ខគម្ពីរពេញនិយមពី LUKA 22

ចែក​រំលែក

“Pa aw, nangma ngaihsutna bang ahihkhak leh hih ka thuak ding gimna tawh hong kipelhsak in. Ahi zongin kei deihna bang hi loin nangma deihna bang hi ta hen,” a ci hi.

Ahi zongin, Simon aw, na upna na khahsuah loh nadingin nang a dingin thu kong ngetsak khin hi. Kei kiangah nong kiheikik ciangin nungzui na lawmte na hanthawn in,” a ci hi.

Tua ciangin anlum la-in Pasian tungah lungdamna a kohkhit ciangin amaute tungah pia a, “Hih pen note a dingin a hong kipia keima pumpi ahi hi. Keimah nong phawk nadingun na ne un,” a ci hi.

Tua mah bangin an a nekkhit uh ciangin amaute tungah hai pia a, “Hih leenggahzu pen note a dingin a luangkhia, Pasian’ thuciamna thak a kipsak ka sisan ahi hi.

Lunggim mahmah ahih manin nakpitakin thu ngen semsem a, leilak a si mal gol taak bangin a khua-ul a taak hi.

Ahi zongin note lakah tua bang hi lo ding hi; a lianpen pa a neupen bangin om ding a, a makai pen pa a nungzui nunungpen bangin om ding hi.

Tua ciangin Jesuh in, “Peter aw, ke’n a mantakin kong genin-ah, ‘Amah ka thei kei hi,’ ci-in thumvei nong nialkhit matengin tuni-in ak khuang lo ding hi,” a ci hi.