ខគម្ពីរពេញនិយមពី اِنجیلِ یوحنا 2

ចែក​រំលែក

این طی عیسی شه اَوِّلین نِشونه و معجِزه ره قانایِ جَلیلِ دِله اِنجام هِدا و شه جِلالِ ظاهر هاکارده و وه شاگِردون وه ره ایمون بیاردِنه.

عیسی وه ره بااوته: «اِی زِنا، این کار مِ ره چه رَبطی دارنه؟ مِ مووقه هَمتی‌ نَرِسیه.»

عیسی نوکِرونِ بااوته: «این خمره ها ره اوهِ جِم پِر هاکانین.» وِشون اونا ره لَب به لَب پِر هاکاردِنه. بعد عیسی وِشونِ بااوته: «اِسا اَت کم اونِ جِم بَیرین و مَجلِسِ رَئیسِ پَلی بَوِرین.» پَس وِشون بَوِردِنه.

عیسی وِشونِ جِواب هِدا: «این مَعبِدِ لِه هادین و مِن سه روزِ سَر اونِ اَی دِواره سازِمبه.»

پَس رَسِنِ جِم یِتا شِلّاق بِساته و همـهِ وِشونِ، گُسفِن ها و گو هائه هِمراه، مَعبِدِ جِم بیرون هاکارده. و صَرّافونِ سکّه‌ها ره بِنه سَر دَشِندیه و وِشونِ میزا ره له هِدا، و کوتِر روشِنِ بااوته: «اینا ره اینجه جِم بیرون بَوِرین و مِ پییِرِ سِره ره کَسب و کارِ محل نَکِنین!»