑Ña̱ saá: ―Abba, Táta‑i̱, ntikuíi ña̱ kuvi nu̱ú mií‑ún. Sáya̱ꞌa ña̱ ntoꞌo ini‑yu̱ yóꞌo, ña̱ kúú tá ku̱va ña̱ koꞌo‑i̱ iin kópa u̱va̱, suu ná köo ña̱ kúni̱‑yu̱ chi ná koo ña̱ kúni̱ mií va‑ún.

Kuntito‑ntó, ta ka̱ꞌa̱n‑ntó xíꞌin Ntióxi̱ ná ntäkava‑ntó nu̱ú kua̱chi, chi ínima̱‑ntó kúni̱‑ña̱ kasa‑ña̱ ña̱ va̱ꞌa, suu ku̱ñu̱‑ntó kökúchiñu‑ña̱ kasa‑ña̱‑ña̱.

Míí ña̱ nta̱a̱ ná ka̱ꞌa̱n‑i̱ xíꞌin‑ntó, ntikuíi nu̱ú ná ntakani‑na̱ tu̱ꞌun va̱ꞌa Ntióxi̱ nu̱ú iin níi saá ña̱ yúví yóꞌo, ta ntatúꞌun tu‑na̱ xa̱ꞌá ñá síꞌi yóꞌo, ña̱ ki̱xa ñá yóꞌo, ná kuñuꞌu ini‑na̱ xa̱ꞌá‑ñá.

ta káchi‑Ña̱ saá xíꞌin‑na̱: ―Kúsuchí nti̱va̱ꞌa ini‑i̱, ta xa̱ túvi‑i̱ ña̱ kuvi̱‑i̱. Kinto̱o‑ntó yóꞌo, ta kuntito‑ntó.

Nani xíxi‑na̱, ti̱in Jesús xi̱tá va̱ꞌa, ta nta̱kua̱ꞌa‑Ña̱ tixa̱ꞌvi Ntióxi̱, tá nti̱ꞌi nta̱ta̱ꞌví‑Ña̱‑ña̱, ra ta̱xi‑Ña̱‑ña̱ ntaꞌá‑na̱, ta káchi‑Ña̱ saá: ―Tiin‑ntó xi̱tá va̱ꞌa yóꞌo; ña̱ yóꞌo kúú ikí ku̱ñu̱‑i̱.

Tá nti̱ꞌi, ti̱in‑Ña̱ iin kópa víno, ra tá nti̱ꞌi ña̱ ta̱xi‑Ña̱ tixa̱ꞌvi Ntióxi̱, ta̱xi‑Ña̱‑rá ntaꞌá‑na̱, ta ntikuíi‑na̱ xi̱ꞌi‑rá. Ta ka̱chi‑Ña̱ xíꞌin‑na̱: ―Tiá yóꞌo kúú ni̱í‑i̱, ta xíꞌin rá yóꞌo kínto̱o Ntióxi̱ iin tu̱ꞌun xíꞌin‑ntó, ta rá yóꞌo kúú rá kui̱tia̱ xa̱ꞌá kua̱ꞌá na̱ yuví.

Ra tá nti̱ꞌi, ka̱chi Jesús saá xíꞌin‑na̱: ―Tá kúú ntiꞌi‑ntó, ntakoo míí túꞌun saá‑ntó yu̱ꞌu̱, chi saá káchi nu̱ú Tu̱ꞌun Ntióxi̱: “Sátakue̱ꞌe̱‑i̱ ra̱ ntiáa ntikachi, ra ntantiu̱tia̱ ntiꞌi míí ntikachi ku̱ꞌu̱n‑rí.”

Ntakuntita‑ntó, ra ko̱ꞌó; chi xa̱ va̱xi ra̱ ntaxǐko yu̱ꞌu̱.

Ra nta̱kuiin Jesús, káchi‑Ña̱ saá xíꞌin‑ra̱: ―Míí ña̱ nta̱a̱ ná ka̱ꞌa̱n‑i̱ xíꞌin‑ún, ña̱ míí ñǔu vichin, tá kúma̱ní ka kana chéle u̱vi̱ ichí, xa̱ u̱ni̱ ichí köníntakuiin yuꞌú‑ún ña̱ xíni̱‑ún yu̱ꞌu̱.