ខគម្ពីរពេញនិយមពី Jenɛɛsë 13

ចែក​រំលែក

'Plälä kä 'fɩɔ ‑jääa' 'wʋ, 'n ‑nyɩ ‑mɩ 'ään, 'n ‑nyɩ 'ään ‑na 'jüa jüa 'jü 'plɔʋplɔʋa ‑gʋ.

Lɔɔtë sɔa' Abramë ‑gba nɩ, Yawe nya ‑gbala Abramë: «'Nyüglö ‑plɩɩlɩ ‑bäa', dɔrɔ 'wli 'wʋ, tɛ 'jrʋa 'wʋsɔrɔfaa kʋmla 'pɛlɩ, ‑a mi 'ua 'wʋsɔrɔfaa 'dupa 'pɛlɩ, nyra 'jrʋa 'wʋsɔrɔfa 'wʋ, ‑a mi 'ua 'prerefa 'wʋ.

‑Na 'jüüa 'jüü, nya ‑sümlöa ‑beere ‑tʋtʋa 'mlʋ. Nyɔɔ ma 'mrɛɛ 'ɔmä ‑tʋtʋa 'mlʋ ‑täsä nɩ, jresaa ‑na 'lɩgoglokʋ nya bɩa ‑täsräa.

'Ii känyrɩ Abramë nya ‑gbala Lɔɔtë ‑maa: «‑Yrɛ 'nyɩ bä 'na mlaagbanyɛrɛnyüü nyra ‑na nüa ‑tɔrʋpɩɔ, 'be ‑wlajü a bä.

Abramë nya 'sa 'ɔa ‑tetu 'kou, 'ɔnya kʋ Eblɔɔn bätä, Mamirea tiili 'ü 'daraa' terebitëtii, 'ia ‑gba. 'A ‑plɩɩ 'ɔ 'pala ‑gbɔsatöwlö Yawea ‑gʋ.

Lɔɔtë nya dɔrɔ 'ɔa 'wli 'wʋ, 'ɔnya 'jä ‑tʋtʋlʋ bäa' Jurëdɛɛn a 'niea 'pɛlɩ. 'Nɩ bä 'ia ‑tʋtʋpɛlɛ ‑gälɩ, ‑a ‑tɔɔ Soarë. 'I ‑beere Yawea putu. 'Ia 'taɩn 'lɩ Yawe ‑kaaŋlʋ Sodɔɔmë nyra Gomɔɔrë ‑gbloo; 'i ‑beere kä bɩa ‑tʋtʋlʋ bäa' Ejiipëtëa 'nie ‑gba.